Laguntzeko ardura irakasle-taldearena da eta, bereziki, tutorearena:

• bere taldeko ikasleen orientazioa, pertsonala, akademikoa zein profesionala
• taldeko irakasleen koordinazioa
• familiekiko / legezko tutoreekiko komunikazio arina.

Lan guzti horietan tutoreak orientatzailearen laguntza izango du eta baita zuzendaritza taldearena ere.

Tutoretza plan honetan ikastetxeko tutoreen esku-hartzea jasotzen da.

Helburuak 

Tutoretzaren bitartez lagundu nahi ditugu gure ikasleak bizitza-proiektua eraikitzeko beharko dituzten konpetentziak eskuratzen. Horretarako lana egin behar dugu ondorengoa lortzeko

ikasleekin, bai taldean bai banaka

• taldean eta ikastetxean integratzea eta lankidetza eta elkarren arteko laguntza eta besteekiko errespetua sustatzea
• ikasketa prozesua jarraitzea eta, behar izanez gero, laguntza bideratzea
• erabakiak hartzeko prozesuetan laguntza ematea

irakasleekin

• ikasleei buruzko informazioa partekatzea eta zailtasunak aurreikustea
• ikasleen beharrak aztertzea eta erantzun koordinatuak proposatzea
• ikasleen jarraipena egitea eta ebaluazioa koordinatzea

familiekin eta beste eragileekin

• ikastetxearen eta etaparen informazioa ematea
• haiengandik familia inguruko informazioa jasotzea
• ikaslearen hezkuntza prozesuaren berri ematea eta bide beretik lan egitea
• une erabakigarrietan aholkua ematea

Ikasleen konpetentziak

BHko beste arlo guztiekin batera, ikasleen oinarrizko konpetentzien garapena bultzatuko dugu tutoretzan ere, ikasleak gai izan daitezen norbera izateko, gainerakoekin bizitzeko eta egoki komunikatzeko, eta ikasten ikasteko, pentsatzeko eta ekiteko.

Konpetentziak tutoretzan

• Nork bere burua ezagutzea eta onartzea, norberaren balioespen positibo eta errealista garatzeko.
• Arrisku portaerak identifikatzea, osasunerako kaltegarriak izan daitezken erabakietan kontuan hartzeko.
• Jolasean eta lanean errespetuan oinarritutako harremanak izatea eta norberaren emozioak egoki kudeatzea, elkarbizitza positiboa garatzeko.
• Eskolako lanetan nahiz eskolaz kanpoko jardueretan proposamenak luzatzea, arauak errespetatzea eta erabakietan inplikatzea, eskola-komunitatean parte izateko
• Gizarte bazterkeria gertaerei buruz norbere ikuskera azaltzea, kalteak sortzen dituzten gizarte egoeren aurrean kritiko agertzea eta justizia, berdintasuna, bakea eta elkartasuna bezalako balioei garrantzia ematea.
• Ikasketen prozesua eta emaitzak aztertzea eta hobetzeko aldaketak proposatzea, behar denean.
• Norberaren ezagutza, aukera akademikoak, errealitate soziolaborala eta etorkizuneko proiektu pertsonala aurreikustea, etapen bukaeran erabakiak hartzeko.

Tutoretzan ikasleekin landuko diren eduki-multzoak

Garapen pertsonala

• Norberaren ezagutza, onarpena eta zaintza
• Hezkuntza afektibo-sexuala
• Hezkuntza emozionala
• Balioak

Besteekiko harremanak

• Elkar ezagutzea
• Talde antolatzea
• Jazarpenari aurre egitea
• Desberdinak gara
• Hezkidetza
• Sare sozialak
• Giza eskubideak

Ikaskuntza prozesua

• Antolamendua eta planifikazioa
• Errendimendua eta emaitzak

Orientazio akademiko-profesionala

• Norberaren ezagutza
• Lan mundua
• Ibilbideak aztertzea
• Informazioa bilatzea: ikasketak, lanbideak, aisia...
• Oztopoak gainditzea
• Erabakiak hartzea

Plangintza

Ikasleekin

Tutoretza saioen oinarrizko programazioa ikasleekin adostu dugu, haien proposamenak aztertu ondoren. Hala ere, beti egongo dira aurreikusi gabeko gaiak eta asteroko koordinazio bileretan zehaztuko ditugu horiek.

Taldearekin lana egiteaz gain, banakako elkarrizketak ere oso garrantzitsuak dira zenbait unetan.

Irakasleekin

Ikasturtean zehar tutoreak taldeko irakasleekin koordinazio bilerak izango ditu, bai taldearen eta bai ikasle bakoitzaren jarraipena egiteko.

Orientatzailearekin

Maila bereko tutoreek asteroko bilerak izango dituzte orientatzailearekin, tutoretza lana koordinatzeko.

Familiartekoekin

Gurasoekin, edo legezko arduradunekin, zenbait bilera izango ditu tutoreak kurtsoan zehar, elkarrekin lan egiteko.

Beste eragilekin

Orientatzailearen laguntzarekin koordinazio bilerak izango ditu tutoreak zenbait gizarte eta osasun eragileekin kasu berezietan eta beharren arabera: udaleko eta foru aldundiko gizarte zerbitzuak, psikologoak, hezitzaileak, aholkulariak…

Aurreikusitako bilerak DBHn

Aurreikusitako bilerak batxilergoan