ಚೈತನ್ಯದೊಂದಿಗಿನ ನನ್ನ ಪಯಣ ಶುರುವಾದದ್ದು ಜಗಳೂರು ಪ್ರದೇಶದ ಮೊದಲ ಪ್ರಾದೇಶಿಕ ವ್ಯವಸ್ಥಾಪಕನಾಗಿ ನೇಮಕಗೊಂಡಾಗ, ಹಾಗೂ ಪ್ರಸ್ತುತ ನಾನು ಆಡಿಟ್ ತಂಡದ ನೇತೃತ್ವ ವಹಿಸುತ್ತಿದ್ದೇನೆ. ಕಳೆದ 11 ವರ್ಷಗಳನ್ನು ನೆನೆಸಿಕೊಂಡಾಗ, ಈ ಸಂಸ್ಥೆಯನ್ನು ಸೇರಿಕೊಂಡದ್ದು ಮತ್ತು ನನ್ನ NBFC ಪಯಣವನ್ನು ಪ್ರಾರಂಭಿಸಿದ್ದು ಸರಿಯಾದ ತೀರ್ಮಾನವಾಗಿತ್ತು ಎಂದು ನಾನು ಗ್ರಹಿಸುತ್ತೇನೆ. ನೀವು ಪ್ರಾಮಾಣಿಕರಾಗಿದ್ದರೆ, ಕೆಲಸದಲ್ಲಿ ತೊಡಗಿಸಿಕೊಳ್ಳುವವರಾಗಿದ್ದರೆ ಮತ್ತು ಬದ್ಧರಾಗಿದ್ದರೆ ಕೆಲಸ ಮಾಡಲು ಮತ್ತು ವೃತ್ತಿ ಜೀವನವನ್ನು ಬೆಳೆಸಲು ಚೈತನ್ಯ ಅತುತ್ತಮ ಸ್ಥಳಗಳಲ್ಲಿ ಒಂದು- ಈ ಸಂಸ್ಥೆಯೊಂದಿಗಿನ ನನ್ನ ಅನುಭವಗಳ ಆಧಾರದ ಮೇಲೆ ಇದನ್ನು ನಾನು ಖಚಿತವಾಗಿ ಹೇಳಬಲ್ಲೆ.

ಚೈತನ್ಯಕ್ಕೆ ಸೇರಿಕೊಳ್ಳುವ ಮುನ್ನ ನಾನು NGO ವಲಯದಲ್ಲಿ ಸ್ವ- ಸಹಾಯ ಗುಂಪುಗಳಿಗೆ ಸಂಬಂಧಿತ ಮೈಕ್ರೋ ಕ್ರೆಡಿಟ್ ಕಾರ್ಯಕ್ರಮಗಳಲ್ಲಿ 13 ವರ್ಷಗಳ ಅನುಭವವನ್ನು ಪಡೆದುಕೊಂಡೆ. ಈ ಎಲ್ಲಾ ವರ್ಷಗಳಲ್ಲಿ ನಾನು ವ್ಯಾಪಾರದ ಬೆಳವಣಿಗೆ, ರನ್ ರೇಟ್, ಗ್ರಾಹಕ ಉಳಿಸಿಕೊಳ್ಳುವಿಕೆ, ಸಿಬ್ಬಂದಿ ಕಳೆತ, KRA , ಅಪಾಯ, PAR, OCR ಮತ್ತು ಇನ್ನೂ ಹಲವಾರು ಪದಗಳು ಎದುರಾದವು, ಅವುಗಳನ್ನು ನಾನು ಕಲಿತುಕೊಂಡೆ ಹಾಗೂ ನನ್ನ ವೃತ್ತಿ ಜೀವನದಲ್ಲಿ ಕಾರ್ಯಗತಗೊಳಿಸಿಕೊಂಡೆ.

ಸಂಸ್ಥಾಪಕರಾದ ಶ್ರೀ ಆನಂದ್ ರಾವ್ ಮತ್ತು ಶ್ರೀ ಸಮಿತ್ ಶೆಟ್ಟಿ ಹಾಗೂ ಉತ್ಸಾಹಭರಿತರಾದ ಜನರನ್ನುಳ್ಳ ಆರಂಭಿಕ ಗುಂಪು- ಇವರೆಲ್ಲರ ಸಾಮೂಹಿಕ ಪ್ರಯತ್ನಗಳು ಈ ಸಂಸ್ಥೆಯನ್ನು ಮೇಲೇರಿಸಿವೆ. ತಳ ಮಟ್ಟದ ತಂಡಕ್ಕೆ ತರಬೇತಿ ನೀಡುವಲ್ಲಿ ಹಾಗೂ ಕಂಪನಿಯ ಸಂಸ್ಕೃತಿಯನ್ನು ಬೆಳೆಸುವಲ್ಲಿ ಸಂಸ್ಥಾಪಕರು ಬಹಳಷ್ಟು ತಾಳ್ಮೆ, ಬದ್ಧತೆ ಹಾಗೂ ನಂಬಿಕೆಯನ್ನು ಹೊಂದಿದ್ದರು.

