浮冰教學關 攻略
浮冰祠堂最難應該係點樣行過去。因為懶得捉魚同埋射野豬,整唔到可以換防寒衫嘅「魚+肉+辣椒」果味料理,唯有煮5粒辣椒,整個臨時12分鐘防寒效果嘅料理咁啦。
講返冰先,冰可以係水面做一個站立空間出嚟。甚至可以用嚟爬上部分瀑布,其實真係好用到不得了。啊,同時只能夠整3舊,再整嘅話會從最舊果舊開始消失架。
提多一點,浮冰魔法係可以手動消除浮冰嘅。
祠堂嘅第一個謎題好簡單,整塊冰爬上去,搞掂。
用塊冰撐起個閘亦係浮冰嘅另外一個有用嘅解謎方法。連魔王城底部都有呢種機關,到時唔好唔記得呀。
然後前面有個迷你守護者。同樣係冇必要打嘅,不過好煩。
留意下牆上面有個要用浮冰上去攞嘅寶箱。
然後將一塊冰塞落個好似搖搖板嘅機關度,然後行上上面,直行轉右。
收工。