林佳宜〈心夢〉

細漢的你 笑笑徛佇遐

少年的心 期待未來路

青春的願 真心伴阮相行

命運創治 目屎毋敢流

你敢會記過去慢慢一步行

你敢會記未來恬恬等待我

前途茫霧看袂清

越過頭你的心肝內

美麗的夢 永遠攏佇遮

你的夢其實從來沒離開

你的夢猶原勇敢咧相隨

你的路充滿了希望

等待花開時陣

感謝天的用心安排

成全啊

吳亮霆〈烏白臆〉

黑白白黑白。人生黑白。

自由心證袂歹勢。攏共款的自私。

臆啊。講啊。

咱應該只是咧講耍笑啊。

欸你哪會按呢誣賴我。

社會裡的菜pi1 pa1。

哎呀呀。

予傷害甲心裡早已無牽掛。

彼攻擊啊我早就不懨看。

哈哈哈。

許祐綸〈度，麗，咪 〉

度，攑粉筆來畫圖，

麗，一蕊美麗的花，

咪，我愛食扁食麵，

發，是啥乜魔法啦！

所－有朋友來到遮，

啦啦，逐家來唱歌，

絲，莫逐工看電視，

音樂世界的路途－－

呂沛慈〈台灣ê少年人〉

世間阿 有怨嘆 傷濟紛亂少平和

少年ê心膽寒 畢業將來錢佗來

台灣人毋情願 不公不義看袂落

抗爭阿有希望 喊出未來ê希望

做人阿本是難 人生無常變化濟

愛人阿未成全 滿滿期待心落空

阿～是什麼款ê社會 會這樣款ê變態

霧煞煞怨嗟歎 常常悲憤是日常

朋友作伴時感嘆 歡笑伴隨著傷感

口林(lim1) 幾杯笑今生

迷迷茫茫過日子

梁竣雅〈翕相機〉

怎樣叫我放袂記

初次ê記持

怎樣叫我放袂記

有你佇身邊

我想欲擱去

補足遺落ê行程

我想欲擱去

相片一直翕

我欲親像我毋捌離開

我欲抱你絚絚毋放開

我欲了解關於你 ê消息

𨑨迌若無你

我毋知會有啥意義

林守鴻〈山的歌〉

慢慢兮行 涼風吹過我身軀

青青兮光景 予人感覺心頭輕鬆

這款所在 真心歡迎逐个來

毋過等我上( tsiūnn)山頭了

就無按呢想

我徛佇山頭看 看下底兮山跤

予人開墾甲無一片完好如初

細間是農舍 大間是樓仔厝

共這大片的樹仔林 準做無路用

歡迎開發這个無盡兮土地

嘔血兮貓仔 絞死兮暗光鳥

對錢兮追求 對命兮藐視

攏是這个時代的悲哀

曾天鈞〈愛情的歌〉

愛像一場夢 一場半夢半醒的夢

有時向望 有時落空 夢醒煞來驚凍

愛像一隻帆 找無方向趕緊欲出帆

有時風靜 有時海湧

行到最後 佗位入港

越過頭去看 故事若破網

咱的未來 敢會花開花芳

越過頭去看 心頭愈沉愈重

煞發現一切是夢 亦是帆

這場夢 猶有誰咧等

故事一幕幕 春夏秋冬

有時陣心事無底藏

怨嘆誰人知阮苦痛

這隻帆 行到遐遙遠

望你轉來 將阮攬

因為無人知 這場愛 又逢冬

周家豪〈寡情都市〉

樓頂長長的暗暝 消磨空虛

猶原五花十色的吵鬧

只存稀微恬恬咧號

彼卡當掉的手指 未赴送予卦念的伊

擔頭烏暗的城市 竟然揣無幾粒星

懷念港邊的海岸 風聲無奈

鐵支路邊紅燈閃閃爍爍

月台煞看無伊咧等待

麵攤內面的少女 想起心愛走傱遊子

桌頂無捂化薰頭 照著孤單的眠床頭

浮浮沉沉像夢彼般

異鄉 無熟悉的面腔

青虹 刺痛阮的目睭

揣無 當初歡喜心緒

倔強 今嘛才知認輸

日子的無聊

將初心的模樣淹沒佇這條愛河

人生的光景佮軟汫的信心

攏斷佇歲月彼刀

懷念的形影 無熟悉的痕跡

心肝內猶原糟糟