Saioaren hasiera aurrekoaren errepaso moduko batekin hasi nahi izan du Elenak. Horretarako, egin genuen horren gogoetaren ondorio gisa, elkarrekin partekatzen aritu gara bi galdera hauen inguruan ekarri ditugun azalpenak:

• Saioan egindakoak ea ondo etorri ote zaigun.
• Eta, saioan egin genuen horrek zertarako balio izan digun.

Bikotetan jarri eta bata besteari kontatzen aritu gara izan ditugun bizipenak.

Behin hori amaitutakoan, berriro ere estrategia zehatz baten proban jarri gaitu Elenak, laburtzen, hain zuzen ere. Talde txikietan egindako bilketaren laburpenak egiteko eskatu digue ta ondoko bizipenak eta sentimenduak bildu ahal izan ditugu:

• Egindakoa baliagarria izan da orokorrean, eta konkretuki ondokoak bizitzeko eta sentitzeko baliagarria izan zaigu:
  • Ikasleen rolean jartzeko aukerak asko lagundu digu.
  • Taldekatze mota ezberdinen aukera aztertzea oso interesgarria egin zaigu.
  • Irakasleen motibazioa lortzeko oso ondo etorri zaigu, saioan egindako guztia oso praktikoa izan zelako.
  • Ideia desberdinak lortzeko balio izan digu lan saioan egindakoak.
  • Umearen sentimenduak bizitzen lagundu digu estrategia horiek egiteak.
  • Taldeak daukan indarraz jabetzeko aukera ere izan dugu.
  • Giro ona, lanerako giroa sortzearen garrantzia azpimarratu nahi izan dugu.
  • Lankide ezezagunekin konpartitzeko aukeraren garrantzia azpìmarratu nahi izan dugu.
  • Esperientzia horiek bizitzeak akordatzen ere laguntzen digula aipatu dugu.
  • Eskatzen ditugun jarrera eta portaera asko guk geuk askotan ez ditugula errespetatzen eta jokatzen ikusten ere lagundu digu.
  • Sentimendu, urduritasun, kezka ... ugari azaldu dira planteatzen ditugun lan dinamika askoren aurrean gu geu jartzean.
  • ...

Garbi ikusi da, beraz, balorazio emankorra izan dela. Aurreko saioan egindakoa oso baliagarria izan zen guztiontzat eta horrelako ekintzak egitea, teoria eta praktika aldi berean uztartuz, interesgarria dela saioen dinamikari eusteko.

Taldean osatutako definizio guztiak.

Hauek izan dira, berriz, taldean lortu ditugun definizio guztiak:

-Es una experiencia vital referida a la lecto-escritura, formada por personas de diferentes edades y en diferentes etapas de aprendizaje, en el que comparten, se ayudan y aprenden juntos los unos de los otros sintiéndose integrados y respetados en el día a día.

-Hizkuntza idatzia ezagutzen eta konpartitzen dutenen elkartea da. Ez du kostu ekonomikorik ezta ere arau zehatzik.

Beraien arteko hartu emanaren bidez, irakurketa eta idazketa prozesuak aurrera egita eta besteei hobetzen laguntzea du helburu.

-Hizkuntza idatziaren bidez komunikatzeko gaitasuna dutenen taldea da. Interesan asetzeko, konpartitzeko, eta epaitu gabe elkarri laguntzeko erabiliko dena.

-Ikasleen interesetatik abiatzen den eta irakurmena bultzatzen duen talde bat da. Modu natural eta esanguratsu batean edonork har dezate parte, bakoitzaren erritmoa eta garapena errespetatuz.

-Hizkuntza idatziaren erabiltzaile taldea non irakurketa-idazketa prozesuan egoera ezberdinean egon arren guztiak berdinak diren eta prozesu bakoitzaren interes eta gaitasunetatik abiatuz, besteen ongizatea bilatuz eta guztien garapen eta ikasketen konfiantza izanez.

-Hizkuntza idatzia erabiltzen duen lagun taldea da, non dakienak ez dakienari laguntzen dion irakurketa idazketarako trebetasunak lortzeko helbururarekin, kide guztiak partaide sentituz eta beraien ongizatea bermatuz.

-Hizkuntza idatziaren erabiltzaileak eta erabitzen ikasi nahi dutenen taldea da.

-Es un grupo, donde los miembros consienten el uso del lenguaje escrito y hay un interés común por leer escribir.

-Hizkuntza idatzia duten pertsonen taldea, non, haurrari idatzitako mundua eskuragarri jarriko dion. Mundu honen "sekretuak" partukatuaz, berak bere kabuz mundu zabal hau barneratzen duen bitartean. Modu honetara berak "sekretuak" gainerako kideei helaraziko dizkielarik.

