一、夢一

子晴：「這裡是？」

子晴回過神來，發覺家己徛佇一大片的田野中；環顧四面，無任何厝佮路。這个時陣，子晴看著遠遠的樹仔跤敢若有人。伊趕緊行過去，想欲問清楚。到樹仔跤了後，才看清楚，原來是一个查某囡仔……

子晴：「這小女孩怎麼沒穿鞋子在外面玩，他的家人不管她嗎？算了，先問話要緊。」

子晴：「妹妹，請問這裡是哪裡？」

小女孩：「……」

子晴：「你可以再說一次嗎？我聽不到你的聲音。」

雖然講這个查某囡仔看起來是咧講話，猶毋過子晴就是聽無伊的聲音。看兩人無法度交流，查某囡仔微微仔笑，挽起邊仔塗跤的草仔花送予子晴。這時耳仔邊傳來亂鐘仔聲，回過神來，伊當䖙[the]佇厝內的被管內面。

子晴：「原來是一場夢啊。」

二、暑假計畫

子晴起床了，到食飯桌食早頓。這時老爸坐佇邊仔看報紙……

家豪：「子晴啊，等妳放暑假後，一起回仁武看阿嬤。」

子晴：「喔，知道了」

子晴心不在焉兮回答，一來頭拄仔才起床，二來猶閣咧回想拄仔的夢境。食飽出門後，子晴看著隔壁搬來新的厝邊，看一眼著對學校出發。

子晴：「隔壁原本住誰啊，沒什麼印象。」

中晝的時陣，子晴共朋友珊妮佇咧話仙。

珊妮：「子晴，妳暑假前幾周有空嗎？一起出去玩好不好？」

子晴：「好啊，要去哪裡玩？」

珊妮：「最近大熱門的韓團，超handsome的，舞也跳得very good。剛好暑假的時候要來台中開演唱會，一起去看吧。」

子晴：「當然好啊，我超喜歡他們的。」

著按呢兩人歡歡喜喜咧安排行程……

三、爭執

歇熱後，子晴當準備出門佮珊妮欲去看演唱會，家豪感覺奇怪……

家豪：「你要去哪裡啊？」

子晴：「我和同學約好了要去台中看演唱會啊，大概會在那裏玩兩、三天吧。」

家豪：「之前我不就跟妳說過，今天要回高雄奶奶家嗎？怎麼還跟同學約啊？」

子晴這時才雄雄想著阿爸講的話，但是伊較想欲佮同學去𨑨迌[tshit-thô]……

子晴：「可是我已經和人家約好了，怎麼可以不去。下次有空我再回去啦。」

家豪：「什麼跟人家約好，我多久以前就跟妳說了？現在去聯絡對方，說你不能去。」

子晴：「可是……」

家豪：「可是什麼，我講的話妳是毋是攏無咧聽，你是臭耳聾是無？自從上大學了後，逐工攏佇外口耍到三更半暝才轉來；歇熱的時陣轉去高雄陪阿嬤幾工遮爾無甘願，真正是毋成囝。是無是無阿母管妳後，著變甲遮爾無聽話？」」

