Wega di antes

Malbu :

Antes e palabra general tabata “ Hunga Malbu”. Despues e la bira hunga “kiniki”.Den e wega aki bo tabata hanja bongo di 100 terk, kak’e gai, kiniki.Kak’e gai tabata un bola color maron di ceramica lombra cu strepi blanco.Tabatin grandi I chikito. Peik tabata traha di santo puro comprimi, masha duro mes I e tabata rondo. Antes tabatin kiniki cu vlam berde, vlam cora, vlam hel. Bo ta tabata cumpra nan serka SHON KESSY. Terk ta traha di tera. Ta bisa ter, terk of terki. Terk tabata esun di menos balor. Un peik tabata bal dos terk; un peik di cuater ta un tiki mas grandi.Kak’e gai tabata bal dos, cinco of dies terk.Bongo ta bal 25, 50 of 100 terk.

Bazar : Bazar ta un wega di kiniki cu mi generacion no conose. Bo ta cue un pida palo of carton I traha diferente burako aden, cu bo ta duna un number. Para of drumi abow bo kiniki mester cai den e burako correcto, bo ta gana e cantidat di kiniki cu ta coresponde cu e number di e burako.

Hunga burako (hoyo) : Un otro wega di kiniki cu nos tabata hunga hopi ta hoyo.Bo ta coba un burako di mas o menos 15 cm hundo den tera. Majoria biaha bo ta hasi esaki canti muraya di kas, di manera cu e kiniki nan por dal carambola den muraya.Pero no ta necesario pa e hoyo ta serca di muraya.Prome bo ta husta pa cuanto e wega ta bai. Bo ta tira e cantidat ei den direccion di e burako, I tur loke cai aden, ta di bo.

Pipita :

Pipita ta un wega di kiniki masha facil, cu hopi biaha bo ta hunga na bo scol of ora bo sali scol na caminda pa cas. Pa motibo cu e wega no ta mara na un cierto lugar.Un mucha ta tira kiniki un cierto distancia, e otro ta purba dal’e ku su kiniki.Nos ta bisa e ta pipita e otro.Ora bo dal’e, bo ta gana un kiniki. Si bo faya, ta toka turno na e otro mucha.Asina e wega ta sigi te ora bo jega kas.

Wowo : Wowo ta un wega di kiniki cu muchanan tawata hunga pa variacion.E wega aki bo por a hunge unda cu ta pafor, basta tin tera.Un mucha ta para cu un kiniki na su wowo, I ta lage cai foi laira I purba dal e otro mucha su kiniki. Ora bo dal’e, bo ta gana un kiniki. Si bo faya, ta toka turno na e otro mucha.

Careda di kiniki : Un otro wega di kiniki cu nos tabata hunga hopi ta careda di kiniki.Bo ta coba un caminda largo, cu diferente obstaculo, ruta. Ora bo ta cla, bo ta kies algun kiniki i bo ta laga nan race contra di otro.
mira e video ta con.

Chincha (stichi) :

Kasi bo no por imagina bo un mucha homber e tempo nan aya, cu no a jag totolica cu chincha.Tur mucha tawata traha nan mes chincha variantenan local. Pa bo traha un chincha bo mester di lo sigiente : 1 horket of palo di chincha2 un bon pida elastic ( chup di bais)3 un pida cuero4 un pida hilo Ta buska horket den mondi cu no ta kibra facil. E mester ta un simitriko I sin mucho konoshi.E palo mester seca algun dia despues kubu bo raspa tur e casca kira afo. Na e punta di e palo bo ta mara dos repi di elastik. Esaki nos ta korta di chup di bais.Pa bo mara e elastic na e horket tambe tin cierto technika.Un hende mester span e elastic riba e palo, mientras un otro hende ta mara cu pida hilo stijf stijf. Na punta di e dos repinan bo ta mara na mes manera un pida cuero, cu bo ta korta for di un sapato bieu. E lenga di sapato ta ideal.Ora bo tin tur kos bon mara, bo chinch ta cla.Cu un pipita, simiya, piedra den e cuero ningun parha of yuwana por a scapa.Awendia bo no ta permiti pa jag riba parha ni totolica, nos mester cuida nos naturalesa. Loke si por hasi ta pone un obheto, manera un boter di plastic di 2 liter pa asina por mik riba dje I practica cada dia pa bira mas mihor.

