Getaria - Baiona

Getaria- Baiona

(2023 - 06 - 15ean, osteguna)

Gaur, ekainak 15, osteguna, Idiazabaldik autobusez irten gara goizeko 6:30ean GMBko 45 mendizale (14 emakume eta 31 gizon). Getaria ingurura iritsi eta Euskal kostaldeko 14. eta azken etapari ekin diogu. Goizeko 7:55ak aldera abiatu gara, zeru lainotuarekin eta tenperatura nahiko atseginarekin. Etapa honetan Getariako, Bidarteko, Biarritzeko eta Angeluko hainbat hondartza pasatu ditugu. Baita Biarritzeko itsas museoa eta San Martingo itsasargia ere. Azkenean, 13:05ak aldera Angeluko Izadia parke ekologikora iritsi eta Baionako Biltxoko elkartera joan gara bazkaltzera.

Ibilbidea eta denborak:

Hasiera-Merko Lacarra kanpina (Donibane Lohizune) (20 m), Baldareta (6 m; 0,5 km; 0:05), Bordele-Irun trenbidea (31 m; 1,3 km; 0:15), San Joseren ermita (30 m; 2,3 km; 0:30), Uhabiako hondartza (7 m; 2,8 km; 0:35), Madalenaren kapera (56 m; 4,8 km; 1:05), Thermes hotela (22 m; 9,1 km; 2:10), Hareatza (7 m; 10,6 km; 2:35), Itsas museoa (11 m; 11,5 km; 2:50), San Martingo itsasargia (33 m; 14,5 km; 3:50) eta Izadia parke ekologikoa (5 m; 21,8 km; 5:10).