ALBISTEAK

Atzo arratsaldean, urriak 8, eskolako denda antolatu genuen. Otatzako sagastian bildutako sagarrekin egindako mermelada eta sagar tarta saldu genituen.

Mila esker gerturatu zineten guztioi!

Gaur Albokazale bilguneko arduraduna etorri zaigu bisitan eskolara. Datorren urriaren 12an Idiazabalen Alboka topaketa ospatuko denez, eskolara etorri zaigu albokaren inguruan hitz egitera. 

Gainera, alboka jotzeko aukera ere izan dugu!

Ostiralean Ekainberriko kobazuloan izan ginen. Primeran pasa genuen eta eguraldi bikaina egin zigun!

Laister ikusgai izango dituzue irteerako argazki gehiako, web-guneko argazkien atalean.

Datorren irailaren 19an, ostirala, Ekainberriko kobazulora joango gara HH4-5 eta LH1-2ko ikasleak. 

Lehen hiruhilekoan landuko dugun proiektuari hasiera emango diogu irteera honekin ("lehen gizakitik, gaur egunera"). 

Bertan, kobazuloa bixitatzeaz gain, lehen gizakiek margotzen zuten moduan arituko gara margotzen gu ere. 

Hasi dugu 2025-2026 ikasturtea eta ikasturte berriarekin batera 2-3 urtekoentzako gela berria prestatu dugu.

Gaurkoan, txikienak ez direnez oraindik egokitzapen prozesuan hasi, zaharragoei utzi diegu gela estreinatzen. Izugarri gustora ibili dira!

Ekainaren 16 eta 17an, gaua pasatzeko irteera egin dute Arotz Enea-n gure eskola zaharrenek. 

Gabiriko, Ezkio Itsasoko eta Olaberriko beste ikasleekin batean primeran ibili gara!

Gaurkoan bixita berezia dugu Zeraingo eskolan. Segurako Laiotz ikastetxeko 1. eta 2. mailako lagunak etorri zaizkigu.

Goizean goiz "Patata Tropikala" antzerki taldearen eskutik, emanaldia ikusi dugu, ondoren eskolan sukaldatutako bizkotxo goxoak jan eta elkarrekin jolasean aritu gara. 

Gaurkoan ikasturte amaierako irteera izan dugu eta Hernaniko igerilekuetara joan gara.

Plisti-plasta pasa dugu goiza! primeran pasa dugu!

Hementxe duzue ostiralean San Blasen ospatutako "Artazuriketan" emanaldiaren bideoa.

Gozatu!

Gaur arratsaldean, "Artazuriketan" emanaldia ospatu dugu Zeraingo San Blas ermitan.

Herritar ugari gerturau zarete bertara, zoragarria izan da zuek guztiak han izatea!

Mila esker

Ostiral honetan, arratsaldeko 15:00etan, Zeraingo San Blas ermitan, artazuriketa emanaldia eskeiniko dugu Zeraingo eskolako ikasleok.

Herritar oro gonbidatuta zaudete!

Ondoren, merendola izango dugu han bertan.

Datorren maiatzaren 15ean, Euskaraldiari hasiera emango diogu. Atzo arratsaldean Zeraingo Eskolako ikasleak, herritarrei txapak banatu zizkieten.

Gaurtik aurrera txapak udaletxean izango dituzue eskuragarri.

Datorren maiatzaren 22an, arratsaldeko 15:30etan, Antolar elkarteko kideekin elkarlanean, IPUIN IRAKURKETA saioa antolatuko dugu Liztormendi elkartean.

Aurtengo azken saioa izango dugu Antolar elkartearekin batera, beraz, animatu eta gertura zaitezte!

Datorren astelehenean, maiatzak 12, arratsaldeko 16:00etatik 16:30etara, Zeraingo Eskolako atarian, euskaraldiko txapak jasotzeko aukera izango duzue. 

Bertan jaso ezean, maiatzaren 13tik 15a bitarte, Udalean izango dituzue eskuragarri.

Gaurkoan arratsalde berezia izan dugu Zeraingo eskolan. Yunesen familiari esker, henna tailerra egin dugu. Oso dibertigarria izan da eta dotore-dotore gelditu dira marrazki guztiak.

Mila esker!

Atzo euskadiko itzulia Zeraindik pasa zen. 

Zeraingo eskolako ikasleak pankarta eta ikurrinak hartuta, animatzera atera ginen. Giro bikaina izan genuen!

