Kultur aniztasunari eman beharreko erantzuna:

Harrera Plana, familiak, erabakiak, hasierako ebaluazioa, Norbanako Jarduera Plana...

Hizkuntzak ikasteko prozesua luzea da. Ikasle etorri berriek beste hizkuntza bat ikasi behar dute eta funtsezkoa dute, hasteko, harremanetarako hizkuntza garatzea. Hala ere, harremanetarako hizkuntza ez da eskolako jakintza-arloak jorratzeko nahikoa; izan ere, hizkuntza akademikoa abstraktuagoa da, testuingurutik kanpokoa eta lanketa espezifikoa behar du.

Atal honetan, harremanetarako hizkuntza nahiz hizkuntza akademikoa garatzen laguntzeko gidak eta orientabideak bildu ditugu.

AHOZKO ULERMENA / ENTZUMENA

1.- Eguneroko behar sinple eta zehatzekin zerikusi duten adierazpenak ulertzea, argi esaten badizkiote, poliki eta behin baino gehiagotan.

2.- Ahozko testu motel eta artikulatua jarraitzea, geldiune luzeak dituena esanahia ulertu ahal izateko.

3.- Galderak eta instrukzioak ulertzea, eta jarraibide labur eta sinpleak jarraitzea.

4.- Zenbakiak, salneurriak eta orduak ulertzea.

5.- Deskribapen labur bat ulertzea, ezagunak diren hitzak eta oinarrizko esamoldeak erabiltzen badira eta keinuz laguntzen bada.

6.- Gertaera labur baten kontaketa ulertzea, ezagunak diren hitzak eta oinarrizko esamoldeak erabiltzen badira eta keinuz laguntzen bada.

AHOZKO ADIERAZPENA / MINTZAMENA

1.- Datu pertsonalak ematea.

2.- Informazioa eskatzea.

3.- Adostasuna/ Ezadostasuna adieraztea.

4.- Erantzun laburrak ematea.

IDATZIZKO ULERMENA / IRAKURMENA

1.- Informazio testu eta deskribapen sinpleen ideia nagusia ulertzea, batez ere testua azaltzen laguntzen duten irudiak baditu.

2.- Instrukzio labur eta sinpleak jarraitzea, batez ere irudiak baditu.

3.- Izen ezagunak eta hitz eta esamolde oso sinpleak ezagutzea, iragarki sinpleetan eta eguneroko egoera arruntetan.

4.- Mezu labur eta sinpleak ulertzea, postal batekoak, adibidez.

IDATZIZKO ADIERAZMENA / IDAZMENA

1.- Lagunei zuzendutako ohar sinpleak idaztea.

2.- Non bizi den deskribatzea.

3.- Datu pertsonalak eskatzen dituzten formularioak betetzea.

4.- Esaldi eta esamolde sinple eta bananduak idaztea.

5.- Postal labur eta sinplea idaztea.

6.- Gutun labur eta oharrak idaztea hiztegiaren laguntzaz.

AHOZKO ULERMENA / ENTZUMENA

1.- Elkartruke sinpleak, ohikoak, era errazean egiteko adina ulertzen du.

2.- Jendeak argi eta poliki hitz egiten badu, gehienetan, entzuten dituen elkarrizketetako gaiak identifika ditzake.

3.- Eskuarki gai ezagunei buruzko ahozko testu argi eta estandarra uler dezake, nahiz eta egoera errealean errepikatzeko eta berformulatzeko eskatu behar izan dezakeen.

4.- Eguneroko bizitzako premia zehatzei irtenbidea emateko adina uler dezake, argi eta poliki hitz egiten bazaio.

5.- Eremu akademikoko azalpen laburra uler dezake, gaia ezaguna bada eta argi eta poliki hitz egiten bada.

6.- Eremu akademikoko argibide sinpleak uler ditzake.

7.- Eguneroko gaiekin zerikusia duten grabatutako pasarte laburren informazioa uler dezake, argiak eta poliki esanak baldin badira.

8.- Telebistako albisteetako gertaera, istripu eta abarrekoen ideia nagusia identifika dezake, iruzkinarekin batera ikusten den materiala dagoenean.

9.- Mezu eta oharren ideia nagusia identifika dezake, hauek labur, argi eta sinpleak direnean.

10.- Ezezagun diren hitz batzuen esanahia inferi dezake testuinguruaren arabera eta esaldiaren esanahia ulertu, gaia ezagutzen badu.

AHOZKO ADIERAZPENA / MINTZAMENA

1.- Eguneroko elkarrizketetan, familia eta lagunarteko gaiei buruzko elkarrizketetan hitz egin dezake.

2.- Denda eta bulegoetako elkarrizketa arruntak, informazio eskaerak eta demandak egin ditzake.

3.- Telefonoz informazioa eska dezake.

4.- Gai akademikoei buruzko galdera sinpleak egin ditzake.

5.- Gai akademikoei buruzko erantzun motzak eman ditzake.

6.- Gertaera sinple eta laburra konta dezake.

7.- Azalpen esplikatibo laburra eman dezake.

8.- Iritzi sinple bat eman dezake.

IDATZIZKO ULERMENA / IRAKURMENA

1.- Hitz arruntenak , nazioarteko hitz arrunt batzuk barne direla, dituzten testu sinple eta laburrak uler ditzake.

2.- Eguneroko hizkuntza arruntean idatzitako testu laburrak uler ditzake.

3.- Bere ikasketekin zerikusia duten azalpenezko edo narraziozko testu labur eta sinpleak uler ditzake.

4.- Iragarki, esku-orri , menu eta ordutegiak bezalako eguneroko testu arruntetan informazio zehatza aurki dezake.

5.- Gutun, esku-orri eta gertaerak deskribatzen dituzten egunkariko artikulu laburrak bezalako testuetan informazio zehatza identifika dezake.

6.- Gutun pertsonal laburrak uler ditzake.

7.- Ohiko gutun estandarrak eta gai ezagunei buruzko faxak uler ditzake.

8.- Kale, jatetxe, tren geltoki eta eskolan maiz egoten diren zeinu eta oharrak uler ditzake.

IDATZIZKO ADIERAZMENA / IDAZMENA

1.- Gertaera eta ekintzei buruzko oinarrizko deskribapen arruntak egin ditzake.

2.- Harreman pertsonaletako gutun oso sinpleak idatz ditzake, esker ona eta barkamena adieraziz.

3.- Oharrak eta testu labur eta sinpleak, eguneroko bizitzako gaiekin zerikusia dutenak, idatz ditzake.

4.- Planak eta proiektuak deskriba ditzake.

5.- Zerbaiti buruz gogoko dudana eta ez dudana azal dezake.

6.- Nire familia, nire bizimodua eta nire ikasketak deskriba ditzake.

7.- Iraganeko ekintza eta esperientzia pertsonalak deskriba ditzake.

8.- Gai akademikoetako galderei erantzun laburrak eman diezazkieke, azalpen eta deskribapen laburrak eginez.