რეგისტრაციის წარმატებით გავლისა და აპლიკაციის აქტივაციის შემდგომ, აუცილებლად გაეცანით ვიდეო- ტრენინგებს.
როდესაც დარწმუნდებით, რომ მზად ხართ მუშაობისათვის,  დააჭირეთ მთავარ გვერდზე არსებული ღილაკს "მუშაობის დაწყება" და გადაუსვით თითი მარჯვნივ, რის შედეგადაც აპლიკაცია გადავა სამუშაო რეჟიმში.

იმისათვის, რომ ჩართოთ, ან გამორთოთ აპლიკაციაში სასურველი კატეგორია (თქვენთვის აქტიური კატეგორიებიდან), მუშაობის დაწყების შემდგომ ეკრანის ქვედა მარჯვენა კუთხეში დააჭირეთ თეთრი ავტომობილის სიმბოლოს. 

თუ გსურთ სასურველი მიმართულებით მიიღოთ შეკვეთა ,შეგიძლიათ გამოიყენოთ აპლიკაციის ფუნქცია "შეკვეთები დანიშნულებისაკენ". დააჭირეთ ეკრანის მარცხენა კუთხეში პინის სიმბოლოს და იხილავთ დეტალურ ინფორმაციას.
გაითვალისწინეთ, რომ ფავორიტი ლოკაციის მონიშვნა შეგიძლიათ 24სთ-ში მაქსიმუმ 3-ჯერ.

აპლიკაციის აღნიშნულ ველში შეგიძლიათ შეიტანოთ 3 რჩეული მისამართი და საჭიროებისამებრ მონიშნოთ სასურველი.
შეკვეთას აღნიშნული მიმართულებით მიიღებთ პრიორიტეტულად თქვენ, თუ თქვენს არეალში ამგვარი შეკვეთა დაფიქსირდა.

იმისთვის, რომ დაამატოთ ახალი მისამართი და შეძლოთ გაჩერებებზე ფასიანი ლოდინის ჩართვა, მგზავრობის მიმდინარეობისას შეგიძლიათ გადახვიდეთ მარშრუტის დეტალებში (3 ხაზის სიმბოლო) და დააჭიროთ ღილაკს "დაამატეთ გაჩერება". 

გაითვალისწინეთ, რომ გაჩერებები უნდა დაამატოთ მგზავრთან შეთანხმებით!

თქვენ მაქსიმუმ 2 ლოკაციის დამატება შეგიძლიათ. ფასიანი ლოდინის თანხა კი დაემატება შუალედურ გაჩერებაზე.

გაჩერება შეგიძლიათ დაამატოთ როგორც მიმდინარე ლოკაციაზე, ისე შეიყვანოთ გაჩერების მისამართი.

თქვენთვის აქტიური და ასევე წინა საბონუსე კამპანიები შეგიძლიათ იხილოთ აპლიკაციის წერილების ველში, კამპანიების განყოფილებაში.
იხილავთ როგორც უკვე დაგროვებულ ბონუსის რაოდენობას, ასევე აქტიური ბონუსების ყველა პირობას. აუცილებელია შეასრულოთ ბონუსის თითოეული პირობა, იმისათვის, რომ მოიპოვოთ ის.

მგზავრობის მიმდინარეობისას თუ გსურთ გათიშოთ პარალელურად შემომავალი შეკვეთები, შეგიძლიათ გადახვიდეთ მარშრუტის დეტალებში (3 ხაზის სიმბოლო) და დააჭიროთ ღილაკს "შეაჩერე ახალი გამოძახებები". ამგვარად შეკვეთის დასრულებამდე აღარ მიიღებთ სხვა შეკვეთას.

გადადით მარშრუტის დეტალებში, დააჭირეთ ღილაკს "დაუკავშირდით მგზავრს" და იხილავთ საკონტაქტო პარამეტრებს. საჭიროების შემთხვევაში სასურველია მგზავრს დაუკავშირდეთ აპლიკაციის მეშვეობით. მგზავრთან მისვლის შემდგომ საჭიროა 3 წუთში დაუკავშირდეთ მგზავრს.

აპლიკაციაში შესაძლებლობა გაქვთ გამოიყენოთ თქვენთვის სასურველი ნავიგაცია. მის შესაცვლელად შეგიძლიათ შეხვიდეთ აპლიკაციის პარამეტრებში, შემდგომ "ნავიგაცია"-ს და "ნავიგაციის მეთოდში" მონიშნოთ სასურველი.