(6)母語文章寫作

1.莫講無可能                作者914吳禎蕙  指導薛素琴老師

    自細漢，阿爸定定跟我講:「無論遇到啥物困難，攏愛堅強去面對，祙使代誌做一半，中途就放棄，清彩講出『無可能』這三字」。讀國校仔三年个時陣，阮庄厝邊隔壁攏咧慶祝媽祖生，彼工下晡，阿爸蹛我去廟埕看歌仔戲，看到戲台頂有一个查囡仔咧挨絃仔，她个自信hoo我誠羨慕，她扭掠个手腳hoo我感覺誠厲害，我共阿爸講:「你看，那個查囡仔哪會遮爾𠢕，我嘛想欲學絃仔，共她仝款上台表演。」阿爸就講:「好啊! 毋過，你毋通看她誠輕鬆，〈人〉儂是經過一次擱一次个練習，你甘有這款決心?」我誠有信心大聲講:「有!我絕對會使！」

    誰知影頭起先才上規節課，我就後悔矣！因為倒手和右手要配合，hoo我个到霧煞煞，拉出來个聲音又閣親像佇殺豬仝款，有夠歹聽，感覺家己無可能佮台仔頂彼ê查囡仔仝款，毋想祙紲落去，阿爸發覺了後，就共我講:「莫講無可能，每一個人佇學个過程中攏會拄著困難，毋通共代誌做一半就想放棄，閣練看覓，我相信你做个到! 」聽了阿爸个話，我決定繼續練。就按呢歌曲漸漸共伊練起來。

     到讀國中時，我參加學校个音樂社團，有一工，老師共我講:「妳拉得袂䆀，甘有興趣參加比賽嗎?」彼个時陣我雄雄驚一趒，我從來毋捌想過學絃仔猶閣要參加比賽，不過想想咧，我嘛學一段時間啊，毋嘛去試看覓。經過規個月个準備，對家己个表現漸漸有信心，比賽那天，所有个選手看起來攏有兩步七仔，hoo我誠緊張，毋過當我拉煞時，聽到逐家个噗仔聲誠大聲，感覺足有成就，一切辛苦攏有價值啦!

      俗語講：「有心拍石石成磚，有心開山山成園。」這咧共咱鼓勵，只要咱人知影用心、認真處理萬項代誌，就算有困難，嘛絕對會當解決。這擺个經驗，hoo我體會到阿爸常講个彼句話：「遇到困難莫講無可能。」个重要，所以以後當我拄到問題，嘛定定用這句話鼓勵家己，想辦法去解決，相信家己，做落去得對啦!

2.若準明仔載我就二十歲              作者 薛素琴

    猶未二十歲ê人攏是人講的囝仔，毋管做啥代誌，定定有父母佇注意甲參詳，假使有做毋著代誌，人攏會想共「囝仔人懵懂、毋擺半項」，卡袂甲囝仔計較，若是惹出大條代誌，落尾攏有父母出來面對和收尾。二十歲是人生一个真重要ê坎站，代表成人矣，抑是法律上「公民」，做萬項代誌，攏愛家己承擔後果hiō-kó，毋但按呢，做人祙使傷過自私，干焦顧自己，著愛關懷弱勢，關心社會事，若有能力，不管時著為國家做一寡奉獻。

    若準明仔載我是二十歲，我會做三項代誌來慶祝我踏入人生ê新階段：

   頭起先，彼工若拄好我佇厝裡，我ê請阿母歇睏一下，毋免煮暗頓飯，請伊放手予我佇在灶跤煮食一擺，無免驚我這個好命囝提菜刀切菜ê著傷，做代誌跤手祙扭掠。一透早我就去菜市仔，買菜甲攢料，煮一頓就腥臊的晚頓，請阮父母食，感謝

辛苦共阮晟養大漢！。

  紲落去，二十歲彼工，照講我應該佇讀大學，我袂去參加國際馬拉松路走比賽，看覓我是不是有才調走？自細漢阮就愛走相逐，若拄到學校運動會，我定定佇一千五百公尺走標，拿到前三名ê獎牌，遮是我真驕傲ê代誌，所以，我袂甲馬拉松路走當作阮一生的休閒活動，尤其是參加國際馬拉松路走比賽，是我大學畢業前想袂完成ê目標。

    擱再來，我要做一个社會好公民，毋但定定說好話、做好代，而且jî-tshiánn祙使去觸犯法律規定，另外，阮逐日攏愛看新聞報導，了解社會發生ê大大細細，到時若拄到選舉ê時陣，遐是我第一擺投票，我祙甲神聖ê一票，頓hoo最好的候選人，希望伊為逐家做代誌。

    總說一句，這馬我猶祙二十歲，為著欲完成我共三件代誌，我在厝裡要時常做工課，學煮食；要拍拚讀書，將來揣ㄧ个好頭路，趁錢、儉錢，顧好家己，祙使親像這馬就濟少年人「骨力食，貧惰做」，干焦欲𨑨迌；猶閣有，我愛養成一寡好e習慣，譬論共：逐工做運動，hoo身體健康，要關心身軀邊ê人，看到有人拄到困難時，愛共人鬥相共，按呢，偌到二十歲時，才有法度實現si̍t-hiān 心願，hoo二十歲在我个人生過程變成真有意義的坎站。