Ostiralean, Gariona obradorean izan ginen Zeraingo ikasleak. Primeran pasa genuen. Lehenengo flautak egin genituen eta ondoren txokolatedun madalenak. 

Han izan ondoren, Beasainen aritu ginen jolasean. 

Gaur zientzia tailerrean, txiten inguruko datuak eguneratzen aritu gara. 

Jaio zirenetik gaur arterako pisua alderatzen adibidez.

Hemen duzue informazio taula. 

3 izan dira jarritako oilo arrautzetatik jaio ez direnak. 9 txita jaio zaizkigu eta 3 ez dira jaiotzera iritsi.

Gaurkoan, jaio ez diren horiek aztertzen aritu gara. Lehenengo iluntasunean, linterna batekin, hipotesiak egin ditugu, zein fasetan geldituko ote ziren. Ondoren, hiru arrautza horiek banan bana zabaldu egin ditugu eta zein egoeratan gelditu diren ikusi dugu.

2 txita azkeneko fasean gelditu direla ikusi ahal izan dugu. 

Hona hemen gure txita kuadrilla!

Poz pozik daude denak Zeraingo Herri Eskolan.

Atzo arratsaldean, bingo jolasa izan genuen Liztormendi elkartean. 

Bi aldiz jolastu genuen eta irabazleak Lea eta Iraien familia eta Kattinen familia izan ziren.

Aroztegian egindako eskultura eta Garionako pasta kaja irabazi zituzten.

Primerako arratsaldea izan genuen! Mila esker azaldu zineten guztioi.

Atzo eskolatik joan ginenerako, 6 arrautza zeuden kraskatuta. Gaur goizean jaioak ziren 6 txita berriak, eta atzoko biekin, denera 8 jaio dira momentuz, baina bederatzigarren bat ere bidean da. 

Etxea prest jarri diegu, ura, janaria eta argi gorriarekin eta indartsuenak pasa ditugu etxe berrira.

Izenak ere erabaki ditugu:

Txanpion, Pepino Txiki, Pipi, Hori, Amadeus, Kokoriko, Lulo, Txipi eta Kalimero.

Gaur goizean, Txanpioni lagundu egin behar izan diogu arrautzatik ateratzen, izan ere, atzotik saiakeran zebilen baina ezinean.

Nahiko ahul jaio da eta momentuz inkubagailuan utzi dugu, ea indartzen den.

Beste bi arrautza ere kraskatuta topatu ditugu eta noski, hauentzako izenak erabaki ditugu dagoeneko.

"Pepino txiki" eta "Pipi"

Joango gara gure txiten berri ematen. Laister arte!

Adi!!! lehenengo txitak kraskatu du dagoeneko arrautza! Badator!!!

Dena prest dugu bere etorrerarako, etxea eraiki diogu eta izena ere jarri diogu, "txanpion" izango da.

Pasa den asteazkenean, Zeraingo Eskolan inkubagailua martxan jarri genuen Otatzatik ekarritako arrautzekin eta beste 2 arrautzekin. Egunero egunero ari gara zaintzen gure arrautzak, 12 oilo arrautza eta beste 2... zerenak ote?

Egunero ikasle batek izaten du ardura, arrautzei buelta eman eta dena ongi dagoela ziurtatzekoa. 

Manta batekin estaltzen dugu inkubagailua, iluntasuna izan dezaten eta ixil-ixilik egoten gara sukaldean, idatzitako kartelek dioten moduan.

Irrikitan gaude gure txitak jaio daitezen!

Zeraingo eskola beti izan dadila denon babesgune.💜

Gaur goizean Otatzan baserrian izan gara. Eskolan, inkubagailuan arrautzak jarri eta txitak hazteko asmoa dugu. Horretarako, Otatzako arrautzak jasotzera joan gara gaur. 

Hona hemen iragarpen bideoa!

Atzo arratsaldean, transmisio saioa izan genuen Antolar jubilatu elkartearekin. Oraingoan, Txoritegiko Haitza ezagutzera joan ginen. 

Hemen dituzue otsailaren 4ean, Zeraingo ikasleek Santa eskean grabaturiko hainbat momentu.

Zeraingo ikasleak makilak astinduz pasa zuten otsailaren 4eko goiza.

Herritarrek izugarrizko harrera ona egin ziguten. Poz-pozik ibili ginen.

