Die Wapadrand Boeredansgroep bestaan uit leerders van Graad 6 tot 12 wat met trots die verskillende boeredansstyle beoefen as deel van ons Afrikaner kultuurerfenis.
Die groep is in 2004 deur Danette Smith gestig, wat met haar passie en entoesiasme kinders inspireer om ons lewende danskultuur met selfvertroue te beoefen en te vertoon.
Saam met haar span word jong dansers bemagtig om kultuur nie net te bewaar nie, maar ook te laat groei.
Boeredanse is 'n ouer dansvorm as Volkspele en bestaan uit die passies wat gedans is met sosiale geleenthede soos 'n bruilof en elke paartjie kon die musiek vrylik interpreteer.
Hierdie passies is geneem uit verskillende danse met Europese wortels wat aan die Kaap gedans is en verder die binneland ingedra is.
Die geleentheid en wat beskikbaar was het die kleredrag bepaal.
Volkspele het ontwikkel uit 'n behoefte om georganiseerde spele as vermaak te vestig veral by pieknieks.
Soos met enige speletjie is daar dus reëls in hoe dit gespeel is.
Die kleredrag wat vandag steeds gedra word is gebasseer op die Groot Trek era.
En seker die grootste verskil is dat daar met Volkspele saam gesing word deur die deelnemers waar met Boeredanse soms lede van die orkes sou sing.
Die Wapadrand Boeredansgroep is vir kinders Gr 6-12 wat hul passie en kultuur wil uitleef.
Die Lekkerdraai Boeredansgroep is spesiaal vir volwassenes wat ook graag wil saam dans.
Kontak inligting is op hul sosiale media blaaie beskikbaar
