Kl. 16:15 - 16:30 Móttaka í sal Giljaskóla (gengið inn um aðalinngang skólans, suðurinngangur á austurhlið)
Kl. 16:30 - 17:15 Fyrri lota menntabúða
Kl. 17:15 - 17:45 Kaffi í sal ... sitjum bara lengur yfir góðum veitingum og spjalli
ATH! Breyting á dagskrá er veruleg:
Ólafsfjarðarvegur er lokaður vegna snjóflóðahættu og því kemst starfsfólk Grunnskóla Fjallabyggðar ekki til okkar. Þar fara 5 menntabúðir.
Við ákváðum því að hafa þær sem eftir eru í fyrri lotu og kaffið. Þið getið því setið lengur yfir veitingum og spjallað við kollega.
Viðfangsefni menntabúðanna eru af margvíslegum toga. Dagskráin getur tekið breytingum fram að menntabúðunum. Google Docs og PDF.
Forrit og viðbætur til að aðstoða nemendur með sérþarfir og erlenda nemendur
Skoðum hvernig við notum viðbætur í Chrome til að styðja við nemendur með lestrarörðugleika. Hvað er í boði og hvernig nýtum við það? Hvaða forrit er verið að nota í iPad og hvernig virka þau? Hvað hefur virkað í skólum? Einnig verður farið í viðbótina Helperbird sem hefur þann eiginleika að virka bæði í iPad og á Chrome-vafranum og Akureyrarbær hefur fest kaup á fyrir alla nemendur.
Staðsetning: stofa 204-205, 2. hæð
Bergmann Guðmundsson, verkefnisstjóri Brekkuskóla og Giljaskóli
- - - - -
Wevideo klippiforrit í skýjunum
Skoðað verður hið magnaða Wevideo klippiforrit. Hægt er að klippa bæði myndskeið og hljóð (podcast). Kosturinn við Wevideo er að það er á neti og virkar því vel í Chromebook.
Staðsetning: stofa 203, 2. hæð
Hans Rúnar Snorrason, kennari Hrafnagilsskóla
- - - - -
Þjóðtrúin - álfar, huldufólk og kynjaskepnur (allur aldur)
Sagt verður frá þemadögum í Hrafnagilsskóla þar sem unnið var með íslenska þjóðtrú og þá sérstaklega álfa, huldufólk og kynjaskepnur. Hugað var sérstaklega að sögum úr heimabyggð og stöðum þar sem hefur sést til þessara kynjavera. Einnig verður sagt frá bókarflokki fyrir ungmenni þar sem líf nútíma unglinga fléttast inn í þjóðsagnarheim álfheima. Bækurnar henta vel sem samlestrarbækur í 6. - 9. bekk og upplýsingar eru inni á hrund.net.
Staðsetning: stofa 206-207 2. hæð
Hrund Hlöðversdóttir, skólastjóri Hrafnagilsskóla og rithöfundur
- - - - -
Tækni á yngsta stigi
Hvað þarf að hafa í huga, hvað ber að varast og hvernig veljum við okkur forrit til að nota. Kynning á nokkrum áhugaverðum og nýtilegum forritum.
Staðsetning: 108-109, 1. hæð
Inga Dís Sigurðardóttir, kennari Giljaskóla
- - - -
Útikennsla á yngsta stigi
Kynning á verkefnasafni fyrir útikennslu á yngsta stigi. Mig langar að deila reynslu og hugmyndum sem hafa safnast saman síðustu fjögur ár en ég kenndi 1.-4. bekk í tveggja-kennslustunda lotum úti í skógi og á skólalóð. Verkefnasafnið og kynningin er hugsað sem innblástur fyrir kennara sem kenna á yngsta stigi en einnig á miðstigi.
Staðsetning: stofa 208-209, 2. hæð
Rebekka Kühnis, kennari Hrafnagilsskóla
- - - - -
Opið hús í smíðastofu
Smíðakennari spjallar og sýnir hvernig tölvustýrður þrívíddarfræsari vinnur. Verk eins og fermingargestabækur verða til sýnis.
Staðsetning: smíðastofa, 1. hæð
Guðmundur Hákonarson, smíðakennari Giljaskóla
- - - - -
Opið hús í sérdeild
Hægt að skoða og fræðast um skynörvunarrými, verkefni byggð á hugmyndafræði TEACCH, augnstýribúnað, rofa, myndrænt skipulag o.fl.
Staðsetning: stofa 103, 1. hæð
Arna Tryggvadóttir, Guðrún Linda Guðmundsdóttir, Guðrún Soffía Viðarsdóttir, Sigrún Þórólfsdóttir og Elsa Dögg Benjamínsdóttir, sérdeild Giljaskóla