-Kontesu esanguratsu eta ez formal batean, norbere interesak kontuan izanik, elkarri lagundu hizkuntza idatzia erabiltzen duen pertsona taldea da.

-Irakurle eta idazle sentitzea ...

Clubaren onurak

Hurrengo saiakera clubaren onuren atala izan da. Etxetik ekarri behar ziren pentsatuta puntu bakoitzaren inguruko adierazpen batzuk. Ondokoak bildu ditugu:

• 1go puntutik ondokoak azpimarratu ditugu: hizkuntza idatziaren erabilera ezberdinak, aukerak, zentzuaren garrantzia ...
• 2. puntutik ondokoak: konfiantza, ez etiketatzea, onarpena, akatsetatik ikastea, eredu izatea, pesiorik ez ...
• 3. puntutik ondokoak: enpatia, laguntza, askatasuna, eredu izatea, autoerregulazioa, laguntzea, interesak ...
• 4. puntutik ondokoak: errespetua, zentzua, ulermena, hipotesien garrantzia, aniztasuna ...
• 5. puntutik ondokoak: partaide izatea, naturaltasuna, identifikazioa, askatasuna, segurtasuna, irakurle eta idazle, protagonista ...
• 6. puntutik ondokoak: kontrol formalik ez, andamiajea, konparakletarik ez, etiketatik ez ...

Aipagarria izan da testu zati batetik, zenbat irakurketa desberdin atera daitezkeen. Honekin amaituz, Elenak berriro irakurtzera gonbidatu gaitu, atal osoa, edo zati hau, nahi dugun moduan, eta honez gero gu geu ere berdinak ez garenez, gauza desberdinez ohartuko garela ikustera gonbidatu gaitu.

Ayuda Versus interferencia

Saioan aurrera egin dugu, eta hurrengo estrategia probatzeko liburu berdinaren beste ataltxo bat banatu digu Elenak. Zeregina ahots goran irakurtzea izan da, eta horrelaxe egin du Elenak, Txandaka txandaka gutako batzui ahots goran irakurtzea tokatu zaie, eta horrek sortzen dituen zailtasunetako batzuk bizitzeko aukera izan dugu. Ondorio garbi bat atera dugu:

• Egin duguna ez da irakurketa izan, ez baitu inork adierazi ezer atera duenik aurrean izan dugun testutik erabilitako estrategi honekin.

Gogoetarako gai bezala utzi nahi izan du Elenak egindako, hurrengo saioan tratatuko baitugu, besteak beste, ahots gorako irakurketaren gaia.

Mafalda eta irakurketa eta idazketarako estrategiak

Saioaren amaieran irakurketarekin eta lotutako estrategiekin lanean jarri gaitu Elenak. Mafaldaren hainbat biñetarekin osatutako bilduma bana izan dugu eskutan eta Elenak egiteko argi bat jarri digu:

• Zein estrategia agertzen dira irakurketa eta idazketa erabiltzeari lotuta?

Tartetxo bat izan dugu, baina saio amaiera gainean genuenez, lehenengo biñetarekin ondorioztatutako estrategiak bildu ditugu. :

Hurrengo saiorako lanak.

Hurrengo saioa abenduaren 11n izango da eta ordurako bi zeregin izango ditugu:

• Mafaldaren biñetetan ikustea lortzen dugun estrategiak idatzita ekarri.
• Daniel Cassanyren "Luces y sombras de la lectura en voz alta" testua irakurrita ekarri.

3. lan saioa ere irakurketari lotutako estrategien ingurukoa izango dela aipatu du Elenak. Horretarako, etxean pentsatutako ekartzeko eskaturiko dokumentua aztertzeari ekin diogu lehendabizi. Mafaldaren biñetak dira, eta biñeta horietan irakurketari loturik agertzen diren estrategia ezberdinak zeintzuk izan daitezkeen pentsatzeko eta idatzeko eskatu zigun Elena. Talde handian, irakurritako biltzeko helburuz, eskolan erabilgarria izan daitekeen estrategia bat egin du Elenak, bera gidari izanik, jendeak bildu duena taldearekin elkartrukatzea, hain zuzen ere. Osatu egin dugu informazioa, aberastu, indartu gure ustea ... estrategia oso interesgarria izan daitekeela ikusi dugu beste behin ere.

1go biñetarekin hasi gara:

Gogoeta desberdin ugari partekatzeko aukera izan dugu Quinoren biñetei esker. Eskolari buruzko ikuspegi zorrotzari esker, egiten ditugunen atzean egon daitezkeenak ikusten laguntzen digute holako autoreek.