Hona hemen goizean zehar egindako argazki batzuk.

Otsailaren 3an, eskola atarian, San Blas denda antolatu genuen. Bertan eskolan sukaldatutako produktuak izan genituen salgai, hala nola, san blas opilak, bizkotxoak eta mermeladak.

Mila esker dendara gerturatu zineten guztioi!

Otsailaren 3an, astelehena, arratsaldeko 16:00etan, San Blas denda antolatuko dugu eskola atarian.

Bertan, ohikoak diren San Blas opilez gain, beste hainbat produktu erosteko aukera izango duzue.

Anima zaitezte!

Urtarrilaren 2Oan San Sebastian eguna ospatu dugu Zeraingo Herri eskolan. 

Egunean zehar ekintza desberdinak burutu ditugu, hamaiketakorako gulak jan ditugu eta arratsaldean Danborrada ospatu dugu.  

Gora Donostia!

Ostiralean, sorpresa galanta izan genuen Zeraingo Eskolan. Olentzero etorri zitzaigun bixitan!

Ikusi nahi al duzue zeinen gustora egon ginen berarekin?

Hementxe duzue bideoa!

Hementxe duzue ikusgai pasa den ostegunean Liztormendi elkartean ospatu genuen gabon kantaldia.

Eguberri on guztioi. 

Izugarrizko sorpresa izan dugu gaurkoan. Olentzero etorri zaigu bixitan asto eta guzti!

Kontutan aritu gara berarekin eta opari eta guzti etorri zaigu. Eskolarako liburu eta jolas ugari ekarri dizkigu, bai eta ikatza eta paxintxiak ere. 

Honekin abenduari itxiera eman eta bihar gabonetako oporrak hasiko ditugu.

Deskantsatu eta datorren urtean ikusiko dugu berriro elkar!

Gaur arratsaldean, abenduak 19, Liztormendi elkartean bildu gara Zeraingo eskola eta Abesbatza eta kantuan igaro dugu arratsaldea.

Giro polita izan dugu.

Mila esker bertaratu zareten guztioi!

Saski solidarioaren zozketan, Laiaren familia izan da zorteduna aurtengoan. 

Izugarrizko saskia eraman dute etxera!

Gogoan izan, diru bilketarekin Ostatu eta Mandio tabernetan jarraituko duela ZerainLabek. Ondoren, Gipuzkoako Elikagai Bankuari emango zaio bildutako guztia.

Ostiralean, abenduak 13, Donostiako Eureka Zientzia Museoan izan ginen.

Izugarri ongi pasa genuen! Ikusi zein argazki politak!

Datorren ostegunean, abenduak 19, arratsaldeko 15:30etan, gabonetako kantaldia izango dugu Antolar elkartearekin batera, Liztormendi elkartean.

Kantaldia amaitutakoan, saski solidarioaren zozketa egingo dugu. Bilketarekin jarraitzeko, ZerainLab-ek hartuko du testigua eta herriko Mandio eta Ostatu tabernetan kutxa bana jarriko dute.

Bildutako diru guztia, Gipuzkoako Elikagai Bankuari emango zaio.

Gaur bixita berezia izan dugu Zeraingo eskolan. Joxe Mari Telleria etorri zaigu bere erakusketa azaldu eta gure galderei erantzutera. 

Izugarri gustura egon gara!

Ostegun honetan, hilabetero bezala, Antolar elkartekoekin herria ezagutzen aritu gara. Oraingoan, eliza ezagutzera eraman gaituzte, garai batean zituzten eliza ohiturak kontatuz.

Bixitari amaiera emateko, kanpaidorrera igo gara eta herriko bistarik ederrenak ikusi ditugu.

Atzo, azaroak 25, Tolosako Titirijai festibalera joan ginen bi txotxongilo emanaldi ikustera.

Oso politak izan ziren eta ideia ugari hartu genituen gure emanaldiak prestatzeko.

Eguraldiak lagundu ez bazigun ere, ederki ibili ginen.

Aurtengoan ere amaitu dugu igeriketa kanpainarekin. 

Bi hilabetez aritu dira gure LHko ikasleak asteazken eta ostiralero Lazkaoko igerilekura joaten eta pasa den azaroaren 22an bukatu zuten ikastaroa.

Hemen duzue pasa den azaroaren 20an, San Blas ermitan ospatu genuen udazken festaren inguruko bideoa.