子晴：「是啦是啦，我就是沒媽媽管才這麼不聽話。」

家豪講的話，刺激著自細漢著無老母的子晴。講煞，子晴走轉去厝間，一個人流目屎。家豪嘛真受氣咧坐佇客廳，一觸久仔，伊想起家己細漢的時陣佮怹阿母的記持……

四、家豪的過去

家豪的阿爸：「好啊，你這个猴死囡仔，叫你去放牛你走去佗位耍啊？牛若是拍毋見，是欲按怎犁田？你共我跪咧！」

家豪的阿母：「哪會共囝仔拍甲按呢？囝仔人愛耍嘛是正常的，閣再講牛著無走去。」

「以前，阮老爸對囡仔人足嚴厲， 小可仔狡怪，棍仔著摃落去。彼時我予拍甲尻川腫起來，阿母伊攏會共我抹藥仔，予傷勢較緊復原。」

細漢的家豪：「阿母，我足無爽快兮。」

家豪的阿母：「家豪啊，你閣忍耐一下。阿母用水甲你的身軀拭拭咧，著袂遮爾艱苦啊，緊歇睏著會緊好啊。」

「以前草地無啥物醫生，破病攏干焦會當聽天由命。我有一改發燒，阿母伊規暗攏無睏，一直佇我身軀邊照顧我，予我無遐爾痛苦。」

家豪的阿爸：「阮轉來囉。」

家豪的阿母：「轉來了著緊去甲物件囥囥咧，準備食飯矣。」

細漢的家豪：「我欲枵死矣，有煮啥物好料無？」

「以前對[uì]田內鬥相共了後，轉去厝內，阿母攏會煮豐沛的飯菜，等待翁婿共囡仔。佇食飯桌頂，伊一直挾菜到阮的碗內，驚阮吃無飽。」

「子晴伊自細漢著無老母，我又閣無閒工課趁錢；伊過甲遮爾孤單，我實在是無應該罵伊。」

家豪行到子晴厝間門跤口，講……

家豪：「子晴，阿爸話講太重了，能不能原諒阿爸？另外，我們很久沒探望阿嬤了，回去看看她好不好？」

子晴冷靜後，知影是家己毋著。共珊妮解說了，就佮阿爸做伙轉去祖厝。

五、菜市場

玉蘭七早八早著起床矣。伊先燒香拜拜，閣來家己煮糜做早頓。早頓食了，準備好勢了後，就去菜市仔買菜。

玉蘭佇市仔拄著阿滿。阿滿佇遮賣菜，伊自細漢著佮玉蘭熟似。

「阿滿，爻[gâu]早！」

「喔，是玉蘭喔！爻早呢！啊妳哪會買遮濟菜？」

「喔無啦，阮今仔日乎，阮後生愛轉來阮遮食飯啦！」

「喔家豪愛轉來喔！伊這馬做頭家，應該趁足濟兮乎？」

「無啦，嘛無講偌大間的會社。」

「是喔，啊子晴咧？伊這馬幾年矣？」

「喔，子晴喔，伊這馬大學三年矣啦，歇熱了後著欲四年矣。」

「喔，按呢伊著欲畢業矣呢！時間過了足緊兮呢。啊著矣，等我有閒的時，咱閣來𤆬[tshuā]子晴去廟口彼爿踅踅咧。」

「哎喲，伊一定無愛去兮啦。這馬的少年人攏無佮意彼種所在。」

「是啊是啊。」

「好矣，我閣愛轉去款物件，咱著講到遮，再會！」

「好，順行呢！」

六、家族聚餐

總算等到家豪佮子晴轉來的時。

「阿母啊，阮轉來矣！」家豪講。

「喔，家豪你轉來矣呢！啊閣有子晴。」玉蘭看著怹，足歡喜兮。

「阿兄！」佇一爿鬥相共的家芬嘛看著怹矣。家芬是家豪的小妹，這馬蹛佇祖厝附近。「還有子晴，你們回來啦！」

「對啊。」家豪應道，「子晴，叫阿嬤、姑姑啊。」家豪對子晴說。

