Ujeeddooyinka mashruuca

Mashruucan wuxuu furayaa fursad lagu wadaagi karo xasuusahaasi iyo sheekooyinkaasi oo lagu soo koobay ereyo kooban. Kuwaasoo noqon kara erey-murtiyeed, gabayo ay alifeen, falcelimo ay ka sameeyeen waxay la soo kulmeen iyo sidoo kale farshaxan ama sawirro ay sawireen. Ujeeddada ugu muhiimsan ee mashruucu waa in la dhiso buundo isku xidha dadka qaxoontiga ah iyo bulshada ay la nool yihiin isla markaana lala dagaallamo cunsuriyadda iyo naceybshiyaha iyadoo la adeegsanayo is-afgarasho, wada-hadal iyo is-faham.

Baaq ka qeyb-qaadasho

Waxay hogaamiyayaasha mashruucan ugu baaqayaan dadka qaxootiga ah ee ku dhaqan meel kasta oo ay ka joogaan dalka Boqortooyada Ingiriiska in ay ka qeyb-qaataan mashruucan. Qofku wuxuu kaga qeyb-qaato waa la magac dhabi karaa ama bilaa magac ayuu noqon karaa. Ogolaansho buuxa ayaa loo baahan yahay si ka-qeyb-qaadashada loogu baahiyo website-ka mashruuca iyadoo la adeegsanayo foomka google-ka ee loo adeegsaday (Nala wadaaga sheekadaada). Qeybaha la xushay ayaa la daabici doonaa, ka qeyb-qaatayaashu way ka noqon karaan ogolaanshaha ka hor inta aan la baahin buugga, balse ma suurto galayso kadib marka la baahiyo buugga. Si aad uga noqoto ogolaanshaha, fadlan kala xidhiidh hoggaamiyayaasha mashruuca halkan, lucia.aiello@york.ac.uk iyo ahmed.khaleel@york.ac.uk.

Faahfaahinta lagala xidhiidhayo qofka iyo waxa uu kaga qeyb-qaateyba waxa lagu keydin doonaa faylal la ilaaliyay, waxa kaliya arki kara hoggaamiyayaasha mashruucan iyagoo adeegsanaya akownadooda ay ku leeyihiin Jaamacadda York. Xogta aanan kusoo bixin baahinta (sida faahfaahinta la-xidhiidhka qofka) waa la baabi'in doonaa marka mashruucu dhamaado. Marka buugga la baahiyo, qeybaha la xushay (kuwa magac dhaban iyo kuwa aan magac dhabneynba) waxa arki kara qof kasta oo iibsada buuggan. Faahfaahinta xidhiidhka qofka kaliya waxa loo adeegsanayaa ujeeddooyinka maamul ee la xidhiidha mashruucan.

Ka-qeyb-qaadashada waxa lagu baahin doonaa iyadoo la adeegsanayo ogolaanshaha aan laga-ganacsan karin (CC BY-NC-ND). Ogolaanshahan wuxuu u saamaxayaa dadka kale in ay la dagi karaan wixii aad kaga qeyb-qaadatay isla markaana waxa ay la wadaagi karaan dadka kale iyagoo sheegaya magacaaga, laakiin waxba kama badali karaan kamana ganacsan karaan. https://creativecommons.org/licenses/by-nc-nd/4.0/

Wixii xogo dheeraad ah ee la xidhiidha sida ay Jaamacaddu u adeegsanayso una ilaalinayso xogtaada gaarka ah, fadlan fiiri Ogeysiinta Sirta Guud ee Jaamacaddu leedahay General Privacy Notice