Kico ta Rei (jacks) :

Rei ta un wega cu ta consisiti di piedranan.Un piedra plat / rondo y 10 piedra di mesun tamano. Cantidad di hungadoPor hunga jacks cu 2 of mas mucha. Ta recomendabel pa hunga cu 4 mucha. AsesorioUn set di 10 piedra. Bo ta hunga rei sinta abou den kring. Reglanan di jacksE prome hungador ta coi tur e piedra nan den su man y tira nan abou, e mester percura pa nan no cay mucho leu for di otro.Despues e ta tira e piedra rondo den laira, y ta purba coy e piedranan un pa un.No ta permiti durante e wega aki pa su man mishi cu un otro piedra si no ta esun cu e ta bai coy. Ora e caba di coy tur, e ta sigui, pero awor e ta coy nan dos dos, despues tres tres, te ora e por coy nan tur pareu. Ora e caba completamente, bo ta bai den direcion contrali, es decir, e ta coy nuebe laga un abou, ocho laga 2 abou. Despues e ta bai piki. Esaki ta nifica, cu e ta coy dos rei den un hunga, mientras e ta tira e piedra rondo halto, cu un movecion rapido e ta coy un piedra y mes ora un mas.Despues tres, etc te ora e kaba. Mientras e ta progresa den e parti aki, e mester tira e piedra hopi halto pe e por logra hasi tur e movecionan, prome cu e kai of bin abou.Si e no cumpli cu e reglanan, e ta fout, anto ta toca turno na un otro mucha.

Stinki (tic tac toe) :

Stinki ta un wega ku antes hobennan tabata hunga hopi. Asesorio :Mester di pen i papel. Si ta hunga sinta riba vloer ta pinta e forma riba vloer.Un persona tin 3 dopi cora i un persona 3 dopi blauw Cantidad di hungado :2 persona Reglanan di stinki :Pa gana e wega di stinki mester trata di forma 3 mesun forma diagonal, horizontal of vertical den rij pa asina por gana. Ta uza solamente 3 dopi di cada color pa hunga stinki.Ora ku no logra forma 3 den e forma nan ja menciona, mester usa táctica i strategia i hopi bon observación pa logra gana e wega. E wega aki ta rekeri : strategia, táctica i observacion

Molina :

Molina ta un wega di borchi of por pinte tambe riba vloer cu casi mesun salida di pensamento di wega ku stinki. Cada persona tin 9 dopi ora ta hunga e wega molina pa persona I tin mas posibilidad. Cantidad di hungado :2 persona Asesorio :Loke tin mester pa e wega aki ta un borchi pinta ku e linja nan, of sino cu krijt ariba vloer.E punto di salida ta pa forma 3 mesun forma of color diagonal, horizontal of vertical den un rij pa asina por gana.Pero naturalmente e contricante no lo laga esaki sosode asina fácil i lo trata di blokia otro na tur momento. Una bes ku tur 2 hungador a pone nan 9 dopi den e wega.E wega di strategia, táctica i hopi observación ta bin den wega.Ta bai trata pa forma 3 riba rij door di move bo fichanan, i si bo logra 3 ariba un rij, bo lo mester come (coi cualkier ficha di bo contricante).Hasiendo esaki bo ta trata di kita e chens di bo contricante pa e por forma 3.Loke ta importante pa menciona ta ku durante e wega, cada persona tin su turno. Ja asina e ta mas fair. E wega aki ta rekeri : strategia, táctica i observacion

Pele :

Pele ta un wega di hoki di 1 te cu 10. Cantidad di hungado2 of mas. Depende cua pele tin pinta. Awendia tin pele 3D. Reglanan di pele :Cada mucha tin un piedra den man, na su turno e mucha ta tira e piedra den nr 1.Djey e tey purba bula den 2 i 3 cu ambos pia manera ta pinta, djey bula den 4 ku un pia i sigi pa 5 i 6 cu ambos pia atrobe.Ora e jega nr 10 e ta dal un buelta i ta bolbe bai den direcion contrali, es decir, e ta bula den 8 i 9 bai un abou. Ora e jega na nr 1 e ta coi e piedra i salta e nr ku e piedra tabata aden.Ora cu hasi un fout e siguiente mucha ta hanja su turno.

Core wil of core tayer :

Un wega hopi gusta bou di mucha hombernan Core wil :Pa core wil bo mester di un wil di baiskel bieu, cual ta corta saka tur e spaknan.Ademas bo mester un pida palo of un pida tubo di plastic di coriente, esaki bo ta pone den e rooi di e rim anto bo ta pusha esaki bai dilanti.Bo por cana, core, lora skina I draai rond I hasi masha kenshi mes.For di lew bo por tende ku algun mucha ta core wil Kico ta un tayer?Tayer ta un tayer di auto bieu ku no ta/ por uza mas. Core tayer ta un poco mas dificil, pa di prome mester un tayer bieu di auto.Tin 2 manera ku por hungeE prome sistema ta ku pida palo di 30 cm ta keda batie tayer mande dilanti.Pa bo lora bo ta primi e palo den e canto di e tayer bo ta lage len den e dirrecion cu bo ke pa e lora. Pa e brake bo ta primi e palo riba e tayer te ora e baha velocidad. Por usa man bashi pa batie tambe. E di dos sistema ta poco mas dificil, pero cu mas posibilidadBo ta koi 2 lata di mas o menos un meter I mei, bo ta pasa nan den e coba di e tayer I bo ta tene nan bou bo brasa.Den e tire nan bo ta pone tiki awa of zeta pa e palo nan slip mas facil.Ora bo pusha e palo nan dilanti dimes e ta slip den e coba di e tire i cuminsa core.Bo por hasi diferente kenshi I tambe hunga pusta. Cantidad di hungado2 of mas

Bula cabuya :

Kico ta bula cabuya?Bula cabuya ta un wega cu 3 mucha por hunga parew Cantidad di hungado :Minimo 3 mucha Acesorio :Un cabuya di 3 meter of mas. Reglanan di bula cabuyaDos mucha ta draai cabuya i un ta bula.Ora di bula ta conta ta cuanto biaha e ta bula bon sin hasi fout. Dus ta hunga pa wak ken ta bula mas hopi. Asina ta sigi hunga i competi den nan tres Otro manera di hunga bula cabuya ta door di zoya e cabuya di links pa rechts i ta conta ta cuanto biaha ta bula sin fout.

