新手區攻略

一開遊戲，你會發現主角林克（亦即係你）係一度空溜溜嘅房入面醒咗，您可以係呢個空間裡面先學習遊戲嘅基本移動同埋鏡頭調整操作。

冇乜問題嘅話，就行到紅圈個台度，拎起部Nintendo Switch Wii U Gamepad Sheikah Slate。然後前面道門就會開。

前面間房有兩個寶箱，可以攞到一套衫褲。喺呢間房你可以嘗試下點樣將啲嘢搬來搬去推嚟推去。

玩厭咗，好似頭先一樣，行去前面個台度解鎖機關，芝麻開門。

然後你可以試下點樣跑跑跳跳，同樣，覺得OK喇就向前行，出山洞，入標題畫面。

然後你可以跟住上面條紅線搵路人講嘢，唔講亦得。

係呢個世界跑跑跳跳咗一陣以後，把謎の音會叫你打開地圖，行去地圖嘅某一個點。

好似咁樣行過嚟以後，開著個台，然後成個世界嘅塔就會全部飆起晒！以後每爬到塔頂開著個台，都會好似呢個咁load成個區嘅地圖比你。

之後，當你成功咁落返地面以後，個老人就會用滑翔傘飄～落嚟。

佢會話你知用滑翔傘係離開呢個新手區嘅唯一方法。

想攞？佢會叫你去就近嘅祠堂，破咗佢先講。

你可以喺左邊兜過去，亦可以直接游過去。

入到祠堂，首先去個台度拎新能力，然後就一邊解謎，一邊試下點用啦。

解謎完出返嚟之後，個阿伯又反口，要你解埋新手區剩低果3個祠堂先至肯俾滑翔傘你。

佢建議你可以去返塔頂，用Sheikah Slate嘅望遠鏡功能，mark低果3個祠堂嘅位置。

地圖裡面所有着咗嘅塔同埋祠堂都有傳送點嘅功能，您可以係包括野外戰鬥途中嘅任何時候轉移到任何傳送點。

而望遠鏡+mark功能你亦會係成個遊戲流程裡面經常使用，如果唔急嘅可以試下點樣用。

上：磁力 教學關 (頭先過完)

右：炸彈 教學關 (小心門外嘅殘廢守護者)

下：鎖 教學關

左：浮冰 教學關

左邊既浮冰教學關位處冰點以下地區，如果乜都唔準備係落雪地區係會不斷扣血嘅，而解決方法有三個：

→ 拎住火把 (熄咗就冇)

→ 食辣料理 (唔係材料)

→ 著禦寒衫 (阿伯有件)

拎住辣椒係個有火嘅料理盤上面就可以煮辣料理喇。

過晒四個祠堂之後，老人會叫你係四個祠堂嘅交叉位度搵佢。亦即係…

時之神殿遺跡！神殿入面同埋以後遊戲裡面遇見嘅女神像都可以幫你以4個打通祠堂攞返嚟嘅orb換1滴血或者0.2條體。成個世界總共有120個祠堂，所以以後仲有好多機會用到架。

至於阿伯係邊呢？原來喺屋頂。神殿左邊有條梯，可以爬得快啲。

阿伯已經喺個閣仔等緊你喇。

劇情講完，終於拎到滑翔傘喇，新手教學亦正式結束，跟住落嚟就係你嘅故事鳥。

您可以直接衝去打最終Boss，你亦可以跟住阿伯建議去東面嘅村仔度繼續聽劇情，您可以留係新手區度探索多一陣，你亦可以乜都唔理係個世界度亂行一通。一切都係你嘅自由。

而呢個新手區攻略亦已經結束喇，希望各位可以享受到呢個遊戲嘅樂趣啦。