「喔，阿嬤，姑姑。」子晴敢若無啥物精神。

「好，好。阮差不多準備好矣，咱著緊來食飯乎。」玉蘭講。

食飯時。

「啊你這馬會社按怎？」玉蘭問。

「無按怎啦，最近無啥物特別的事志。」家豪應。

「無事志著好。佇外口拍拼，身體嘛愛顧呢。」

「知啦，知啦。」

「啊子晴你學校按怎？敢有佮同學好好仔鬥陣？」玉蘭問子晴講。

「有啦。」子晴向頭咧用手機仔。

「子晴，吃飯的時候不要用手機。」家豪對子晴講。

「喔。」子晴共手機仔囥一爿，繼續食飯。

七、飯後

暗頓了後。

子晴佇客廳耍手機仔，家芬過來子晴這爿，想欲和子晴開講。

「子晴啊，你在玩甚麼啊？」家芬佮子晴搭話。

「喔，沒什麼啦。」子晴共手機仔收起來，「對了姑姑，這附近有什麼好逛的啊？」

「這附近喔…不然我帶妳去義大世界玩。」

「義大世界？好啊！那我們明天去！」

「嗯…可是明天姑姑沒空耶，妳明天陪阿嬤去廟裏走走吧。」

「蛤啊，我不要去，那裏好無聊喔。」

「阿嬤平常都沒有人陪，很孤單，妳久久回來一次，就陪阿嬤一下嘛。」

「…好啦。」

八、夢二

「嗯，這裏是？」

子晴發現身軀邊的景色敢若捌看過。閣是彼片田園！猶閣有彼个查某囡仔！

「阿姊！來陪我耍嘛！」

「欸，玩…耍，耍…啥物？」

「咱來覕相揣！妳做鬼！目睭瞌瞌，毋通偷看喔！」

「瑕？妳講啥物我聽無…啊，妳欲去佗…」

查某囡仔話一个講了著走遠遠去矣。

伊的意思敢是愛佮我耍「捉迷藏」？子晴按呢想的時，發現塗跤有一个護身符。

「疑？這個該不會是小女孩掉的？我看看，上面寫著……」

子晴佇喙裏唸唸有詞，唸咧、唸咧……

伊著醒矣。

「唉，又是奇怪的夢。」

九、福清宮

「子晴啊，你準備好矣未？」玉蘭問。

「再等一下啦！」子晴袂堪得煩的講。

若是照原本的計畫，我這馬應該是欲去百貨公司shopping，等下晡的演唱會按呢啊！毋過我這馬愛去的是倯壁壁的廟仔，而且日頭遐爾大，實在是有夠悽慘兮！子晴按呢想。

玉蘭𤆬[tshuā]子晴到佇仁武足有名的福清宮。子晴看著廟的名，想講這个名哪會聽起來熟似熟似。紲落來怹行入去廟內底，到拜拜的所在，點一枝香，攑香行禮。玉蘭對清水祖師像唸道：

「信女吳劉玉蘭，三十九年四月一日生，蹛佇中正路六號。今仔日我𤆬[tshuā]我的孫女，吳子晴，來遮共神明請安。祈求阮身體健康，萬事如意，嘛祈求阮子晴學業進步。」

閣來跋桮[pue]，得著一个象[siūnn]桮。

拜拜了，兩人來到廟外，拄著咧行踏的阿珠。阿珠嘛是玉蘭囡仔時的朋友，這馬蹛佇玉蘭怹兜邊仔，厝內開𥴊[kám]仔店。

「阿珠！」玉蘭相借問。

「喔！是阿蘭喔！啊閣有子晴呢！足久無看見[khuàinn]，攏遮爾大漢矣！」阿珠應了，紲落佮子晴講話：「啊你今年幾歲啊？敢有交男朋友啊？這馬放假轉來𨑨迌[tshit-thô]乎？」