Wega di cashupete

Kico ta cashupete?Cashupete ta un fruta ku na cas mes por planta pa nan come. Cantidad di hungado2 te 4 persona Asesorio :Pa hunga wega di cashupete mester tin naturalmente cashupete. Paso esey ta e wega. Cada persona mester tin 6 of 8 cashupete. Pa cuminsa e wega mester saca ken ta bai tira prome, di dos, di tres i di cuater.Esaki ta logra haci door di trek un linja i wak ken ta tira i cai mas serka di dje, esun mas serka ta prome, di dos etc.Tambe ta stipula e distancia di unda mester para pa por tira. Prome cu cuminsa e wega mester palabra ta cuanto cashupete ta pone den “hollo”.Hollo ta un hol coba den e santo, si no tin santo ta pone un baki di plastic i un serbete, shirt aden pa asina e cashupete nan no bula sali ora di tira nan.Normalmente ta pone 2 cashupete pa persona den e hollo.2 cashupete den man pa asina por tira durante wega Esun cu ta prome pa tira mester “canta” bisa loke e tey hunga prome ku e tira.E por canta : NONDRO = Eneven PAAR = EvenEsaki ta nifica si e persona canta NONDRO, anto en berdad 1 cashupete cai den e hollo e persona aki ta gana tur e cashupete nan den e hollo.Si e faya, persona number 2 ta na beurt.Si e persona canta PAAR, anto ora e tira tur 2 cashupete logra cai den e hollo e ta gana tur e cashupete nan. Ban hunga cashupete

Djul :

Djul ta un wega ku muchanan tawata hunga antes sea hopi na scol of den tempo liber na cas.E ta un wega di coremento Cantidad di hungadoPa e wega aki tin mester di minimo 6 persona. Si pinta 4 hokki horizontal, tin mester di 8 persona. Pa 5 hokki mester di 10 hungado etc.Ta parti e hungadonan den 2 team.Un team cu ta core y un team cu ta canta “djul” AcesorioUn tereno grandi. Si e tereno ta di tera ta marca e liñanan cu bo pia.Si e vloer ta di cement, por marca e liñanan cu krijt. Reglanan di Djul Anekdota, tips of remarkeE wega aki ta pa tanto mucha muhe como mucha homber. Tin mester di un espacio grandi pa hunga e wega aki. Mas tanto mucha hunga, mas espacio tin mester. Cada hokki mester ta suficiente grandi, pa ora un of mas mucha ta den e hokki, esunnan cu ta para den liña no por mishi cu e muchanan den e hokki na momento cu nan rek nan man pa purba mishi cu esunnan den e hokki.Ora di traha un team e lider ta scohe su hungadonan. E lidernan mayoria bes ta busca moda di scohe e muchanan cu ta core hopi duro y cu ta flaco. Mas flaco bo ta mas chance bo tin di pasa meimei di e mannan di e muchanan cu ta hunga pa e otro team, cu ta para den liña, sin cu nan mishi cu bo. Si nan mishi cu bo paña of bo cabei tambe bo ta “af”. Den añanan ’70 tabatin te hasta mucha homber y mucha muher di entre 18 y 25 aña tabata hunga e wega aki despues cu nan caba di traha, hunto cu muchanan chikito di entre 6 y 10 aña. E kick di e wega tabata cu ora un hende “hinka” djul, e persona aki ta keda grita y rek e palabra “’djuuuuuuuulllllllll””

Trom :

Un trom ta ta un co’i hunga rondo y largo, traha di palo. Abou e tin un pui di hero, na kua bo ta mara un kabuya pa bo por baila bo trom.Tabatin trom cu bariga gordo y trom normal. Esun cu bariga tabata baila mas largo, sin embargo e trom mas flako tabata mas bon pa dal peiko.Na punta di e cabuya bo mester a mara un konopi pa e no torno y pa bo lore rond e pui.

Stelten :

Bo mester dos lata, na altura di 80 cm, bo ta klaba 2 bloki di palo, corta na forma triangular, di manera bo por subi y para riba nan. Cantidad di hungado Reglanan di stelten :Bo ta coy e latanan bou di bo brasa y subi para riba e blokinan. Asina aki bo por cana rond, bula cana rond cu paso grandi y kore duru tambe. Tambe por hasi un sorto di “lucha libre” riba stelten. Bo ta keda pusha otro, te ora esun mas debil riba su “pia” cay.

Page updated

Report abuse