Azken hilabeteetan, Lehen Hezkuntzako bosgarren mailako ikasleok Ibaieder parkeari buruzko ikerketa-proiektu zirraragarri bat gauzatu dugu. Hainbat jardueraren bidez, bertako flora, fauna, ekosistema, istoria eta urarekin duen harremana aztertu ditugu, zientzialari, historialari eta dibulgatzaile txiki bihurtuz.

Gure lana parkeko landareak aztertuz hasi genuen, haien ezaugarriak behatuz, zuhaitzak identifikatuz eta hosto batzuk bilduz, ikasgelan aztertzeko. Animalien munduan ere sartu ginien, ingurune horretan bizi diren espezieak identifikatuz eta ekosisteman duten garrantziari buruz hausnartuz.

Parkea zeharkatzen duen ibaiak bertako ekosistema ikertzeko aukera eman zigun, urak parkeko bizitzan nola eragiten duen deskubrituz. Gai honetan sakontzeko, Ur Patzuergora bisita, auzoko Arrantza Elkartearekin batera ibaiaren ingurunea garbitu, eta esperimentuak egiten genituen ikasgela barruan zein kanpoan, urak naturan eta gure eguneroko bizitzan dituen funtzioak hobeto ulertuz.

Gainera, parkearen eta auzoaren historia aztertu genuen, arreta berezia eskainiz 1983ko Bilboko uholdeei eta horrek inguruan izan zuen eraginari. Horretarako, Auzo Elkarteko Arantzak oso hitzaldi berezia prestatu zigun.

Parkean dagoen informazio panela hondatuta zegoela ikusirik, Bilboko Udalari gutuna idatzi genion, panela konpon zezan eskatuz, eta lortu genuen.

Ikasitako guztia partekatzeko,ikasitakoa laburbiltzen duten liburuxkak eta informazio-panelak sortu genituen.

Baina proiektua ez zen soilik zientzian eta historian zentratu. Puntua egiten ere ikasi genuen gure familiekin batera. Ilusio handiz, artilezko piezak ehundu genituen parkeko zuhaitz bat apaintzeko, eta, horrela, gure ukitu sortzaile eta pertsonala eman genion inguruneari.

Amaitzeko, parkean zehar bisita gidatuak egin genituen, gure aurkikuntzak lehen hezkuntzako laugarren mailako ikasleei azalduz eta, beste egun batean, gure familiei.