在地文化

講著公公的生日鬧熱的時陣，囡仔討論時提出足濟的物件，表演節目有歌仔戲，布袋戲尪、槓鑼鼓、弄龍弄獅、鼓仔燈，囡仔那看熱鬧那𨑨迌上愛耍珠仔台，紲落來擱有放煙火、扮仙掖糖仔、抾錢，囡仔分享佛祖踅庄的經驗誠趣味。

田頭頭尾土地公，土地公守護咱生活的所在，佮囝仔討論想欲佮伯公做生日，囝仔學過俗諺中吉祥話意，提出拜拜愛攢糖仔、塗豆、果仔、雞卵糕佮花，花予伯公鼻芳芳，祈求伯公保庇阮平安𠢕大漢。

配合主題到的東原老街的福興宮，提早替土地公慶祝，出發前先佮校長作伙翕相。

到了土地公廟了後，囡仔弄布袋戲尪，表演跳舞正月調唸謠，佇伯公的廟埕食雞卵糕，佇路裡拄著詩詩阿媽佮姵瑄媽，感謝兩位熱心的家長做伙參與看顧孩子，囡仔對這擺活動相當歡喜！

舊年拜訪焙竈寮時陣，較晚錯過看焙眼乾的機會，三月龍眼花開相約今年九月欲看烘龍眼乾。

東原附幼小記者訪問阿公按怎烘龍眼乾? 柴角區起焙竈寮烘眼乾，去樹枝的機器(清米) 。