Mila esker bertaratu zineten guztioi, egun ederra izan zen.

Gaur zeraingo eskola atarian txantxangorri bat topatu dugu zaurituta. 

Kaxa batean sartu eta eskolara ekarri dugu, zaintzeko.

Azkenik, foru aldundiko basozainarekin jarri gara harremanetan eta txantxangorriaren bila etorri dira. 

Orain, Urnietan dago txantxangorria, sendatzeko bidean.

Bihar arratsaldean, azaroak 20, arratsaldeko 15:30etan, udazken festa ospatuko dugu San Blas ermitan.

Lan ugari egin dugu zuei ahalik eta emanaldirik politena eskeintzeko, beraz, anima zaitezte! Ederra izango da!

Atzokoan bixita berezia izan genuen Zeraingo eskolan. 

Idazleak ikastetxean programaren barne, Juan Kruz Igerabide idazlea etorri zitzaigun ipuin kontaketak egitera.

Izugarri gustura egon ginen berarekin.

Azken momentuko aldaketak izan ditugu. Zegamatik kamioilari bat 13:00etan aterako da eta bere kamioiean sartuko dugu gure materiala.

Beraz, honera artekoa gure laguntza. 

Bene-benetan, mila esker zuen aportazioengatik!

Izugarri ongi doa gure bilketa solidarioa!

Material ugari ekarri duzue azken egunetan. Gogoan izan, gaur 15:00ak arte egongo dela zabalik. 

15:00etan furgonetan dena sartu eta bilketa puntu batera eramango dugu guztia, haiek Valentziara eraman dezaten.

Azken orduotan jaso dugun informazioa dela eta, bilketa solidariorako data aldaketa adostu dugu.

Egingo den bilketa, ostiralean, azaroak 8 amaituko da 15:00etan.

Dakigunez, azken kamioiak asteburu honetan joango dira Valentziaruntz, beraz, gure bilketa ordurako amaitu beharrean gaude. 

Bestalde, eraman beharrekoen zerrendan aldaketak egin ditugu jasotako informazioa kontuan izanik.

Beraz, GARBIKETA PRODUKTUAK eta SEGURTASUN PRODUKTUAK bilduko dira.

Mila esker guztioi.

Valentziako Danak eragindako kalteetan laguntza eskeini nahiean, Zeraingo Herri eskolak, ZerainLab eta Antolarrekin elkarlanean, bilketa solidarioa egingo du bihartik hasi eta datorren asteazken arte.

Azaroaren 6tik, Azaroaren 13ra

9:00-18:00 Zeraingo eskolako sarreran.

Zeraingo Herri guztira zabaldu nahi dugu mezu hau, ahalik eta laguntza gehien lor dezagun denon artean.

Mila esker zuen kolaborazioagatik.

Gurkoan, gau beltza ospatu dugu zeraingo eskolan. 

Ipuin kontaketa eta sukaldaritza tailer bereziak izan ditugu.

Gainera, ikasle ohiak etorri zaizkigu bixitan.

Primeran ibili gera!

Gaur azken eguna izan dugu Zeraingo Ostatuan bazkaltzen. Bihartik aurrera berriro ere Mandiora itzuliko gara. 

Aiertek azken eguna izanik, bizkotxo goxoa egin digu postrerako!

Mandio itxita daukagunez, aste honetan Zeraingo Ostatuan aritu gara bazkaltzen. 

Gaurkoan, eguraldi ona aprobetxatuz, terrazan jarri digu mahaia Aiertek. Ikusi zein gustora egon garen!

Pasa den ostiralean eskolan denda antolatu genuen. Herritar ugari gerturatu ziren zeraingo ikasleek saldutako produktuak erostera! 

Mila esker gugana gerturatu zineten guztioi!

Gaur goizean, ekintza berezia izan dugu Zeraingo eskolan.

Ostiralean Otatzako sagarren bilketa egin ondoren, gaur goizean sagar dultzea egiten aritu gara.

Sagar zakuak bete eta bete pasa dugu goiza Otatzako sagastietan. 

Bildutako sagarrak, igande honetan, azoka ekologikoan egingo den muztiorako erabiliak izango dira.

Anima zaitezte igandean azoka ekologikora!

Bueltan gara! 

Gaur, Irailak 2, ikasturte berriari hasiera eman diogu. Tailerretan pixka bat aritu ondoren, baratzan izan gara udako uzta jasotzen! 