子晴緊張甲毋知欲按怎：「……呃……嗯…啊…我……」

玉蘭看子晴按呢，著跳出來講：「哎喲，子晴台語無好，莫共伊勉強啦。」

阿珠感覺誠歹勢：「按呢喔……啊著矣，彼囉家豪咧？伊嘛足久無看見[khuàinn]矣，應該嘛有轉來乎？」

「喔～伊工課較無閒，著先轉去矣…」阿蘭無意無意的講。

「是喔，講著家豪乎，這个少年家，是真有理想，毋過就是傷過拚矣。好啦，我愛先轉去顧店，有閒閣來開講乎！」阿珠應聲。

「好！順行！」

十、假期結束

歇熱了開學第一工的中晝，子晴佮珊妮佇學校餐廳食飯，食甲差不多的時，兩人著一爿用手機仔一爿開講。

珊妮問子晴：「啊妳暑假有去什麼地方嗎？」

子晴回道：「沒什麼啊，我爸每次都帶我去一些很無聊的風景區，不然就是回阿嬤家……對了，之前那個台中演唱會怎樣，妳還有去嗎？」

「Of course！而且我跟妳講喔，我那天還抽到了他們在韓國的演唱會的門票和機票，我就直接衝到韓國了！」

「哦〜好好喔〜」

「然後我們全家還去了歐洲巡禮十日遊，我們去那個瑞士啊，坐阿爾卑斯山小火車——」

「喔我知道！我有看到妳的IG！」

「對呀！然後我們還去了巴黎和米蘭，那裏真的是fashion聖地，center of art！」

「厚，妳根本是在炫耀嘛！啊妳去那麼多地方，都沒有準備禮物給我喔〜」

「有啦，有啦，我明天帶來給妳。」

珊妮繼續用伊的手機仔，誠注神。子晴看珊妮按呢，著問伊：

「欸，妳從剛剛就一直在玩那個，那是什麼啊？」

「妳不知道嗎？這個就最近很紅的app啊。妳看，可以用它模擬拜拜、許願、擲筊，還可以抽籤喔！來，妳試試看！」

子晴對[uì]珊妮的手內接過手機仔。

「哇，好有趣喔！好像跟真的拜拜一模一樣耶！」

「對吧？而且這個app好像還是各個宮廟聯合開發的喔！」

「真的喔，這樣子我們就不用真的親自到廟裡去拜拜了啊！」

十一、夢三

尾暗仔時巷仔口猶原迷人，滿面疑問的子晴抑是行入去祖厝的巷仔內，但是氣味煞格外兮生分，原本巷仔內的傳統市場無去矣，斑駁[pan-pok]的鐵門頂無溫度的鐵鉎，祖厝邊仔的𥴊[kám]仔店有了年紀的颺埃[ing-ia]，路上的吵鬧只賰冷冷清清的過路人。

滿腹疑問的子晴行入厝內面，無看到半个人影。捒開玉蘭房間的柴門，發出帶有年紀的kinn-kuainn叫。

「奇怪！阿嬤咧？」子晴一面喃喃自語一面摸著眠床頂的相簿…

伊一頁閣一頁掀過相簿，四周圍的時空綴咧變動，一直到閣看著頂擺的彼位查某囡仔，子晴想欲勇敢說話矣，但是這擺，查某囡仔看袂見伊……伊只好靜靜的看…

十二、夢四（玉蘭的過去）前

查某囡仔大聲咧唱歌：「天黑黑欲落雨，阿公仔舉鋤頭欲掘芋，掘啊掘，掘啊掘，掘著一尾旋鰡鼓，咿呀嘿嘟真正趣味。」

佮伊做伙的兩个囡仔紲落唱落去：「阿公仔欲煮鹹，阿嬤欲煮淡[tsiánn]，倆个相扑[phah]來弄破鼎。」

最後橫直做伙唱：「咿呀嘿嘟隆咚叱咚嗆，哇哈哈～」田裡嘻嘻嘩嘩的聲此起彼落。

紲落來來到鎮上的福清宮。今仔日是神明的生日，宮口的廟會蓋鬧熱。厝內面一家伙仔鬥陣出來踅街，街頭頂滿滿的人𤲍[kheh]人，無簡單走入去廟內面，攑香綴阿爸阿母做伙拜拜，心內早著飛去街頭踅街矣，閣免講外口珠仔台的喝聲、大腸煙腸的芳味、逐擺來一定愛食的烘番麥…，李仔扦[tshiám]、棉仔糖、烘肉的販仔逐擔攏滿滿人。

宮口抑閣有陣頭演出，鼓聲、炮仔聲弄弄叫，神將真有威嚴；另外閣請來歌仔戲團來搬戲，鄉親父老攏相招出來看戲，彼場面是真正的鬧熱。坐佇台跤，一爿舐李仔扦，一爿認真地看舞台上搬戲，伊目睭睜[tīnn]大大粒攏無𥍉[nih]過半擺……

阿母：「阿蘭仔，該轉去矣喔〜」

查某囡仔：「今仔日真正足好耍兮！食足濟物件嘛看足濟鬧熱佮表演……」

阿爸：「遮歡喜嗎？哈哈哈！誠簡單著會當滿足的人～」

一𥍉[nih]目，彼个查某囡仔已經是媠姑娘仔矣，二十歲的姑娘仔佮阿母講起拄才看了的電影，猶原閣有當年彼个古錐囡仔的面目，抑講起伊將來一定愛過親像女主角幸福美滿的生活，講甲閣有一个捌字 …阿母聽甲喙笑目笑，心內是歡喜閣毋甘「阮阿蘭已經不再是彼个永遠予人煩惱的戇囡仔矣，毋免我一直陪佇伊身軀邊矣…」

