About Organisers

The history of this great institution is, in a manner of speaking, the history of modern Odisha. It was the cradle of ideas fostering national unity and nationalism, promoting social mobilization and gearing up the freedom struggle. The grand hall of this institution was a theater of history: on the 1st of April 1936 it was the venue for the declaration of Odisha as a separate province; thereafter it housed the state's first legislative assembly up to and even after independence till it was shifted to Bhubaneswar, the new capital of the state. It is well communicated from different parts of the country by Road, Rail and Bhubaneswar Airport. From Cuttack Railway Station (In & Out Main Gate) to University (Main Gate), it hardly 15 mins walk.

Address: Ravenshaw University Campus, Cuttack, Odisha 753003

http://www.ravenshawuniversity.ac.in

Vice Chancellor : Prof. Ishan Kumar Patro

ରେଭେନ୍ସା ବିଶ୍ୱବିଦ୍ୟାଳୟ, କଟକ, ଓଡିଶାର ଆଧୁନିକ ଶିକ୍ଷାଧାରାର ଏନ୍ତୁଡିଶାଳ । ଏହି ବିଶ୍ୱବିଦ୍ୟାଳୟ ୧୮୬୮ ମସିହାରେ ପ୍ରଥମେ ବିଦ୍ୟାଳୟ ଓ ପରେ ମହାବିଦ୍ୟାଳୟ ଭାବରେ ପ୍ରତିଷ୍ଠା ଲାଭ କରିବା ପରେ ୨୦୦୬ ମସିହାରୁ ଏକକ ବିଶ୍ୱବିଦ୍ୟାଳୟ ଭାବରେ ନିଜସ୍ୱ ପରିଚୟ ସୃଷ୍ଟି କରିଛି । ଏହା କେବଳ ଓଡିଶା ନୁହେଁ, ସମଗ୍ର ଭାରତ ତଥା ଭାରତ ବାହାରେ ଏକ ଖ୍ୟାତିପ୍ରାପ୍ତ ଆଦର୍ଶ ଶିକ୍ଷାନୁଷ୍ଠାନ ଭାବରେ ଉନ୍ନତ ଶିକ୍ଷା ବ୍ୟବସ୍ଥାର ନେତୃତ୍ୱ ନେଉଥିବାବେଳେ ଆଧୁନିକ ଓଡିଶାର ଅତୀତକୁ ଅତି ଚମତ୍କାର ଭାବେ ବର୍ଣ୍ଣନା କରିଆସୁଅଛି। ଏହି ଅନୁଷ୍ଠାନ ଓଡିଶାର ରାଜନୀତି, ସାହିତ୍ୟ, ଦର୍ଶନ, ବିଜ୍ଞାନ, ଜାତି ଓ ଜାତୀୟତାବାଦ ଏବଂ ସାମାଜିକ ବିକାଶ ତଥା ବୌଦ୍ଧିକ ଚେତନାର ପ୍ରତ୍ୟକ୍ଷଦର୍ଶୀ ଭାବେ ଦୀର୍ଘ ଏକ ଶତାବ୍ଦୀ ଧରି ବିଦ୍ୟମାନ । ୧୯୩୬ ମସିହା ଏପ୍ରିଲ ୧ ତାରିଖରେ ଓଡିଶା ଏକ ପୃଥକ ତଥା ସ୍ୱତନ୍ତ୍ର ପ୍ରଦେଶ ଭାବରେ ଏହି ସ୍ଥାନରେ ଘୋଷଣା କରାଯାଇଥିଲା ତଥା ସ୍ୱତନ୍ତ୍ର ଓଡିଶା ପ୍ରଦେଶର ବିଧାନସଭା ଏହାରି ପରିସରରେ ଦୀର୍ଘଦିନ ଧରି କାର୍ଯ୍ୟ କରିଥିଲା । ଭାରତ ସରକାରଙ୍କ ମାନବ ବିକାଶ ମନ୍ତ୍ରଣାଳୟଦ୍ୱାରା ସ୍ଥିରୀକୃତ ଭାରତର ଉନ୍ନତ ବିଶ୍ୱବିଦ୍ୟାଳୟ ମଧ୍ୟରେ ଏହା ‘ଏ’ ତାଲିକାଭୁକ୍ତ ହୋଇ ଏକ ଉନ୍ନତ ଶୈକ୍ଷିକ ପରିବେଶର ସୃଷ୍ଟିକର୍ତ୍ତା ଭାବରେ ସ୍ୱୀକୃତି ଲାଭ କରିଛି । ଏହି ବିଶ୍ୱବିଦ୍ୟାଳୟର ଶିକ୍ଷକଗଣ ଅତି ଉଚ୍ଚଶିକ୍ଷିତ, ଦକ୍ଷ ଓ ମେଧା ସମ୍ପନ୍ନ ତଥା ବିଦ୍ୟା ଓ ବିଦ୍ୟାର୍ଥୀ ଅନୁରାଗୀ । ଉଚ୍ଚଶିକ୍ଷା ସହିତ ବିଭିନ୍ନ ବିଷୟକ ଗବେଷଣା କ୍ଷେତ୍ରରେ ଓଡିଶାର ସ୍ୱତନ୍ତ୍ର ଚିହ୍ନ ରଖିବାପାଇଁ ଏମାନେ ସଂକଳ୍ପବଦ୍ଧ ।

