மதிப்பீடு "IND AA/- ஸ்டேபிள்" என மேம்படுத்தப்பட்டது

சைதன்யா இந்தியாவில், தொடர்ச்சியான கற்றல் வெறுமே ஊக்குவிக்கப் படுவதில்லை-இது ஒரு வாழ்க்கை முறை. கடந்த காலாண்டில், எங்கள் தலைமை அலுவலக ஊழியர்கள், தனிப்பட்ட மற்றும் தொழில்முறை வளர்ச்சியை ஊக்குவிக்கும் வகையில் வடிவமைக்கப் பட்ட ஒரு புதுமையான மனிதவள முயற்சியின் ஒரு பகுதியாக, தொடர்ச்சியான மாற்றம் கொணரும் பயிற்சி அமர்வுகளில் பங்கேற்றனர். அனைத்துப் பங்கேற்பாளர்களும் செழுமையுடன் பங்கேற்றதால், தாக்கம் ஆழமாக இருந்தது, பலர் இந்த அமர்வுகள் தங்கள் பணி மற்றும் தினசரி நடைமுறைகளை மாற்றியமைப்பதாகக் கூறினர்.

"சரி சமனான வாழ்க்கை" அமர்வு உண்மையிலேயே ஊழியர்களின் உணர்வைப் பிரதிபலித்தது, உடற்பயிற்சி, ஊட்டச்சத்து மற்றும் மன ஆரோக்கியம் ஆகியவற்றுக்கு இடையேயான இன்றியமையாத தொடர்பை வெளிச்சமிட்டுக்காட்டியது. வாழ்க்கைமுறையில் சிறிய மாற்றங்கள் எவ்வாறு பணியிட உற்பத்தித்திறனையும் ஒட்டுமொத்த நல்வாழ்வையும் கணிசமாக மேம்படுத்தும் என்பதைப் பலரும்  கண்டறிந்தனர்.

"டைனமிக் கம்யூனிகேஷன்" அமர்வு தெளிவான, உறுதியான தொடர்புகளுக்கான நடைமுறை நுட்பங்களை வழங்கியது, மேலும் நீடித்த தொழில்முறை உறவுகளை உருவாக்குவதற்குத் தாங்கள் சிறந்த முறையில் தயார் நிலையில் இருப்பதாக ஊழியர்கள் உணர்ந்தனர். குறிப்பாக, இதற்கு முன்பாகத் தகவல் தொடர்பு சவால்களுடன் போராடியவர்களுக்கு இது கண்களைத் திறப்பதாக அமைந்தது.

நிதித் துறைக்கு வெளியே உள்ளவர்களுக்கு, "நிதி அல்லாத தொழில் வல்லுநர்களுக்கான நிதிப் பாடங்கள்" அமர்வு சிக்கலான நிதிக் கருத்துகளைத் தெளிவு படுத்தியது. பல பங்கேற்பாளர்கள் தாங்கள் எவ்வளவு அதிகாரம் பெற்றவர்களாக உணர்கிறோம் என்பதை வெளிப்படுத்தினர், அவர்கள் இப்போது நம்பிக்கையுடன் தனிப்பட்ட மற்றும் பணி தொடர்பான சூழ்நிலைகளில் தகவலறிந்த நிதி முடிவுகளை எடுக்க முடியும் என்பதை உணர்ந்தனர்.

இன்றைய வேகமாக வளர்ந்து வரும் உலகில், "VUCA உலகில் பயனுள்ள முடிவெடுத்தல்" என்பது நிலையற்ற தன்மை (ஏற்ற இறக்கம்), நிச்சயமற்ற தன்மை, சிக்கலான தன்மை மற்றும் தெளிவின்மை ஆகியவற்றில் ஒரு புதிய கண்ணோட்டத்தை வழங்குகிறது. பணியாளர்கள் சவாலான சூழல்களிலும் சிறந்த முடிவுகளை எடுக்க உதவும் புதிய கருவிகளைப் பெற்றனர், சிக்கல்களைத் தீர்ப்பதற்கான அவர்களின் அணுகுமுறையில் மாற்றம் கொண்டு வந்தனர்.

இறுதியாக, "MS Excel மூலம் சிறந்து விளங்குதல்" அமர்வு இந்த அன்றாடக் கருவியின் திறனை பெரும்பாலானவர்கள் இது வரை கருத்தில் கொள்ளாத வழிகளில் வெளிக்கொண்டு வந்தனர். பலருக்கு, இந்த அமர்வு ஒரு வெளிப்பாடாக அமைந்திருந்தது, அதிக செயல் திறனுடன் தொழில்முறை மற்றும் தனிப்பட்ட சவால்களை சமாளிக்க Excel ஐ எவ்வாறு பயன்படுத்த இயலும் என்பதை நிரூபிக்கிறது.

