١٧ سبتمبر ٢٠٢١

مشاهد اللي فارق مش بتفارق...كتمان زعلي جوايا شوايا مهنش عليها تفضل ويفضل صوتها وابتسامتها وحضنها الدافي ليه اشوف المشاهد كامله قصاد عيني تترسم من تاني يا امي انت وحشاني

١٠ سبتمبر ٢٠٢١

متصنع الود مفضوح من عيونه إياك تفتكر دفنك لداخلك ليا ناتج عن ذكاءك او غباء مني حقدك الناتج عن قله حيلتك وضعف نظرك ليا نتج عنه تصنعك..

خساره نقاء قلبي ليك هتفضل في قاع القاع لحد ماتموت أما بالنسبه ليا ف انت ميت.

٢ يوليو ٢٠٢١

أمك اللى انت مش حاسس بقيمتها دلوقتي لما تروح منك هتلعن اليوم اللي جيت فيه نتيجه بهدلتلك وفقدان نعيم عطائها عليك.

٢ يوليو ٢٠٢١

محدش حبني قدها كنت اتمني متروحش مني مكنش حد بيحبني غيرها من يوميها وانا الوحدي قال اي هتتخطي الموضوع لوحدك مش لازم يكون حد معاك....

اتخطيتها ونتج عنها سلوكيات وحشه واحساس تجاه الناس وحش جدا وان قد اي سلوكيات الناس مقرفه مادية حقيرة

٢٩ يونيو ٢٠٢١

هتفضل ماسك لسانك كتيرع العك ده

*لو اتكلمت محدش هيسمع محشور جواهم بذور افكار سامه تيار فكرى مقصود انت جبان خايف تاخد الخطوه تتهاجم

*اخرس ي حيوان من امتي بيفرق معايا... اللي فارق لساني وقدر السخرية...الانسان بطبعه مبيحبش تقوله انت غلط

٢٨ يونيو ٢٠٢١

- طموحك جاحد ي اخي

*الحياه جاحده لو شافتك ضعيف هتهينك

- مش لدرجه إنك تتنازل عن العادات

*ملعون اي حاجه تعطلني مهما كانت.انا الاقوي والله من وهبني تلك القوي كان كل ما فات هو تمرين لكي اكون من اكون الآن 

١٣ يونيو ٢٠٢١

*شيفاك متحاوط بهاله طاقة تخوف.

-المعاناة مادة خام لشحني واديكي شايفه وضعي

*حاسه إن ده هيسببلك الألم

متخدر بسواد طاقتي لو اتكسرت ضلوعي مش هلاقي الألم

٩ يونيو ٢٠٢١

سلم نفسك ليا مقدمكش حل

كل اللي حواليك قل

أنا اللي هعلمك عظمة حضورك

أخاف استجيب اتشد ف مستنقع سواده اتصبغ بلونه... أسلوبه لو واعي ليه هتعرف مدي براعته.

صدقت ف كلامك شاور عقلك هنشل من خرابك هخليك فوق السحاب.

أنت كداب

٦ يونيو ٢٠٢١

اعتراف ما بعد منتصف الليل.

بقالي مده بيراودني شيطاني لاكتر حاجه مش بحبها "الانتحار" لاني شايفها ضعف.

لوحدي بقاومه والحياه بتزين الفعل ليا بلغت بشاعة وضعي لا تحتمل بكل ما تحمله من معني. متعودش أكون مستسلم لوضعي جايز اكون فوقت اكتر او زادت البشاعة.

ويجي من ناحية أنت فشلت بعد كل محاولاتك فشلت ف تعليمك شغفك مواهبك حتي عاطفياً فشلت واجتماعيا كذلك بردو اي حاجه هتقولي نجحت فيها تبقي كداب فاضلك كام يوم ويبقي عندك ٢٥ سنه ي فرحتي بيك عملت اي ولا اي حاجه مهمه.

٥ يونيو ٢٠٢١

اتهوي الرقص ع إيقاع الحزن!

*نعم إنه متعة جبارة تنساب اعضاء جسدي ف حركات بطيئة مشحونه بمقدار هائل من الطاقه اكاد اشعر أنها تتحرك دون ان اعطي ليها اشاره بذلك.

