A CONTRA B Primaria
Normas para Xogar
1.- Competirán os cursos de 1º a 6º de Primaria, enfrentándose o alumnado da letra A contra o da letra B.
2.- Deberán participar, a ser posible, todos os alumnos da clase. A maior participación, maiores posibilidades de gañar. Vai haber doce probas (cada día haberá tres) e cada alumno so poderá elexir unha. As probas serán de luns a xoves. Unha vez realizada, terá que mandar o vídeo da proba ao correo electrónico do seu titor-a.
3.- Este curso, debido ás circunstancias excepcionais do Coronavirus, haberá un cambio radical nas probas.
4.- En tódolos casos, tratarase de amosar o talento individual de cada un. O seu talento fará gañar puntos á letra da súa clase.
5.- O interesante deste ano é o “misterio” e a valentía. Os de A non saberán como están participando os de B e viceversa. E ademais non saberán que modalidade de proba escolleron os da outra letra. Ese é o misterio e a valentía amosarase realizando a proba máis difícil e facela correctamente (para que o titor non baixe a puntuación).
6.- Despois de rematadas as probas, proclamarase un gañador (letra A ou B), que pasará a formar parte con letras de ouro á historia do colexio. De momento, vai gañando a letra B catro edicións a tres. O venres 22 darase a coñecer a letra gañadora.
PUNTUACIÓN FINAL
A: 179 puntos B: 187 puntos
PROBAS
O reconto das probas será levado a cabo por cada titor.
A proba primeira de cada día valerá tres puntos (si a calidade na realización non é boa, os titores poderán baixar a puntuación a dous, un ou incluso que non puntúe).
A segunda proba valerá dous puntos.
A proba terceira, un punto. Das doce probas, so se pode participar nunha.