Jasotako barazkiak Mandioko Josebari eraman dizkiogu, datorren astean bazkari goxo-goxoa prestatu dezan guretzat. 

Iritsi da aurten ere ikasturteari agur esateko eguna. 

Zeraingo Eskolan gaurkoan egun berezia dugu, izan ere, ikasturteko azken eguna izateaz gain, Mara, Irene eta Jareri ere, agur esan eta Laiotz eskolan biderik onena desiratzeko unea iritsi zaigu. 

Ospakizunez beterik bukatuko dugu ikasturtea, besteak beste, honako bideoa ikusiz eta dantza eginez.

Asko gozatu ezazue denek udaz; deskantsua hartu eta indarrak berrituta irailaren 6ean ikusiko dugu berriro ere elkar.

Mara, Jare eta Irene; dakizuen moduan, Zeraingo eskolan atea zabalik izango duzue nahi duzuen guztietan.

Hementxe duzue Lemon Cake-ren errezeta! Anima zaitezte etxean egitera!

Ekintza bereziekin jarraituz, gaur frontoiean izan dira ikaslerik helduenak. Raketak hartu eta pala jolasean aritu dira. 

Gaurkoan, Txoritegiko Haitzeraino ibilaldia egin dugu. Bertan kondairaren inguruan hizketan aritu gara eta berriro ere eskolara itzuli gara.

Ikasturteko azken aste honetan, ekintza bereziak egingo ditugu. Gaurkoan eguraldi ona aprobetxatuz, ur jolasak egin ditugu. 

Poz-pozik ibili gara!

Atzo, ekainak 12, Donostian izan ginen ikasturteko azken irteera egiten.

Eguraldiak lagundu ez bazigun ere, gauza ugari egin genituen. 

Iritsi bezain laster, altxorraren bila jolasa egin genuen portuan barrena. Pistak jarraituz Aitona Julian itsasontziraino iritsi ginen. Itsasontzira igo eta Kontxako badian buelta bat eman genuen, Santa Klara uharteraino. 

Bazkaltzera, alde zaharreko Zubigain elkartera joan ginen, eta ondoren Alderdi Ederreko tiobiboan ibili ginen.

Primeran pasa genuen!

Gaurkoan, Mararen aitaren lanbidea ezagutu dugu. Kamioi eta guzti azaldu zaigu eskola atarira. Barruan sartu gara eta han goitik nola gidatzen den ikusi dugu.

Mila esker zure bixitagatik!

Atzo arratsaldean, Irati eta Aioraren gurasoak izan genituen eskolan haien lanbidearen inguruan azalpenak ematen.

Amaia eta Joxe Mari Ingeniari elektronikoak dira eta haien lana guretzako oso zaila bada ere, primeran azaldu ziguten zertan aritzen diren haien lantokian. 

Mila esker zuen bixitagatik!

Izugarri pozik gaude gure baratzak hartu duen itxura berriarekin! Azken asteetan lan eta lan aritu dira eskolako familiak gure baratzaren eraberritzean. 

Dagoeneko baratza prest dugu landaketetan hasteko. 

Mila esker familiak, zuen laguntzagatik!

Pasa den astean, maiatzak 22-23, Orioko Txurruka aterpetxean izan ginen. 

Primeran pasa genuen!

Pasa den ostiralean, maiatzak 17, Learen aitarekin ogia nola egiten den ikasi genuen.

Izugarri goxoa atera zen! Aste honetan hamaiketako ederrak ari gara egiten!

Mila esker Mikel.

Atzo, maiatzak 15, gurasoen lanbideak ezagutzen ari garen honetan, Laiaren amarekin pasa genuen goiza Aranburu gaztandegian. 

Gazta egiten erakutsi zigun, bai eta haien ardi eta instalazioak ere.

Ondoren, gazta probatu genuen hamaiketakorako.

Bisita bikaina izan zen! Izugarri gustatu zitzaigun.

Mila esker Olatz.

Ostiralean, Maiatzak 17, gurasoen lanbide eta afizioak lantzen ari garen honetan, Learen aita etorriko da arratsaldeko 15:00etan, ogia nola egin erakustera.

Gogotsu gaude!

Gaurkoan, Amaia Castilloren bixita izan dugu eskolan. Gurasoen lanbide eta afizioak lantzen ari garen honetan, erleen zaintza eta eztiaren produkzioaren inguruan aritu zaigu.