ଓଡିଆ ଅଧ୍ୟୟନ ଓ ଗବେଷଣା ସଂସ୍ଥା, ଭୁବନେଶ୍ୱର ଓଡିଆ ଭାଷାକୁ ଜ୍ଞାନ ଓ ବିକାଶର ଭାଷା ଭାବରେ ପ୍ରତିଷ୍ଠିତ କରିବା ଉଦେ୍ଧଶ୍ୟରେ ୨୦୧୧ ମସିହାରେ ପ୍ରତିଷ୍ଠା କରାଯାଇଥିଲା । ଦୀର୍ଘ ବର୍ଷ ନିରବଚ୍ଛିନ୍ନ ଭାବରେ କାର୍ଯ୍ୟ କରୁଥିବା ଉକ୍ତ ଅନୁଷ୍ଠାନ ନିଜସ୍ୱ ଉଦ୍ୟମରେ ଓଡିଆଭାଷାର ଶାସ୍ତ୍ରୀୟମାନ୍ୟତାପାଇଁ ଗବେଷଣାତ୍ମକ ସନ୍ଦର୍ଭ ପ୍ରସ୍ତୁତ କରିବା ସହିତ ଉଭୟ ବୌଦ୍ଧିକ ଓ ସାମାଜିକ କାର୍ଯ୍ୟ ଗ୍ରହଣ କରିଥିବାରୁ ଓଡିଆଭାଷାକୁ ଏହି ସଫଳତା ମିଳିପାରିଛି । ଶାସ୍ତ୍ରୀୟତା ପରବର୍ତ୍ତୀ କାର୍ଯ୍ୟ ସ୍ୱରୂପ କ୍ରମାଗତ ଭାବରେ ୪ଟି “ଜାତୀୟ ଭାଷା ସମ୍ମିଳନୀ” ଆୟୋଜନ କରାଇ

ଦେଶବିଦେଶର ବିଭିନ୍ନ ବିଦ୍ୱାନଙ୍କ ଗବେଷଣାଲବ୍ଧ ତଥ୍ୟ ସହାୟତାରେ ଓଡିଆଭାଷା, ସଂସ୍କୃତି ଓ ଐତିହ୍ୟ- ପରମ୍ପରା, ଅର୍ଥନୀତି, ଜ୍ଞାନ ଓ ବିଜ୍ଞାନ ସମ୍ପର୍କୀତ ଅନେକ ଲୁକ୍କାୟିତ ତଥ୍ୟ ଲୋକଲୋଚନକୁ ଆଣିପାରିଛି ।