Rosalía foi, é e será sempre fonte na que beber. Inspirámonos nos seus versos para expresar o noso amor, os nosos medos e as nosas inquedanzas sobre o coidado e o futuro do noso medio e do noso patrimonio.

No 2020 cumpríronse 25 anos da construción, por parte da veciñanza de Manselle, do Valo de Manselle. Un valo que simboliza a solidariedade e o traballo colectivo, do que sentírmonos ben orgullos*s. Queredes coñecer a súa historia? Podedes facelo no seguinte vídeo.

Unha cidade ecolóxica e sostible? O alumnado de 6º de primaria teno ben clariño. Benvid*s a Sextópolis.

A que non sabes o que é un PAC (Pau Atrapa Cousas)? Moito argallan nos paseos polo monte *s de 3º de Primaria! Nesta ligazón atoparás un vídeo do que é un PAC

O alumnado de 3º ESO sorprendeunos con maquetas elaboradas nas aulas de Tecnoloxía que nos convidan a coñecermos un novo estilo de vivenda na que se conxugan aforro enerxético, uso de materiais reciclables e vangardismo. Unha pasada!

Coplas retranqueiras "made in Dodro" para unha fermosa celebración do Maio. E toda a arte e bo facer do alumnado de 5º de Primaria na súa recollida e interpretación de coplas tradicionais.

Hai futuro!