Mila esker Amaia zure bixitagatik. Asko ikasi dugu!

Hemen duzue haur hezkuntzako ikasleek ingelera saioetan prestatu duten ipuina "The very hungry caterpillar". 

Pasa den ostiralean, eskola atarian denda antolatu genuen sukaldaritzan prestatutako produktuekin. 

Herritar ugari azaldu zen bertara. Mila esker gerturatu zineten guztioi!

Hemen duzue ostiralean, pirineoetako burdinaren ibilbidearen inguruan izandako irteeraren laburpen bideoa. 

Gaurkoan, Aizpeako meategian izan gara Burdinaren ibilbidearen eguna ospatzen. 

Lehenengo kantari aritu gara, telebistako kamera eta guzti. Ondoren, turismo bulegoko langileen eskutik, kaskoak jantzi eta tuneletan barrena ibili gara linternak eskuan. 

Goiz izugarri polita pasa dugu.

Datorren ostiralean, maiatzak 3, Pirineoetako burdin bidearekin elkarlanean, zeraingo ikasleak kantuan arituko dira Aizpeako meategian. 

Goizean goiz joango gara meategietara eta abestu ondoren bixita gidatua eskeiniko digu zeraingo turismo bulegoak.

Maiatzaren 8an, asteazkena, eskolako familiei eskeinitako azken formakuntza saioa izango dugu. 

Hirugarren saio honetan, ebaluazioaren inguruan arituko gara: "Nola ebaluatzen dugu Zeraingo Herri Eskolan?"

Saioa eskolan bertan izango da, arratsaldeko 17:00etan.

Denon interesekoa izango delakoan, parte hartzera gonbidatzen zaituztegu.

Bihar arratsaldean, apirilak 25 (osteguna), Antolar elkarteko kideekin Aizpea-ko meategietara joango gara. Bertan garai bateko meatzarien istorioak kontatuko dizkigute.

Hemen duzue ikusgai antzerki tailerrean gure ikasle gazteenek egindako aurkezpena.  Hiru txerrikumeen ipuina.

Bigarren hiruhilekoa amaitzeko, Udaberriari Ongietorria deituriko proiektu bateratu bat egin genuen. Hementxe dituzue aurkezpen eguneko bideoak ikusgai.

Egin Klik irudian.

Dakizuen moduan, martxoak 23tik apirilak 7ra bitarte, aste santuko oporrak izango ditugu.

Lan asko egin dugu bigarren hiruhileko honetan eta merezitako oporrak iritsi zaizkigu. 

Martxoak 22a, ostirala, izango da azken eskola eguna eta goizeko jardunaldia izango dugu (09:00-12:30). Jangela zerbitzua 14:30ak arte izango da.

Bi aste oso izango ditugu indarberritzeko, beraz, DISFRUTA ITZAZUE!

Atzokoan, arte erakusketa izan genuen ikusgai Zeraingo Herri Eskolan. Gure ikasleen lanek txundituta utzi zituzten herritarrak.

Hemen duzue erakusketa ikusteko aukera.

Ostiralean, Zeraingo ikasleek korrika txikian hartuko dute parte. 10:30etan Mendarten jasoko dugu testigua eta korrika joango gara rotondaraino. Bertan, Segurako eskolako ikasleak izango ditugu zain eta haiei pasako diegu testigua. 

Ondoren, denok batera joango gara korrika Segurako frontoiraino eta han amaituko dugu festa giroan.

Atzo, martxoak 13, Ordiziko azokan izan ginen. Goizean goiz autobusa hartu eta azokan erosketak eta elkarrizketak egiten aritu ginen. 

Hamaiketakoa erosi genuen, argazkiak ikusten duzuen moduan, magdalenak, azeitunak, gazta, intxaurrak eta ogia. 

Ondoren herriko kaleetan barrena bueltatxo bat eman eta parkean zuhaitzak aztertu genituen. 

Primeran pasa genuen!

Gaurkoan, martxoak 8, emakume langilearen eguna ospatu dugu Zeraingo eskolan.

ZerainLab-eko oparia jaso dugu, zapi morea eta honako argazkia atera dugu denok batera.

Mila esker!

Ostegunean, otsailak 22, arratsaldeko 15:30etan Liztormendi elkartean Bingoa antolatuko dugu Zeraingo Herri Eskola eta Antolar elkarteak. 

