Zarrakaztelu-Uxue

Zarrakaztelu - Uxue

(2023-03-01, asteazkena)

Gaurkoan, autobusak Zarrakaztelu herrian utzi gaitu goizeko 8:30ak aldera, 10 emakume eta 35 gizonezko, hortik hasi eta Uxuen bukatzeko. Eguraldi garbiarekin irten gara, goizetik eguzkia eta ipar mendebaleko haize fina (ziertzoa) ditugula. Murillo herritik pasa eta aldapatxoa igoz, gero dena zeharka, Viñaza parajea, Santa Ageda, Vigas mendia, Andra Maria Zuriaren baseliza eta Azandieta zulora arte. Handik berriz gorantz, Uxuen bukatu dugu, herria eta tontorrean dagoen Santa Maria eliza ikusiz. Autobusez San Martin Unx herrira iritsi eta bertan bazkaldu dugu, arratsaldean gure txokora bueltatuz.

Ibilbidea eta denborak:

Zarrakaztelu (325 m), Murillo el Fruto herria (339 m; 3,5 km; 0:41), La Viñaza parajea (415 m; 5,1 km; 1:03), Suhiltzaileen begiratokia (614 m; 7,4 km; 1:43), Santa Ageda parajea (647 m; 8,7 km; 1:58), Alkuazako korta (659 m; 9,4 km; 2:24), Na 5311 errepidea (706 m; 11,8 km; 2:54), Andre Maria Zuriaren ermita (721 m; 12,65 km; 3:03), Jonara Ozkoidi korta (708 m; 13,3 km; 3:17), Abuñagako putzua (717 m; 15,2 km; 3:38), Aintzira (724 m; 16,4 km; 3:52), San Migel ermita (755 m; 19,8 km; 4:46), Uxue, Andre Maria eliza (821 m; 20,4 km; 5:00), Uxue, bukaera (786 m; 21,6 km; 5:20).

Desnibel metatua: igoeratan: 709 m; jaitsieratan: 247 m.