Aurrera egin dugu eta bigarren zereginari heldu diogu. "Luces y sombras de la lectura en voz alta" testua irakurrita etortzeko eskatu zigun Elenak. Daniel Cassanyrena da artikulu hau. Autore honek, hizkuntza idatziaren erabileren inguruko testu eta liburu batzuk baditu, interesgarriak hainbat. Beraz, kontuan izan beharreko autore bat da ezbairik gabe.

Saioaren amaitzeko, ondoko etxerako lanak agindu dizkigu Elenak urtarrileko saiorako:

• Bi kopia banatu dizkigu:
  • "Luces y sombras de la lectura en voz alta" artikuluari lotutako dokumentu bat.
  • Estrategien adibideak biltzen dituen dokumentu bat.
• Ondoko zeregina agindu digu: bietako lehenengo dokumentua jarraituz, hau da, gidoia, pentsatu eta zerrendatu egitea komeni diren ekintzak, eta egitea komeni ez diren ekintzak.

4. saioa aurreko mintegitik utzitako etxerako lanetatik abiatu dugu. Abenduko saioan Daniel Cassanyren artikulua sakondu gabe utzi genuenez, etzean egiteko utzi genuen ahots gorako irakurketaren argi itzalen gogoeta. Egin beharrekoa autoreak aipatzen dituenak hautatzea zen, nolabait esateko, bakoitzari garrantzitsuenak iruditzen zitzaizkionak sailkatzea argietan eta itzaletan. Horretarako Elenak dokumentu bat eman zigun. Gaurko saioa, beraz, etxean egindako lana talde txikitan partekatuz hasi dugu. Ondoren talde handian bildu ditugu:

Amaitutakoan, zentzuaren bila joatearen garrantzia eta testu zentzudunak izatearen garrantzia azpimarratzeko bizpahiru testu berezi irakurri ditugu, kasu honetan ahots gorako irakurketan:

Oraingoz, irakurketarekin amaitu dugula azaldu digu Elenak. Hurrengo saiotik aurrera idazketarekin hasiko garela aipatu du, baina, kontuan izateko etengabe itzuliko garela irakurketara eta azaldutako proposamen hauetara.

Hurrengo saiorako lanak.

Hurrengo saioa otsailaren 19an izango da eta ordurako testu bat ondo irakurtzeko eta analizatzeko eskatu digu Elenak:

• Ana María Kaufman eta María Elena Rodríguezen "La escuela y los textos" liburuko "Segunda parte: lingüistica textual" atala.

Ondoren, beraz, etxerako bidalitako lanaren inguruko komentario ezberdinak bilduz hasi gara. Testu konplexua izan da saio honetarako Elenak eskatu duena, eta halaxe adierazi da mintegiko partehartzaileen artean ere. Horri lotuta, Elenak gai hauek ezagutu beharra defendatu du, eta argudiatu ere bai, ikasleei euren testuen sorkuntzan laguntzeko modu onenetakoa dela pentsatzen baitu, ezin baitira testuak sakontasunez eta asko hobetu gai hauek ez baditugu ezagutzen. Beraz, testuak zer diren, nola osatzen diren, zein ezaugarri dituzten ... ezagutzeari berebiziko garrantzia eman dio, aurrerago sakonduko dugun borradoreen lanketan aritzeko, ikasleei laguntzeko testu ekoizpenean.

Gainera, azpimarratu nahi izan digu, ekoizpenetik haratako, testuen interpretazioarekin laguntzeko ere oso gai inportanteak agertzen direla testu honen mamian. Ikasleek izaten dituzten zailtasunetako asko, testu honetan agertzen diren ezagutzen faltari atxikiak direla azaldu digu kasu askotan, eta guk gai hau sakontasunez eta ondo ezagutzen badugu, errazago eta hobeto lagunduko diegula esplikatu digu, testuen barneko zein kanpoko erlazioak nola egituratzen eta erabiltzen diren ezagutzea biziki garrantzitsua delako irakurketaren eta idazketaren garapenean aurrera urrats inportanteak egin ahal izateko.

Amaitzeko, psikogenesia ezagutu behar dugun neurrian gai hau ere ezagutu behar dugula adierazi digu Elenak, izan ere, kodearen arauez jabetzen ari diren bitartean laguntzeko estrategiak garatzea ez baita aski haurrei testu ekoizpen onak egiten laguntzeko, alfabetikora iristen direnean, eta horretan jario eta erraztasun nahikoa lortzen dutenean, ezagutza hauen baitatik ateratzen diren estrategiak erabiliz lagundu behar diegu euren testu ekoizpenak hobetzen, eta euren testu interpretazioa zorrozten.