Kartoiak euro batean izango dira salgai eta irabazleak jokatutakoa irabaziko du!

Anima zaitez parte hartzera!

Atzo arratsaldean, otsailak 12, Zeraingo ikasleak aktore lanetan aritu ziren. "Ipuin klasikoak" gaiaren harira, 4 antzerki motz antzeztu zituzten.

Herriko elizan giro polita sortu zuten ikasle, familia, ikasle ohi eta herritarrek. 

Mila esker zuen parte hartzeagatik!

Astelehenean, otsailak 12, arratsaldeko 15:15etan Zeraingo elizan antzerki emanaldia eskeiniko dute zeraingo ikasleek.

Gaia "Ipuin Klasikoak" izanik, 4 antzerki motz egingo dituzte:

Ozeko Aztia

Berunezko Soldadutxoa

Hamelingo Txirularia

Pinotxo

Antzerki hauek herri osoari eskeiniak dira, beraz, anima zaitez gu ikustera!

Atzo arratsaldean, gure ikasle den Egoi-en baserrian jaio berri diren antxumeak ikustera joan ginen.

Eguraldi bikaina egin zigun eta primeran pasa genuen.

Aurten ere, iaz bezala, gabonetako saski solidarioa aitzakiatzat hartuta, ZerainLab-ek eta Zeraingo Heri Eskolak 1150€ bildu dituzte Gipuzkoako Elikagai Bankuari emateko.

Gaurkoan, Gipuzkoako Elikagai Bankukoak dirua jasotzera etorri dira. Bertan elkartu gara eskolako ikasle zein irakasleak, ZerainLabeko arduradunak eta Goierri telebista.

Eskerrak eman dizkigute egindako lanagatik eta goxokiak ere ekarri dizkigute eskertza moduan.

Ostiralean, urtarrilak 19, Euskadiko Orkestra ikusten izan ginen Donostian. Kontzertutik atera ginenean, Kristina Enea parkean aritu ginen jolasean eta ondoren, Tabakalerara joan ginen bazkaltzera.

Primeran pasa genuen!

Gabonetako oporrak bukatu zaizkigu eta energiak indarberriturik hementxe gaituzue berriro ere eskolan bueltan!

Elurra iritsi zaigun moduan iritsi zaigu bigarren hiruhilekoa ere! Zein berri izango ote ditugu?

Egon adi, hementxe izango duzue eta eskolan gertatzen denaren berri!

Gaur, abenduak 22, 12:30etan Gabonetako Oporrak hasiko ditugu. Jangela zerbitzua 14:30ak arte izango duzue.

Urtarrilaren 8an itzuliko gara berriro ere eskolara. 

Bitartean, gozatu familiaz eta asko deskantsatu, bueltan energiaz beterik egon gaitezen berriro ere.

EGUBERRI ETA URTE BERRI ON GUZTIOI

Zerain Herri Eskola

Bixita paregabea izan dugu Zeraingo herri eskolan oraingoan. Olentzero izan da gurekin goiza pasatzen. Kontu kontari aritu da gurekin eta eskolarako oparitxo batzuk ere ekarri dizkigu.

Esan digunagatik lan asko egiten aritu gara urte osoan zehar eta ondo mereziak omen ditugu ekarritako liburu, josteko makina, jostailuzko euro, kaja registradora eta zerrak. 

Mila esker zure bixitagatik Olentzero! Datorren urtean ere zure zain izango gara.

Atzokoa egun handia izan zen. Liztormendi elkartean bildu ginen herriko haur eta helduak gabon kantuak abestu eta saski solidarioa zozketatzeko.

Arratsaldeari amaiera goxoa emateko, Antolar elkartekoek txokolate beroa eta bizkotxoak prestatu zituzten.

Honekin, amaiera ematen diogu 2023 urteari. Gabon zoriontsuak opa dizkizuegu denoi. EGUBERRI ETA URTE BERRI ON!

Baditugu jada gure Saski Solidarioaren irabazleak. Aitziber Makatzaga izan zen zorteduna eta bere partez ahipa eta ilobek jaso zuten saskia.

Aurtengoan, 427€ bildu ditugu Gipuzkoako Elikagai Bankuari emateko. Orain testigua ZerainLabeko kideei pasa diegu eta hauek jarraituko dute diru bilketan.

Mila esker denei zuen kolaborazioagatik!

