სწავლის უნივერსალური დიზაინი (UDL) სწავლა-სწავლების ისეთი მიდგომაა, რომელიც ყველა მოსწავლეს წარმატების თანაბარ შესაძლებლობას აძლევს.

USAID განათლება მომავლისთვის პროგრამის ფარგლებში დაგეგმილი აქტივობები მოქმედი თუ მომავალი მასწავლებლებისთვის, სკოლის ადმინისტრაციის წარმომადგენლებისა და საგანმანათლებლო ლიდერებისთვის, სწავლის უნივერსალური დიზაინის პრინციპებს დაეფუძნება, რათა ხელი შევუწყოთ თანასწორი სასწავლო გარემოს ფორმირებას, სადაც ყველა მოსწავლეს თანაბრად შეუძლია განვითარება და საკუთარი პროგრესის დემონსტრირება მიუხედავად მათი ასაკის, სქესის, წარმომავლობის, ენობრივი თუ საგანმანათლებლო საჭიროებებისა.

USAID განათლება მომავლისთვის პროგრამის პარტნიორი უნივერსიტეტების, განათლების ადმინისტრირებისა და მასწავლებელთა მოსამზადებელი საგანმანათლებლო პროგრამების პროფესორ-მასწავლებლებისთვის სწავლის უნივერსალური დიზაინის (UDL) შესახებ სამუშაო შეხვედრები გაიმართა 17-25 იანვარს.

შეხვედრებს უძღვებოდა ამერიკის შეერთებული შტატების არიზონის სახელმწიფო უნივერსიტეტის, მარი ლუ ფულტონის განათლების სკოლის, ასოცირებული პროფესორი და სამაგისტრო პროგრამების მიმართულების დირექტორის მოადგილე ელიზაბეტ ფრიასი.