இந்த முன்முயற்சி உண்மையான கற்றல் மைல்கல்லாக இருந்தது, சம்பந்தப்பட்ட ஒவ்வொரு பணியாளரையும் வளப்படுத்தி, சைதன்யா இந்தியாவின் தொடர்ச்சியான வளர்ச்சிக்கான அர்ப்பணிப்புடன் அவர்களை இணைத்தது. பயிற்சி என்பது திறன் மேம்பாடு மட்டுமல்ல - இது நமது தொழிலாளர்களின் எதிர்காலத்துக்கான முக்கியமான முதலீடாகும். சைதன்யா இந்தியாவில், எந்தவொரு அமைப்பின் உண்மையான வெற்றியும் அதன் மக்களின் வளர்ச்சியில் உள்ளது என்று நாங்கள் நம்புகிறோம். இந்த மாற்றம் கொணரும் அமர்வுகள் பணியாளர்களின் திறன்களைக் கூர்மைப்படுத்தியது மட்டுமின்றி வாழ்நாள் முழுவதும் கற்றல் கலாச்சாரத்தையும் வளர்த்தன. சிறந்து விளங்குவதற்கும், மாற்றம் கொணர்வதற்கும், புதுமைப் படுத்துவதற்குமான கருவிகளை எங்கள் குழுக்களுக்கு வழங்குவதன் மூலம், நிறுவனத்துடன் இணைந்து அவர்களின் தொடர்ச்சியான பரிணாம வளர்ச்சியை நாங்கள் உறுதி செய்கிறோம்.

இந்தக் காலாண்டு அமர்வுகளில் பங்கேற்பாளர்களின் உற்சாகமான பதில்கள், அவர்களின் பணி மற்றும் தனிப்பட்ட வாழ்க்கையில் உறுதியான முன்னேற்றங்களை எடுத்துக் காட்டுகின்றன. நாங்கள் முன்னேறும் போது, எங்கள் பணியின் முக்கிய அங்கமாகப் பயிற்சிக்குத் தொடர்ந்து முன்னுரிமை வழங்குவோம், நாளைய சவால்களுக்கு எங்கள் ஊழியர்கள் நன்கு தயாராக இருப்பதை உறுதி செய்வோம்.

சைதன்யாவில், உடல்ரீதியான செயல்பாடு ஆரோக்கியத்தை அதிகரிப்பது மட்டுமின்றி , குழு உணர்வையும் கூட்டுறவையும் வளர்க்கும் சக்தியையும் கொண்டது என்று நாங்கள் நம்புகிறோம். அதனால்தான், எங்கள் தலைமை அலுவலகம் ஒரு உடற்பயிற்சி முன்முயற்சியை அறிமுகம் செய்துள்ளது, அங்கு நிர்வாகிக் குழு வார இறுதி நாட்களில் எங்கள் அணியினருக்குப் புல்வெளி மைதானங்களை முன்பதிவு செய்கிறது. கிரிக்கெட், கால்பந்து மற்றும் பேட்மிண்டன் போன்ற பிரபலமான விளையாட்டுகளுக்கு நிறுவனம் நிதியுதவி செய்வதால், அணியினர் கூடி விளையாடுவதற்கும், மிகவும் தேவையான சில உடல் ரீதியான செயல்பாடுகளை அனுபவிக்கவும் வாய்ப்பு உள்ளது.

இந்த முன்முயற்சி விரைவில் எங்கள் அணியினர் மத்தியில் மிகவும் பிரபலமாயிற்று. விறுவிறுப்பான கிரிக்கெட் போட்டியாக இருந்தாலும், வேகமான கால்பந்து விளையாட்டாக இருந்தாலும் அல்லது நட்புரீதியான பேட்மிண்டன் விளையாட்டாக இருந்தாலும், சக ஊழியர்கள் தங்கள் வழக்கமான பணிச்சூழலுக்கு வெளியே ஒன்று கூடுவதால், மறுக்க முடியாத உற்சாகம் உருவாகிறது. ஆரோக்கியமான போட்டி மனப்பான்மை, சிரிப்பு மற்றும் தோழமையுடன் கலந்து, ஒவ்வொரு வார இறுதியையும் பலர் எதிர்பார்க்கும் ஒரு துடிப்பான சூழ்நிலையை ஏற்படுத்துகிறது. இந்த விளையாட்டுக்கள் எப்படி வேலை வாரத்தில் புத்துணர்ச்சியூட்டும் இடைவேளையை வழங்குகின்றன என்பதை எங்கள் அணியினர் அடிக்கடி பகிர்ந்து கொள்கிறார்கள், மனரீதியாகவும் உடல் ரீதியாகவும் ரீசார்ஜ் செய்ய உதவுகின்றன என்கிறார்கள்.

ஒரு உடற்பயிற்சி மையம் என்பதைத் தாண்டி, இந்த நடவடிக்கைகள் பொதுவாகத் தொடர்பில் இல்லாத வெவ்வேறு துறைகளைச் சேர்ந்த குழு உறுப்பினர்களிடையே தொடர்புகளை வளர்த்துள்ளன. அவர்கள் ஒரு கால்பந்து போட்டியில் இணைந்தாலும் அல்லது பேட்மிண்டன் விளையாட்டின் போது ஒருவரையொருவர் உற்சாகப்படுத்தினாலும், ஒற்றுமை மற்றும் பரஸ்பர ஆதரவின் உணர்வு தெளிவாகத் தெரிகிறது. இவகையான தொடர்புகள் பணியிட உறவுகளை வலுப்படுத்துகின்றன, மேலும் வலுவான, ஒன்றுபட்ட குழுவை உருவாக்குகின்றன.