Gaiaren garrantziaz jabetzeko, Elenak testu ekoizpenean jarduten direnean ditugun hobetzeko estrategiez galdetu digu, eta gutxi asko gehiago, hauek bildu ditugu:

• Puntuazioa,
• Ortografia,
• Esaldien egokitasuna alde gramatikalari dagokionez
• ...

Beraz, datozen saioetan gai honetan sakonduko dugula azaldu digu Elenak eta taldean egiteko zeregin bat proposatu digu:

• Irakurritakoaren eskema egitea izango da zeregina, eta hirunaka egin beharko dugu

Tarte bat izan dugu hori egiteko.

Konplexua izan da, noski, baina, Elenak bere asmoen berri eman digu ekintza hau proposatzearekin:

• Hasteko, adierazi du, eskema bat sortzea ez dela izan bere helburua, nahiz eta horretan jarri gaituen.
• Bere helburua testuaren interpretazioan sakontzea izan da, ulertu dugun horretaz gogoeta egitea.
• Horretarako jarri digun zereginak, behin eta berriro, testura itzultzea eskatu digunez, pentsamendua berregituratzea eta horri buruzko gogoeta, ekintza interesgarria izan da, gainera, taldean egiteak, kasu honetan lagundu du.

Mintegiko kideek, berriz, ondoko komentarioak egin dituzten egindako lanketaren ondotik:

• Eskema bat hirunaka egitea ezkongaitza da, izan ere, bakoitzak bere eskema propioetan antolatzen ditu ezagutzak.
• Taldean egiteak, zenbait kasutan, lagundu egiten du, elkartrukeari esker segurtasuna lortzen delako.

Behin gai horien inguruko gogoetak partekatutakoan, Elenaren iritziz eskema objektiboa badu testuak bera, eta hori aurkezten ahalegindu da:

LINGÜÏSTICA TEXTUAL

TEXTO:

• Reglas combinatorias
• Intención comunicativa
• Estructura genérica
• Cohesión interna

CONTEXTO

• Socio-histórico
• Cultural
• De situación
  • Identidad, comportamiento, intencionalidad...
  • Parámetros espacio-temporales
  • Lugar social

COTEXTO

REFERENCIA

CORREFERENCIA

• Relaciones exofóricas
  • Recursos:
    • Pronombres, adverbios, verbos ...
  • Usos:
    • Deícticos: de persona, de lugar, de tiempo
• Relaciones endofóricas
  • Anáforas
  • Catáforas

COHERENCIA y COHESIÓN

• Recursos
  • Pronombres, adverbios, preposiciones
• Estrategias
  • Sustitución lexical (sinónimos, hperóminos, hipónimos)
  • Nominalización
  • Pronominalización
  • Elipsis
  • Definitivización
  • Uso de conectores
    • Conjunciones y frases conjuntivas coordinantes
    • Subordinantes
    • Preposiciones
    • Pronombres
    • Adverbios y frases adverbiales
    • Adjetivos numerales cardinales y ordinales
    • Construcciones endocéntricas o exocéntricas.
• Progresión temática
• Superestructura
• Macroestructura
• Espacialización

Eskema hau ikusteak garbi erakutsi digu testuaren mamiaren garrantzia eta sakontasun maila. Elenak konkrezio maila zehatzago bat jarri du saioaren amaieran, beraren ustez asko eta ondo sakondu beharko genituzkeen atalak zeintzuk diren definitu du. Ondokoak esan ditu:

• Relaciones exofóricas
  • Recursos:
    • Pronombres, adverbios, verbos ...
  • Usos:
    • Deícticos: de persona, de lugar, de tiempo
• Relaciones endofóricas
  • Anáforas
  • Catáforas

Hurrengo saioan horiekin gehiago sakonduko dugula azaldu du eta beste zeregin batean jarri gaitu. Elenak talde desberdinetan jarri gaitu, eta ondoko eskaera egin digu, berak esandako esaldiak (testuko adibideak dira jasu honetan) euskaratzeko esaktu digu. Hori eginez, gertatzen dena aztertzeko estrategia moduan erabiliko dugula azaldu digu. Baina, horrekin hasi bezain pronto, saioa amaitzeko ordua ailegatu da, beraz, hurrengorako utzi dugu.

Hurrengo saioan gai honekin sakontzen jarraituko dugula esan du Elenak, eta horretaz sakontzeko beste testu bat bidaltzekotan geratu gara.