Historia

As redeiras son mulleres ("artesás do mar") que se dedican á confección, reparación e mantemento das redes de pesca e outros aparellos mariños.

Non hai un tempo concreto que marcase o inicio do traballo das redeiras, pero a súa labor de arreglar redes é tan antiga como a propia pesca en Galicia, sendo un oficio tradicional e fundamental dende hai moitas xeracións para a subsistencia da poboación mariñeira. 

Tradicionalmente eran as mulleres dos mariñeiros as que, cando os barcos chegaban a porto, ocupábanse deste labor como unha contribución co seu traballo á economía familiar, sen recoñecemento formal. Era pois unha tarefa que se realizaba dentro da contorna familiar e sen remuneración directa. 

Nas últimas décadas, esta situación foi cambiando e o traballo profesionalizouse. Ata o punto de que na actualidade existe unha certificación profesional e é necesario recibir unha formación específica, situación que veu a substituír á aprendizaxe que se realizaba sobre a práctica e era transmitido de nais a fillas. 

Diversificación do traballo

Na súa procura dun complemento aos seus ingresos, algunhas destas artesás comezaron a crear produtos a partir de anacos de rede e outros materiais reciclados empregados no seu oficio, como pequenas bolsas, obxectos decorativos e outros artigos tanto para o mercado local como para a venda como recordos locais.