各位評審老師逐家好，今仔日我欲講演的題目是「阮兜上熱鬧的時陣」、「阮兜上熱鬧的時陣」。

一透早阿母就拎拎弄弄開始洗喙洗面，瓦斯爐頂面燒滾水入溫水罐。阿爸講飲水機的水，不一定清氣，要阮阿母逐工燒滾水，紲落來阿母開始削水果，絞果汁、烘麵包，準備早頓。以前這時陣就開始聽著阿母咧嘩阮的聲音：「阿華、阿英起來阿喔！阿華、阿英起來阿喔！」阿母講伊尚無要叫五擺，阮才有人應聲，後來，阿母用手機的鬧鐘聲叫阮起床，毋過沒若久，鬧鐘的聲音就要擱加上阿母叫魂的聲音，才有法度叫阮起床。阿母逐工咧講的就是：「袂赴啊！袂赴啊！卡緊咧！卡緊咧！」

這時陣，就會聽著阿爸咻講：「水某ㄝ，我的衫閣褲咧？」阿母常常應阿爸：「拿我ㄝ去穿啦！大人大種阿擱若囝咧！」阿母喙若念，手若找衫褲乎阿爸。

阿姐佇這時陣嘛會差一跤講：「阿母，我欲綁頭毛，妳可使鬥三工某？」阿母隨應聲：「捋仔佮樹奶準備乎好！」我已經企佇阿母的身軀邊等早頓：「麵包內底有夾菜喔？我不要菜啦！」「食魚食肉也著菜甲。毋通撿食啦…卡緊食食咧，欲讀冊啊！」「阿母烏烏小小粒仔這擱是啥？」「葡萄乾啦！你真正是珍珠看做老鼠仔屎！」阿母若講，手若綁阿姐的頭毛，阿母把阿姐的頭毛鞭做兩條古錐的頭鬃尾，阿姐歡喜價唱歌唱袂煞。

阿爸吃飽啊，交代阮上課欲認真，要聽老師的話、路裡要細膩，毋通若行若耍，放學要緊轉來。阮二人緊佮阿爸講：「阿爸再會，阮哉啦！」阿爸一出門，阿母就要我們兩人緊佮吃飯桌收收咧。阿母若畫妝換衫，若指揮阮二e人。

我佮阿姐是若開講若撿，常常袂記得是咧做啥，等阿母一看到，我就會聽到：「恁二人，生雞卵e無，放雞屎e有，卡緊咧，時間佇欲袂赴啊！」阿母喙若細細念，手親像bang-sut仔仝款，免五分鐘，物件攏收清氣啊！阮母阿仔三e人手牽手出門上課啊。我兜就安靜啊。

透早起床有元氣e阿母，趣味e 阿爸，準備讀冊e阮。阿母就是我兜上鬧熱e來源，有伊我兜就有鬧熱。下班、放學了後的我兜嘛是鬧熱滾滾。我上閣意我兜透早e鬧熱，因為充滿了活力，乎我幸福e感覺，多謝我兜內底e每一咧人。

今仔日我e講演到遮，感謝逐家認真聽。魯力。