Poems
सुस्केरा विसाउने थलो
यहाँ यस्तै छ... लेखकः डा. खगेन्द्रराज सापकोटा
१) यहाँ,
बर्षातको याममा
चउरभरि छरिएर उम्रिएका
पाते च्याउका बोटहरु झैं
व्यापारिक संस्था उम्रिएका छन् ।
बोटमुनि तप्कनीले
घाँसे झारहरु डढेर
मर्माहत बनेका छन् ।
२) यहाँ,
बनको राजा सिंह बनेर
गर्जदै ताऊमारे झै
गगन चुम्बी सदनबाट
गर्जीरहेछन बाघमुखाहरु,
चर्को न चर्को
पीरो न पीरो
गर्जाइको कारणले झस्किएर, भस्किएर
गाई र हरिणहरु गर्सिएका छन् ।
३) यहाँ,
पोखरी भित्रको इकोसिस्टममा
मत्स्य न्याय चले झै
न्यायालयको कुण्डभित्र
अर्थबाद र आफन्तबाद चल्दछ,
बिद्या कुशल भनाउदाहरुबाट
भुराहरु न्यायमा पिसिएर
वेदनाको छालमा हुत्तिएर
पीरको ज्यालामा जलिरहेछन् ।
४) यहाँ,
एउटा जड्याहाले
हुस्कि र ब्राण्डिको भरमा
मदमत्तमा नशा उत्रेर
झल्मलाउँदै कराएझै,
सत्ताको कुर्चि अड्याउनेहरु
रौं चिर्ने आश्वासनको भाषण दिन्छन्,
नशा लागेपछि
शुक्का प्यालामा
सेवकहरु ठगिएका छन् ।
५) यहाँ,
प्रत्येक आयोगहरुमा
भर्नाको सूचना बोकेर
आउँछन तिउनचखुवाहरु,
रातीराती उड्ने जुनकिरीझै
अन्र्तवार्तामा आशाको पोको बोकेर
आशातित चौकिदारहरु बस्छन्,
झिप्प झिप्प गर्ने जुनकिरीको उज्यालोमा
अदृश्य बनेर
भुसुनाहरु हराउँछन् ।
पढिदिनु भएकोमा तपाँइलाइ सादुवाद छ।