Guida WiiWare · Com pogui installar es traduccions?
Embedded Files
S'auetz de besonh ajuda damb quinsevolhe causa dera guida, non dobtatz a junher-vos ath servidor Discord deth projècte.
Aguesta guida vos indicarà coma installar traduccions des jòcs WiiWare e des canaus Wii en foncion der entorn e era plataforma que ajatz.
Causitz eth metòde que mès vos agrade:
A. En ua Wii o Wii U
Damb aguest metòde, crearam un fichèr WAD (un canau en format de fichèr) damb era traduccion que podetz installar ath menu Wii dera vòsta Wii o Wii U.
Requisits:
Ua Wii o Wii U modificada damb eth canau Homebrew. Se non ac auetz hèt, ei 100% segur e era melhora guida entà hè'c ei wii.hacks.guide.
Ua carta SD (o unitat USB) formatada a FAT32. Er espaci liure de besonh depen dera mesura deth jòc/canau.
Un logiciau homebrew que pòt installar fichèrs WAD ara consòla. Recomanam YAWM ModMii Edition, mès se n'auetz un aute coma WiiMod Lite, tanben podetz emplegar-lo. Totun, aguesta guida, mostrarà coma hè'c damb eth prumèr.
Un fichèr WAD deth jòc o canau (verificatz era pagina dera traduccion entà veir se n'i a ua version especifica que auetz de besonh).
Nòta: Entàs canaus de jòcs, coma eth canau Mario Kart, solament auetz de besonh un fichèr WBFS o ISO deth jòc.
Un ordenador damb Windows.
Comencem!
1. Telecargatz era traduccion que voletz jogar e extretz eth fichèr .zip.
2. Un còp extrèt, plaçatz un fichèr WAD originau dera version europèa (PAL) deth jòc o canau ara madeisha carpeta.
Nòta: Podetz obtier-ne un en tot extrèr-lo dera memòria dera vòsta consòla. Per obtier mès informacion sobri coma hè'c, consultatz aguesta guida.
Nòta 2: De nau, entàs canaus de jòcs, coma eth canau Mario Kart, alloc d'açò, auetz de besonh un fichèr WBFS o ISO deth jòc.
3. De contunh, dauritz eth fichèr .bat e demoratz. Quan aurà acabat, i apareisherà un nau fichèr WAD deth jòc, aguest damb es tèxtes tradusidi.
4. Introdusitz er aparelh SD o USB ath vòste PC e copiatz-i eth fichèr WAD. Ath delà, se non l'auetz, telecargatz eth YAWM ModMii Edition (ací), extrè-lo e copiatz-lo ara arraïtz dera carta.
5. Extrètz er aparelh der ordenador e introdusitz-lo laguens era Wii. De contunh, començatz era Wii.
6. Començatz eth canau Homebrew. Seleccionatz eth logiciau YAWM ModMii Edition e cargatz-lo.
7. Seleccionatz er aparelh que utilizatz e premetz A.
8. Desplaçatz-vos pes fichèrs der aparelh enquia que i trobatz eth fichèr WAD.
9. Ara seguida, moiguetz-i er indicador e premetz eth boton A, e dempús eth boton A de nau. Demoratz que finalize era installacion.
Nòta: S'obtietz un còdi d'error, provatz de suprimir-lo damb eth boton 1. S'encara non foncione, asseguratz-vos que i age pro espaci ara memòria dera Wii.
10. Premetz eth boton HOME e tornatz ath menu Wii. Eth jòc WiiWare o canau li calerie èster-i ara.
B. Damb er emulador Dolphin
Damb aguest metòde, crearam un fichèr WAD (un canau en format de fichèr) damb era traduccion que podetz cargar damb er emulador Dolphin.
Requisits:
Era darrèra version beta der emulador Dolphin. La podetz telecargar ací.
Un fichèr WAD deth jòc o canau (verificatz era pagina dera traduccion entà veir se n'i a ua version especifica que auetz de besonh).
Nòta: Entàs canaus de jòcs, coma eth canau Mario Kart, solament auetz de besonh un fichèr WBFS o ISO deth jòc.
Un ordenador damb Windows.
Comencem!
1. Telecargatz e configuratz er emulador Dolphin.
2. Telecargatz era traduccion que voletz jogar e extretz eth fichèr .zip.
3. Un còp extrèt, plaçatz un fichèr WAD originau dera version europèa (PAL) deth jòc o canau ara madeisha carpeta.
Nòta: Podetz obtier-ne un en tot extrèr-lo dera memòria dera vòsta consòla. Per obtier mès informacion sobri coma hè'c, consultatz aguesta guida.
Nòta 2: De nau, entàs canaus de jòcs, coma eth canau Mario Kart, alloc d'açò, auetz de besonh un fichèr WBFS o ISO deth jòc.
3. De contunh, dauritz eth fichèr .bat e demoratz. Quan aurà acabat, i apareisherà un nau fichèr WAD deth jòc, aguest damb es tèxtes tradusidi.
5. Aguest fichèr WAD se pòt cargar damb eth Dolphin, podetz esborrar era rèsta des fichèrs. Gauditz-ne!
Google Sites
Report abuse