Endara/San Anton urtegia - Higer lurmuturra

(2022-11-02, asteazkena)

Gaur, azaroak 2, asteazkena, Idiazabaldik autobusez irten gara goizeko 7:00etan GMBko 49 lagun (12 emakume eta 37 gizon). San Antongo urtegira iritsi eta goizeko 8:25ak aldera abiatu gara. Pixkanaka-pixkanaka igotzen joan gara Soroetako Desertoreen mugarriraino. Hortik aurrera jaisten hasi eta San Martzialen ermitara iritsi gara. Ondoren, Irun eta Hondarrabia zeharkatu ditugu eta ordu biak aldera Higerko itsasargian bukatu dugu ibilaldia. Idiazabalera arratsaldeko 5:30ak inguruan itzuli gara.

Ibilbidea eta denborak:

San Antongo urtegia (244 m), Artasoro (165 m; 1,5 km; 0:25), Gorostardiko bidegurutzeta (435 m; 5,7 km; 1:25), Soroetako edo Desertoreen mugarria (440 m; 6,4 km; 1:35), Amasain (325 m; 7,6 km; 1:50), Aldabe edo San Martzialgo gaina (241 m; 9,8 km; 2:20), San Martzialen ermita (220 m; 11 km; 3:00), AP-8 autobidea (18 m; 12,3 km; 3:25), Euskotren (21 m; 14,3 km; 3:50), Amuteko ubidea (10 m; 15,9 km; 4:10), Santa Maria Magdalenaren eliza (7 m; 19,1 km; 4:45) eta Higerko itsasargia (42 m; 22,5 km; 5:40).

Desnibel metatua: igoeratan: 465 m; jaitsieratan: 675 m.