“Aí vén o maio de flores cuberto…” como dicía o poeta, e colleunos un pouco de imprevisto. Chegou o mes das flores, das festas, do bo tempo... o mes de María, e pillounos sen xeito nin modo, co cole medio pechado e atarefados en fases e desescaladas.

Por iso, as festas do cole deste curso serán especiais. Non decoraremos o patio, nin adornaremos as clases. Non encheremos o pavillón de xogos o venres, nin a Igrexa na eucaristía do día 24, pero temos máis ganas e motivos de celebración que nunca.