阿姆，恁仔細，妳摎𠊎買新衫褲，分𠊎著靚靚个去參加語文比賽。

毋過，盡失禮，因為𠊎暢緊張，嗄毋記得稿仔个內容，故所無得到好成績。

無要緊啦，下二擺再過煞猛打拼。阿姆當愛你哦！

阿姆，這隻月屋下會多加一個新成員，你為著這個新成員，無閒這無閒該，當辛苦！

𠊎摎老弟个年紀差十歲，希望佢遽遽大，做得陪𠊎共下搞。

毋過，阿姆，有欸細老弟，你還會惜𠊎無？

當然惜啊！你摎老弟都係阿姆个心肝子。

阿姆，恁仔細！從細到大，無論係食个、用个、著个還係搞个，你都會買分𠊎。

毋過，老妹出世以後，你對𠊎个關心，乜越來越少了。𠊎試著老妹搶走欸你對𠊎个愛。

 憨麻，你兩姊妹都係𠊎个寶，因為若老妹年紀較細，當多事情毋曉得做，故所𠊎愛較細心細義个照顧佢。因為你較乖、較貼心，故所𠊎當放心。

 係係係，𠊎知，妳都係為著𠊎想。阿姆，𠊎愛你！