مدرسۃ المدینہ شارٹ ٹائم میں داخلے کے لیے شعبہ قاعدہ ناظرہ میں بچے کی عمر کم از کم 5 سال ہو
بچے کا یونیفارم سادہ اور سنت کے مطابق سفید کرتا اور سفید عمامہ ہو
بچے کو مدرسۃ المدینہ پہنچانے اور چھٹی کے وقت لے جانے کی ذمہ داری سرپرست کی ہوگی
بچے کو دعائے مدینہ سے 5 منٹ پہلے مدرسۃ المدینہ بھیجنے یا پہنچانے کا اہتمام فرمائیں
بچے کی غیر حاضری کرنے کی حوصلہ شکنی کریں بعض بچے صاف ستھرا لباس نہ ہونے کی وجہ سے غیر حاضر ہو جاتے ہیں اس معاملے میں توجہ کی ضرورت ہے
بچے کی ایک یا اس سے زائددن کی رخصت کروانا ہو تو اس کی پیشگی اطلاع تحریری طور پر درخواست کی صورت میں ناظم کو دینا ہو گی
بچے کو پانچوں نمازوں کی پابندی کروائیں اور خود بھی پابندی کریں۔ بچہ اگر نماز نہیں پڑھتا یا دیگر غیر اخلاقی افعال کا مرتکب ہوتا ہے تو آپ مدرسۃالمدینہ میں اس کی ضرور اطلاع فرمائیں
بچے کو غیر ضروری سرگرمیوں مثلاً ٹی وی، موبائل یا انٹرنیٹ وغیرہ پر فلمیں، ڈرامے، گانے باجے، کارٹون وغیرہ دیکھنے سننے سے دور رکھیں
مدنی چینل خود بھی دیکھیں اور بچوں کو بھی دکھائیں اس سے اخلاقیات میں بہتری آئے گی۔ ان شاءاللہ الکریم
بچوں کیلئے کڈز مدنی چینل بھی لانچ ہو چکا ہے، بچوں کو دیگر کارٹونز کی بجائے کڈز مدنی چینل دکھائیں تاکہ ان کی دینی اور اخلاقی تربیت کا سامان ہوتا رہے
مدرسۃ المدینہ میں وقتا فوقتا والدین کا سرپرست اجتماع ہوتا ہے جس کی پیشگی اطلاع کی جاتی ہے اس سرپرست اجتماع میں والد یا سرپرست کو شرکت کرنے کی مدنی التجاء ہے
مدرسۃ المدینہ میں قرآن پاک کی تعلیم مفت دی جاتی ہے مدرسۃ المدینہ یا مدرس کے نام پر اگر بچہ آپ سے کوئی رقم طلب کرے تو ہرگز نہ دیں بلکہ اس کے لئے ناظم سے رابطہ ضرور فرما لیں
عاشقان رسول کی دینی تحریک دعوت اسلامی کے کثیر اخراجات ہیں اگر آپ اپنی خوشی سے تعاون کرنا چاہیں تو اللہ کی رضا کے لئے ماہانہ کی صورت میں عطیات (Donation) مدرسۃ المدینہ میں ناظم کو جمع کروائیں اس کے علاوہ رمضان میں زکوۃ، فطرہ وغیرہ نیز عید الاضحٰی میں قربانی کی کھالیں بھی دعوت اسلامی جمع کرتی ہے اس میں بھی آپ بھی تعاون فرمائیں
مدنی مشورہ: صدقہ نکالنے کا ایک آسان طریقہ یہ بھی ہے کہ آپ مدرسے کے ناظم سے گھریلو صدقہ بکس حاصل کریں اور روزانہ اس میں کچھ نہ کچھ عطیات ڈالتے رہیں اور ہر ماہ بعد جو عطیات جمع ہوں وہ مدرسے کے ناظم کو جمع کروا دیا کریں۔ چونکہ صدقہ بلاؤں کو ٹالتا ہے اس طرح روزانہ کچھ نہ کچھ صدقہ بھی نکلتا رہے گا اور آنے والی کئی بلائیں ٹل جائیں گی ۔ الحدیث: صبح سویرے صدقہ دو کہ بلا صدقہ سے آگے قدم نہیں بڑھاتی.(ضیائے صدقات ص166)