ನನಗೆ ವಹಿಸಲಾದ ಕೆಲಸವನ್ನು ಸಾಧಿಸಲು ಮತ್ತು ನನ್ನ ಕೆಲಸದಲ್ಲಿ ಅತ್ಯಧಿಕ ಪರಿಪೂರ್ಣತೆ ಗಳಿಸಲು ನಾನು ನನ್ನ ಸಂಪೂರ್ಣ ಪ್ರಯತ್ನವನ್ನು ಹಾಕಬೇಕೆಂದು ಸದಾ ನಂಬಿದ್ದೇನೆ. ನನ್ನ ಶ್ರಮಕ್ಕಾಗಿ ಅರ್ಹವಾದ ಪ್ರಶಂಸೆ ಹಾಗೂ ಸಮಯೋಚಿತ ಅಂಗೀಕಾರವನ್ನು ನಾನು ಪಡೆದಿದ್ದೇನೆ. ನಾನು ಪ್ರಾದೇಶಿಕ ವ್ಯವಸ್ಥಾಪಕ ಮತ್ತು ವಿಭಾಗೀಯ ವ್ಯವಸ್ಥಾಪಕನಾಗಿ ವ್ಯಾಪಾರ ತಂಡದ ಭಾಗವಾಗಿದ್ದುದರಿಂದ ಸಂಸ್ಥೆಯ ಕಾರ್ಯಕಾರಿ ಸನ್ನಿವೇಶವನ್ನು ಅರ್ಥ ಮಾಡಿಕೊಳ್ಳಲು ನನಗೆ ಸಾಧ್ಯವಾಯಿತು. ನಾನು ವಸೂಲಿಗಳ ಮುಖ್ಯಸ್ಥನಾಗಿದ್ದ 2.5 ವರ್ಷಗಳ ಕಾಲಾವಧಿಯಲ್ಲಿ ನಾವು ಅನಾಣ್ಯೀಕರಣ ಪರಿಸ್ಥಿತಿಯನ್ನು ಎದುರಿಸಿ ಆ ಪರಿಸ್ಥಿತಿಯಿಂದ ಬಹಳಷ್ಟು ಕಲಿತುಕೊಂಡೆವು. ನಾನು ಸುತ್ತಲೂ ನೋಡಿದಾಗ, ದೀರ್ಘ ಕಾಲ ಈ ಕಂಪನಿಯೊಂದಿಗೆ ಇದ್ದ ವ್ಯಕ್ತಿಗಳು ಕೂಡ ಗಮನಾರ್ಹ ಬೆಳವಣಿಗೆಯನ್ನು ಗಳಿಸಿದ್ದಾರೆ ಎಂಬುವುದನ್ನು ನಾನು ತಿಳಿದುಬರುತ್ತದೆ.

ಸೇವೆಗಳು, ಉದ್ಯೋಗಾವಕಾಶಗಳು ಮತ್ತು CSR ಚಟುವಟಿಕೆಗಳ ಮೂಲಕ ದೇಶದ ಗ್ರಾಮೀಣ ಭಾಗವನ್ನು ಉನ್ನತಿಗೇರಿಸುವುದರೆಡೆಗೆ ಚೈತನ್ಯದ ಗಮನವು ಸದಾ ಕೇಂದ್ರೀಕೃತವಾಗಿದೆ. ನಮ್ಮ ಸೇವೆಗಳು ಗ್ರಾಹಕರ ಕುಟುಂಬದಲ್ಲಿ ಸಕಾರಾತ್ಮಕ ಪರಿಣಾಮ ಉಂಟುಮಾಡುತ್ತಿದ್ದಲ್ಲಿ ಮಾತ್ರ ನಮ್ಮ ಪ್ರಯತ್ನಗಳು ಸಫಲ. ನ್ಯಾವಿ ಟೆಕ್ನಾಲಜೀಸ್ ನಿಂದ ಬಂಡವಾಳ ಹೂಡಿಕೆಯ ರೂಪದ ಪೋಷಕ ನೆರವು ತಂಡದ ಪ್ರಯತ್ನಗಳೊಂದಿಗೆ ಸೇರಿ ಕ್ರಿಯಾವರ್ಧಕವಾಗಿ ಕೆಲಸ ಮಾಡಿದೆ ಹಾಗೂ ಸಂಸ್ಥೆಯ ಭೌಗೋಳಿಕ ವಿಸ್ತರಣೆಯಲ್ಲಿ ಸಹಾಯವಿತ್ತಿದೆ. ಸಂಸ್ಥೆಯ ಮತ್ತು ಸ್ವತಃ ನನ್ನ ಅದ್ಭುತ ಪಯಣಕ್ಕೆ ಸಾಕ್ಷಿಯಾಗಿರುವುದು ತುಂಬಾ ಸಂತೋಷವಾಗುತ್ತಿದೆ.