Embedded Files
自編母語繪本— 行！咱來去揣蟲！
俗語講：「問路靠喙水，行路靠跤腿」。頂禮拜五，老師攢一堆物件來上課，有網仔、譀鏡、召鏡、一寡盒仔，講伊欲𤆬阮去觀察學校後山的蟲。
俗語講：「問路靠喙水，行路靠跤腿」。頂禮拜五，老師攢一堆物件來上課，有網仔、譀鏡、召鏡、一寡盒仔，講伊欲𤆬阮去觀察學校後山的蟲。
阮先來到草仔堆，我提網仔佇草仔堆頂懸擛來擛去，有一隻草螟仔佇網仔內底，阮細膩用盒子佮伊「請」入去，用譀鏡來觀察。
阮先來到草仔堆，我提網仔佇草仔堆頂懸擛來擛去，有一隻草螟仔佇網仔內底，阮細膩用盒子佮伊「請」入去，用譀鏡來觀察。
無偌久，聽著緣投仔大聲話講：「樹皮頂懸有蟬仔褪落來的皮，逐家緊來看！」邊仔有真媠的日日春，花開佮當旺。
無偌久，聽著緣投仔大聲話講：「樹皮頂懸有蟬仔褪落來的皮，逐家緊來看！」邊仔有真媠的日日春，花開佮當旺。
閣行無偌久，老師講伊發現一隻真罕看到的蟲，伊的身軀有真濟的「目睭」，肥朒朒、青色的，老師講：「遮是天蛾的細隻蟲，專門食夾竹桃大漢的」
閣行無偌久，老師講伊發現一隻真罕看到的蟲，伊的身軀有真濟的「目睭」，肥朒朒、青色的，老師講：「遮是天蛾的細隻蟲，專門食夾竹桃大漢的」
樹仔空內底著是其他蟲的世界，春嬌探頭看對一个上蓋大的樹仔空出來，細細聲講:「是獨角仙佮鍬形蟲蹛佇遮neh」
樹仔空內底著是其他蟲的世界，春嬌探頭看對一个上蓋大的樹仔空出來，細細聲講:「是獨角仙佮鍬形蟲蹛佇遮neh」
行到山頭，逐家大粒汗細粒汗，怦怦喘，老師提醒逐家提召鏡起來看，遠遠的所在，有藍色的天頂，樹林頂嘛有鴟鴞佇咧飛，哇！雖然山路歹行，不而過會當看著遮爾媠的大自然，嘛總算是一種幸福。
行到山頭，逐家大粒汗細粒汗，怦怦喘，老師提醒逐家提召鏡起來看，遠遠的所在，有藍色的天頂，樹林頂嘛有鴟鴞佇咧飛，哇！雖然山路歹行，不而過會當看著遮爾媠的大自然，嘛總算是一種幸福。
自編學習單
多元評量
Page updated
Report abuse