НҮБ-ын Боловсрол, шинжлэх ухаан, соёлын байгууллагаас жил бүрийн 11 дүгээр сарын 3 дахь долоо хоногийн Пүрэв гарагт уламжлал болгон тэмдэглэдэг Дэлхийн философийн өдрийг тохиолдуулан МУИС-ийн Философи, шашин судлалын тэнхим, ШУА-ийн Философийн хүрээлэн, МУИС-ийн Философийн салбарыг төгсөгчдийн холбоо хамтран “Ирээдүй, энх тайвны төлөөх философийн дуу хоолой” сэдэвт эрдэм шинжилгээний хурлыг зохион байгуулах гэж байна.

Өнөөгийн дэлхий дахинд өрнөж буй геополитикийн хурцадмал байдал, хиймэл оюун ухаан, технологийн үсрэнгүй хөгжил, уур амьсгалын өөрчлөлт, олон нийтийн талцал, туйлшрал зэрэг олон талт сорилт нь хүн төрөлхтний ирээдүй, хамтын оршихуйн үндэс суурийг ахин эргэцүүлэхэд хүргэж байна. Ийм цаг үед асуудлыг гүн гүнзгий шинжлэн судлах, мөргөлдөөн, үл ойлголцлыг рационал яриа хэлэлцээгээр шийдвэрлэх, ирээдүй үеийнхний өмнө хүлээх ёс зүйн хариуцлагаа тодорхойлоход философи сэтгэлгээ чухал үүрэгтэй.

Тус хурал нь зөрчил, тэмцэл, энх тайван, эв эеийн тухай ойлголт, туршлага, олон ургалч үзэл, технологийн эрин дэх хиймэл оюун, биотехнологи, хүний эрхэм чанар, экологийн хямрал, тогтвортой хөгжил, ирээдүйн ёс зүй, дижитал шилжилтийн үе дэх нийгмийн итгэлцэл, глобал шударга ёсны талаарх асуудлыг философийн онол-арга зүйн үүднээс хэлэлцэх академик орон зайг бүрдүүлэх зорилготой.

Энэхүү хуралд эрдэмтэн, судлаач хэн бүхнийг шинэлэг судалгаа, бүтээлч санаагаа хуваалцан оролцохыг урьж байна.

Хуралд оролцогчдын мэдүүлэг, хураангуйн хүснэгт: