مدنی  مرکز فیضان مدینہ جوہر ٹاؤن لاہور میں 3 جنوری 2024ء بروز بدھ مدرسۃ المدینہ شارٹ ٹائم کے تحت مدنی مشورے کا انعقاد ہو ا جس میں شعبے کے صوبائی اورآفس ذمہ داراسلامی بھائیوں سمیت صوبہ پنجاب کے سرکاری ڈویژن ذمہ داران نے شرکت کی۔ نگران مجلس مدرسۃ المدینہ شارٹ ٹائم محمد عرفان عطاری نے تعلیمی و اخلاقی اعتبار سے تربیت کرتے ہوئے بارہ دینی کام کرنے کا ذہن دیا جبکہ تقرری ، کارکردگی شیڈول اور خود کفالت کے نظام پر بھی مدنی پھول دیئے نیز مدرسۃ المدینہ شارٹ ٹائم کے نظام کو اپ گریڈ کرنے کے تعلق سے کلام کیا، اسلامی بھائیوں کے مسائل سنے اور ان کے حل پیش کئے۔ مزید دعوتِ اسلامی کے دیگر شعبہ جات مثلاً ائمہ مساجد، فیضان مدینہ اور تنظیمی نگران اسلامی بھائیوں کے ساتھ مشاورت کرکے نئے مدارس اوپن کرنے کا پلان ڈسکس کیا۔

دعوت اسلامی کے شعبہ مدرسۃ المدینہ بوائز شارٹ ٹائم کے تحت 13مارچ 2021ء کو کراچی لسبیلہ میں مدنی مشورہ ہوا جس میں ناظمین، ریجن ذمہ دار اور ناظم اعلیٰ نے شرکت کی۔ نگران مجلس پاکستان شعبہ مدرسۃ المدینہ بوائز شارٹ ٹائم محمد عرفان عطاری نے قرآن پاک کی تعلیم و اخلاقیات میں مزید بہتری لانے، مدارس بڑھانے اور رمضان عطیات پر گفتگو کی۔نگران مجلس نے بچوں کی تعلیم و اخلاقیات میں مزید بہتری لانے کا انداز و طریقہ بیان کیا۔

دعوتِ اسلامی کے شعبہ مدرسۃ المدینہ شارٹ ٹائم کے تحت پاکستان کے شہر ملتان میں مدنی مشورے کا انعقاد ہوا جس میں شعبے کے نگران، صوبائی، ڈویژن ذمہ داران اور ناظمینِ اعلیٰ نے شرکت کی۔ اس مدنی مشورے میں رکن ِ مرکزی مجلسِ شوریٰ حاجی قاری محمد سلیم عطاری نے اسلامی بھائیوں کی تربیت کرتے ہوئے شعبے کے دینی کاموں کو مضبوط کرنے اورنئے مدارس کھولنے کے حوالے سے اہداف دیئے۔ اس کے علاوہ رکنِ شوریٰ نے ذمہ داران سے دعوتِ اسلامی کے 12 دینی کاموں کے متعلق چند امور پر مشاورت کی جس پر انہوں نے اچھی اچھی نیتوں کا اظہار کیا۔