「恭喜喔！」「恭喜喔！」

「新郎新娘上禮台，日後添丁大發財，這段姻緣天安排，誠是才女配狀元才～祝怹婚後幸福美滿大進財！」

「講甲真好！」「今仔日的辦桌食甲誠腥臊！」

媠姑娘仔欲出嫁矣，逐个人攏笑甲喙合袂起來。子晴看著一桌閣一桌的親情五十佮親朋好友，桌頂對灶跤捧袂停的菜，舞台頂主持人：「燒酒用予乾，予新郎新娘較緊做阿媽[ma]佮阿爸，逐个講好毋好～」這是伊換的第二套禮服，盈暗伊是特別媠，滿面的歹勢。這是子晴從來毋捌見過的婚禮場面。

畫面閣再跳去一間細間房，遮是子晴第一擺聽到遮爾淒慘的叫聲，面前的姑娘仔抱腹大聲喝咧。全傢伙仔緊張閣期待櫼[tsinn]佇客廳。

「閣再瞪力一下、閣出力一點點仔，欲出來矣，加油，來！閣再出力一下……」先生娘大聲的喊著「哇哇哇哇哇……」「恭喜喔！」大粒汗細粒汗抱著拄出世的紅嬰仔囡仔，一个生命的出世原來是遮爾辛苦，囡仔的哭聲是上真誠的感受，一爿的子晴抑忍袂牢予這个場景感動甲哭出來，親情佇外口歡喜甲互相相攬，彼个場面是格外的感動…

十二、夢四（玉蘭的過去）後

畫面繼續跳動，這擺好親像是一个嚴肅的場面。子晴一看，發現這个時陣的查某囡仔，面上的皺痕加了誠濟，看起來時間又閣過了袂少矣……

子晴意識著，畫面中的少年家應該就是查某囡仔的後生，閣斟酌共看，這个少年家和阿爸少年的時陣生做足成，敢若一个模仔印出來的！「不對，不對！」子晴感覺無相對同，心內想講：那有可能會生甲遮爾相像？除非怹是仝一个人！敢講彼个少年家就是阿爸！伊這馬咧看的就是阿爸少年時的故事，而且這个查某囡仔就是……

「阿爸、阿母！我的朋友欲去台北發展，揣我做伙去。這馬我嘛畢業啊，我想欲去走傱看覓！」家豪興tshih4 tshih4咧講。

玉蘭表現出疑問的眼神：「台北你也無熟，去就一定會成功嗎？萬一出啥物事志，彼是欲按怎？你就留踮遮，逐家閣會當互相照應。」

坐佇邊仔的，是玉蘭的翁婿。開喙講：「玉蘭啊，我覺得查埔人有企圖心是好事志，將來伊愛擔一个家，出去磨練一下嘛袂䆀啊！」

「我嘛毋是反對，我是驚台北遮爾複雜，阿豪會袂慣勢，而且台北閣遐爾遠……」玉蘭憂心咧講。

家豪眼神堅定，當胸坎掛保證：「阿爸、阿媽，恁放心。我一定會好好拍拚，拍出一片天，到時陣光榮倒轉來。請恁相信我！」

「看來就算我無愛予你去，你嘛已經決定好啊。好啦，會記得出門在外注意安全，有啥物問題就敲電話轉來。有閒就轉來予阮看覓咧，知影無？」玉蘭一再吩咐，心肝內雖然感覺安慰，煞嘛毋甘後生欲離開厝。

「我知影，一定會的！」家豪露出歡喜的笑容。

情景閣再一擺轉換，這改是一个非常恬靜的畫面。無對話，無應答，無任何的聲音……

子晴看著阿媽坐佇門口埕遐，手內提著阿公的相片，共天瞪牢牢，毋知影咧想啥物。佇咧孤單稀微的氣氛之間，子晴想欲開喙去佮阿媽講話，但是阿媽敢若感受袂著伊的存在，兩个人就按呢恬恬啊－恬恬啊－等待時間過去。

