Derrigorrezko konfinamendu-egoera honetan, irakasleek diseinatutako jarduera akademikoak betekizun batzuk bete behar ditu, lan horrek guztientzako benetako ikaskuntza bihurtzea nahi badugu.

1. Ikastetxearen eta ikasleen eta familien arteko komunikazio-modua definitzea, eskolako zereginak jaso eta bidaltzeko jarraibide argi eta errazak emanez.

2. Gailu mugikorrik eta/edo Interneterako sarbiderik ez duten ikasleen kasua aurreikustea eta beste aukera batzuk bilatzea (eskola-materiala mailegatzea, telefono mugikorrak …)

3. Jardueren egutegi orientagarria antolatzea, orekatua eta eramangarria, inoiz ez gainkargatua.

4. Ikasleei online kontsulta-ordutegi bat eskaintzea.

5. Koordinazio horizontala ziurtatzea. Garrantzitsua da talde bakoitzeko irakasle-taldeak materialaren kalitatea ez ezik, zereginak egiteko aurreikusitako denbora ere kontuan hartzea. Eskatutako lana gehiegizkoa bada, kontrako eragina izango du.

6. Eskolan ikasitakoa praktikatzeko, zabaltzeko edo transferitzeko jarduerekin hastea. Gero, ikasgelan landu ez diren ezagutzak garatuko dira, kontzeptu berrien ulermena ziurtatuz. Jarduera osagarriak ere proposatu ahal dira.

7. Jarraibide errazak eta argiak sartzea jarduera guztietan, ikasleek modu autonomoan gara ditzaten. Horrek zereginak pertsonalizatzea esan nahi du, ahal den neurrian, gure ikasleen gaitasun-mailari, ezagutzari eta baliabideei dagokienez.

8. Jarduera laburrak baina maiz hobetsiko dira, eskaintzen zaizkien baliabideekin horiek egiteko gai direla sentiaraziko dutenak.

9. Ezinbestekoa da ikasleek egindako jarduerak irakasleek berrikustea, lanaren feedbacka emateko, zalantzak argitzeko, akatsak zuzentzeko, etab.

10. Eskolako lanez gain, komeni da familiei gogoraraztea derrigorrezko konfinamendu-egoera hori etxeko lanetan erantzunkidetasuna garatzeko balia dezaketeela (ohea egitea, gela jasotzea, xurgagailua pasatzea,...) eta horiek konpetentzia garrantzitsuak direla elkarbizitzarako.

Berritzegune Nagusia