Eth dia 29 d'abril de 2020 ei prevista era realizacion dera VII Jornada CTM-STEAM des tèrres de Lleida. Enguan, era jornada se realizarà ena Val d'Aran.

Era finalitat ei era d'apropar es sciéncies e era tecnologia entar escolanat damb er objectiu de desvelhar vocacions, curiositat e interès en encastre des STEAM (Sciéncies, Tecnologia, Enginheria, Arts i Matematiques). Cercam:

• Aumentar es vocacions scientificotecnologiques e matematiques especiaument en hemnes e en contèxtes sociaus desafavorits.
• Refortilhar eth procés d’orientacion der escolanat entàs estudis e professions der encastre STEAM en tèrmes d’equitat e en totes es etapes educatiues.
• Milhorar era abilitat entà compréner e interpretar un mon scientificotecnologic e matematic.
• Milhorar era percepcion sociau des airaus STEAM.
• Milhorar era actitud personau der escolanat vers er aprenedissatge des airaus scientificotecnics e matematics.
• Incrementar era aplicacion des metodologies d'aprenedissatge transversau, generadores e veïculares deth coneishement compartit enter desparièrs encastres scientifics, tecnologics, artistics e matematics que fomenten eth pensament critic e era creativitat.
• Promòir era creacion d’aliances enter centres educatius, agents der encastre scientificotecnologic e entorn propèr.