十三、夢五

「子晴啊〜」一聲叫喝，共子晴搝[giú]轉來到玉蘭的房間內底。這个時陣，玉蘭入門來問子晴敢有想欲做伙去看廟會的活動。

「今仔日是祖師爺的生日，廟裡會足鬧熱！這是我細漢時陣上愛的。你有想欲做伙去看覓無？」玉蘭講甲規个目睭攏咧發光。

子晴想著拄才看著阿媽孤單寂寞的背影，心肝內感覺誠毋甘。牽起玉蘭的手：「好啊！我想要去。」隨準備佮玉蘭前往廟會。今才佮阿媽踏出門，就拄著厝邊阿滿、阿珠，怹嘛準備欲去廟會。路途中，子晴見著玉蘭和兩位囡仔伴講甲喙笑目笑。想起細漢時陣廟會盛大的場面，家己只會當tshāi佇後壁，一句話嘛插袂入去。

「恁敢會記得咱細漢的時陣，厝邊頭尾的囡仔約約咧，就做伙去踅廟會，有夠趣味！我上合意看歌仔戲，逐擺攏看甲毋知影人，結束了後猶閣毋甘轉去厝！」玉蘭歡喜咧講。

「著啊！我是上愛踅擔仔位，看一寡有的無的，食一寡四秀仔，定定食甲傷飽，轉去厝閣予阮母仔踅踅唸。」阿珠用趣味的口氣去講。

「可惜這馬的廟會佮咱細漢的時攏無仝，鎮內的少年人攏走去大都市發展，廟會活動就賰咱遮的老人咧去矣……」阿滿不禁[put-kìm]感嘆。

雄雄之間，子晴感覺著怹的聲音離家己愈來愈遠，腳步愈來愈緊，子晴想欲去逐[jiok]，煞按怎嘛逐袂著，「等我一下啊，等我一下啊，慢一點，慢一點……阿媽！」

十四、夢醒時分？

一褫[thi2]開，原來拄才的一切攏是夢境，忽然間心肝內敢若落一个空仝款，有一種失落的感覺。起床了後，子晴行到食飯桌仔，準備欲佮家豪做伙食早頓。

「最近天氣變較冷矣，會記得加穿寡。」家豪叮嚀講。

「知道了。」子晴應答。

「你有閒嘛敲一下仔電話去共阿媽關心一下，阿媽有的時陣只是無講出喙，毋過我知影伊足希望咱會當較捷轉去陪伊。但是公司的事志傷濟欲處理矣，無法度定定轉去，所以有時間就敲電話佮伊開講一下，知影無？」家豪感覺真無奈。

簡單的對話結束了後，兩个人之間維持著舊底彼種恬靜的氣氛。唯一無仝的是家豪竟然用台語和子晴講話，這予子晴感覺淡薄仔意外，煞嘛無囥咧心肝內。

坐佇咧公車頂懸，子晴發現每一个人的對話，使用的竟然全部攏是台語！伊開始感覺奇怪……

「你今仔日幾點下班啊？敢欲做伙食飯？」坐佇子晴頭前的查埔咧問。

「可能六點吧！毋知影敢會加班，抑是我下班的時陣，傳LINE共你講？」坐佇查埔邊仔的查某回答。

「好啊！我就佇咧厝裡拍電腦，等你的消息。」查埔應講。

到學校了後拄著珊妮，看著熟似的行為，猶閣有講話的方式，子晴認為應該是家己想傷濟矣，一切攏誠正常，抑是佮以早仝款無改變。後來珊妮開始共伊介紹最近網路頂上蓋衝的歌曲。

「最近有一首超夯的歌曲，超好聽的，你趕快去聽聽看。我已經不知道重播過多少次了！」珊妮等袂牢緊欲佮子晴分享。

「好啦！真的有這麼好聽喔？」子晴有淡薄仔疑問，抑是提起耳風（耳機），這个時陣的珊妮嘛忍袂牢佇咧邊仔，開始綴音樂做伙哼，做伙唱……

「想你彼一暗，夢來成空目箍已經紅，阮也是無法度袂記啦～賰我一个人，彼條情歌阮也唱袂煞，天頂星也笑阮是戇人～

少年家青春來討債，喙鬚嘛已經白，無注意緣份就錯過，敢講你不知，一世人無兩回，重來的機會～

想你彼一暗，相思茫茫寂寞氣味重，故鄉月照袂著希望啊～孤單一个人，雨水冷冷花蕊失清香，想欲來挽回，已經慢～」

－《夢中作憨人》