உடற்தகுதி மற்றும் குழுவாக இயங்குவதை  ஊக்குவிப்பதன் மூலம், சைதன்யா தனது குழு உறுப்பினர்களின் நல்வாழ்வுக்குத் தொடர்ந்து முன்னுரிமை அளித்து, சீரான பணி-வாழ்க்கை என்னும் நற்பழக்கத்தை உறுதி செய்கிறது. இந்த உடற்பயிற்சி முன்முயற்சி சுறுசுறுப்பாக இருக்கச் செய்வது மட்டுமின்றி, வலுவான அணிகள் மற்றும் உறவுகளை, ஆடுகளத்திலும் அதற்கு வெளியேயும் உருவாக்குகிறது.

எங்கள் அணியினர் விளையாடுவதற்கும் விளையாட்டுகளில் ஈடுபடுவதற்கும் இந்த வாய்ப்புகளைப் பெற்றதில் மகிழ்ச்சி அடைகிறார்கள், நட்பு ரீதியான போட்டி மற்றும் வேடிக்கைகள் நிறைந்த இந்த வார இறுதிகளைத் தாங்கள் எவ்வளவு ரசிக்கிறோம் என்பதைப் பலர் வெளிப்படுத்துகிறார்கள். இந்த முயற்சி ஆரோக்கியம், மகிழ்ச்சி மற்றும் ஒற்றுமை உணர்வைத் தொடர்ந்து ஊக்குவிப்பதால், வரும் நாட்களில் இன்னும் அதிகமான பங்கேற்பை எதிர்பார்க்கிறோம்.

இந்தக் காலாண்டில் எங்கள் பெங்களூரு தலைமையகம் இரண்டு அழகான கொண்டாட்டங்களைக் கண்டது - கணேஷ் சதுர்த்தி மற்றும் ஓணம் - இது நம் பணியிடப் பிணைப்பை வலுப்படுத்தியது மற்றும் ஒற்றுமையின் முக்கியத்துவத்தை நமக்கு நினைவூட்டியது.

விநாயக சதுர்த்தி கொண்டாட்டத்தின் போது, எங்கள் குழுவினர் துடிப்பான பாரம்பரிய உடைகளில் ஒன்று கூடி, ஒரு இதயபூர்வமான பூஜையில் கலந்து கொண்டனர், அது அலுவலகத்தை நேர்மறையான உணர்வுகளால் நிரப்பியது. அந்த இடம் வண்ணமயமான அழகூட்டலால் அலங்கரிக்கப் பட்டிருந்தது, மேலும் சிற்றுண்டிகள், புன்னகைகள் மற்றும் மகிழ்ச்சியான உரையாடல்களின் பகிர்வுகளால் இந்த நிகழ்வு சிறப்புற்றது. அன்றைய தினம் விநாயகப் பெருமானின் தெய்வீக ஆசீர்வாதத்தையும் எங்கள் குழுவினர் பெற்று மகிழ்ந்தனர். அது மட்டுமின்றி இந்தக் கொண்டாட்டம் நமது சைதன்யா இந்தியா குடும்பத்தின் வலிமையை வெளிக்கொண்டு வந்தது.

விரைவில், துடிப்புமிகு ஓணம் பண்டிகையை நாங்கள் வரவேற்றோம். அறுவடைக் காலத்தைக் குறிக்கும் பாரம்பரிய கேரள உணவு வகைகளை ருசித்து, மகிழ்ச்சிகரமான ஓணம் சத்யாவை எங்கள் குழுவினர் உண்டு மகிழ்ந்தனர். இந்தப் பண்டிகை மதிய உணவு வெறும் உணவு என்பதை விட மிக அதிகமாக மாறியது - இது பிணைப்பு, சிரிப்பு மற்றும் கலாச்சாரப் பாரம்பரியத்தின் ஒரு தருணம். பாரம்பரியம் மற்றும் ஒற்றுமையின் செழுமையை அனுபவித்து, நாங்கள் ஒன்றாகச் சேர்ந்த போது ஓணத்தின் மகிழ்ச்சியான உணர்வு அழகாகப் படம்பிடிக்கப் பட்டது.

இந்தப் பண்டிகைகளை நாம் கொண்டாடுகையில், நமது கூட்டு மகிழ்ச்சி, செழிப்பு மற்றும் வெற்றி ஆகியவை ஒற்றுமையின் அடித்தளத்திலேயே கட்டமைக்கப் பட்டுள்ளன என்பதை நினைவு கூருகிரோம். இந்த அற்புதமான திருவிழாக்களின் மகிழ்ச்சி அனைவருக்கும் கிடைக்க வாழ்த்துக்கள்!