Gaurkoan, abenduak 21, Santo Tomas eguna ospatu dugu Zeraingo eskolan. Ospakizun honen inguruko kontakizunak egiteaz gain, hamaiketako berezia ere izan dugu; txistorra eta ogia!

Bihar, abenduak 21, egun berezia izango dugu Zeraingo eskolan. 

Goizean, Santo Tomas eguna ospatuko dugu txistorra eta guzti.

Arratsaldean, Liztormendi elkartean elkartuko gara Antolar Elkartekoekin eta ZerainLabeko kideekin batera gabonetako kantaldia eta saski solidarioaren zozketa egingo ditugu.

Iaz bezalaxe, aurten ere, saski solidariorako bildutako diru guztia, Gipuzkoako Elikagai Bankuari emango diogu.

Gonbidatuta zaudete gurekin batera egun berezi hau pasatzera. 

Liztormendi elkartean ikusiko dugu elkar, arratsaldeko 15:15etan!

Atzo, abenduak 19, Gabonetako Denda antolatu genuen Zeraingo eskola atarian. Bertan hainbat eskulan eta gozo izan genituen salgai. Herritar ugari gerturatu ziren dendara eta salmenta bikaina izan genuen!

Mila esker dendara gerturatu zineten guztioi!

Idazleak ikastetxean programari esker, gaurkoan Eneko Etxegarai idazlea etorri zaigu Zeraingo Herri Eskolara bixitan. Hainbat ipuin kontatu dizkigu musikaz lagunduta.

Saioari amaiera emateko, liburu bana ere oparitu digu.

Mila esker Eneko eskeini diguzun tarteagatik.

Aurtengoan, Euskararen eguna (Abenduak 3) igandea denez, Zeraingo eskolan abenduaren 4ean, astelehena, ospatuko dugu.

Egingo ditugun ekintza desberdinekin, mural bat osatuko dugu eta eskola atarian jarriko dugu.

Azaroaren 15ean, iaz egin genuen moduan, Udazken Festa ospatu genuen Zeraingo San Blas ermitan. 

Jende ugari gerturatu zen bertara ikasleen lanez gozatzera eta gaztainak jatera. 

Eskerrak eman nahi dizkizuegu bertara gerturatu zineten guztioi eta era berean, bideo hau eskeini, gerturatzeko aukerarik izan ez zenuten horiei. 

Azaroaren 2an, Ataungo Jentilbaratza Kultur elkartekoak izan genituen bisitan Zeraingo eskolan. 

Jentilen etorreran erabilitako jantzi eta maskarak ekarri zituzten eskolara eta pertsonaia desberdinen inguruan aritu ziren kontu kontari.

Bisitari amaiera emateko ipuin zoragarri bat entzun genuen Maitane Aizpuruaren eskutik. 

Ikusgai duzue bisitaren laburpen bideoa. 

Ostiralean, Azaroak 3, Beasainen izan ginen Izurde Mutikoa izeneko euskarazko filma ikusten 5 urte eta LH 1 eta 2ko ikasleekin. 

Hementxe duzue ikusgai, Urriaren 31an eskola atarian jarritako dendaren inguruko laburpen bideo bat. 

Mila esker bertara gerturatu zineten guztioi!

Gaurkoan, gau beltza dela eta, eskolan egun berezia izan dugu. Sukaldaritza eta eskulangintza tailerretan pasa dugu goiza, arratsaldean dendan salduko ditugun produktuak prestatzen.

Arratsaldeko 16:00etan, eskola atarian gure lanak salgai izango dituzue. Anima zaitezte eta etorri!!!

ZerainLab-ek gonbidatuta, Mirari Errendosoro , Biomaterialetan aditua den artista etorriko zaigu eskolara azaroaren 2an, osteguna. 

Bertan, hondakin materialen berrerabilpenarekin beste objektu batzuk sortuko ditugu. 

Kimuri tailerra aurkeztuko du eta sorkuntza lanetan arituko gara. Zeraingo gaur egungo ikasleak eta ikasle ohiak hartuko dute parte.  

Proiektua zertan den ikusteko, hemen duzue bideo bat:

https://www.youtube.com/watch?v=wXHYCjhlezY

Hasia da dagoeneko igeriketa ikastaroa. Aurtengoan, irailaren 20ean hasi eta azaroaren 27ra arte arituko dira 1. eta 2. mailako ikasleak igerian.