انع أنت...لكن ينقصك الحكم المزيد من الفهم أكاد أجزم أنني لم أصل بعد الي ما يشبع رغبتي ف الفهم

لن يحدث ذلك آبدا لكن ابقي صامداً ف الطريق صعب لم يعبره سوى القليل حتي الآن.

٣ يونيو ٢٠٢١

لم أعد كما كنت من ساعه منذ ساعه كنت امتلك فكره عائمه الآن انا عائم ف الفكره...

٣ يونيو ٢٠٢١

نتجدد طاقتي عندما يزداد الضغط..ربما تخطي الفهم وربما التطبع هو ما يغلب الطبع....في النهايه أنا مشتعل حد الانفجار عندما يتعلق الأمر بما أريد فعله.

٢٣ مايو ٢٠٢١

عمق الكلمه محتاج ادراك غير واعي لعدم تعارض الفكره اللي بتقراها للفكره المحفوره جواك...يستحيل ادارك وإدراج فكره محل اخر عكسها اللي بالدم.....تقدر تتهجم ع بيت وصحابه يسيبوه ويمشوا عادي كده

٢٢ مايو ٢٠٢١

ضغط الهليسه عملنا هريسه

جرب تشوف الفرق بين السامع من عدمه هتلاقي السامع بهتان فكر هش دون مبدأ قوي مترتب عدمه يوعيه فيدفنه بدل مايفوق ومع الوقت هتتلحس الدماغ وتسئلهم فوق يقول المخدرات عامل اول محدش شده كل واحد يعمل ما بده.

١ مايو ٢٠٢١

المشهد الاول ٢٠٠٢

في ظهر اخر ايام الامتحانات كنت حين ذاك في السادسه من عمري وقد وصلت البيت بعد اخر امتحان لي فأجد امي الغاليه وهي جالس بجوار شوال من الخيار المكسر وفي يديها السكين وتنظر لي وتبتسم فتقول:

مبروك باسمكه اخدت الاجازه

...... 

١ مايو ٢٠٢١

قعدت قولت هترخ الاحداث بينا عشان تتحكي للي يشوفها...لو تشوفها زي ما انا شايفها تقول ربك في العون يديك قوه قلبك يستحمل فتح دوالييه وضلمه سراديبه.

٢٩ ابريل ٢٠٢١

بستغرب جدا لما يطلع واحد بتاع بوم طحن قال اي بيقولوا عنه فنان ويقولك تاريخي شهدلي...معلش تاريخ اي!

لا بجد والله بياعين اللي اسمه فن بقا ليهم تاريخ & وقال اي بيسجد ف قلب المدعره اللي عاملها لربنا ي.

اي القرف ده!.

مش مستوعب فكره إنك بتعصيه وفي نفس الوقت بتشكره!

موضوع غريب جدا شاغل دماغي جدا ومش عارف اي ده!

٢٩ ابريل ٢٠٢١

بترقص ليه

-فين ده معاكي قاعد ولا اتحركت

لا بشوف إنك بترقص بالكلام بتلحنه بشوفك بترقص ف كل حاجه بتعملها

-انتي سكرانه ولا اي € انت هتستهبل ولا اي

ياستي حقك عليا أنا اللي سكران...مش برقص بس بلحن حياتي انا بحب الحن كل حاجه بيبقي ليها ايقاع ومعني

-انت غريب

١٩ ابريل ٢٠٢١

اسئله بصوت عالي

اي هو الفن؟هل الفن يشمل معاني الاشياء! طب هل الفن مفيهوش حلال وحرام زي ما البعض بيقول:

بلاش كل ده هل اللي اسمه فن بالنسبالنا فعلا فن! طب الفن ده بيجي منين؟

هل الفن مورث ام مكتسب! هل محصله الفن ماديه باحته ف شي متشاف!

هل كل ما يتم صنعه تحت مسمي الفن فعلا فن !

١٨ ابريل ٢٠٢١

أنا خايفه عليك اللي كانوا شبهك نهايتهم كانت حزينه جداً مش مهم ع الاقل مش هشوفها

١٢ ابريل ٢٠٢١

عظيم جدا قدرت تنسي موتها وبتتعامل عادي مبقتش حزين

*مين قالك أنا حزين اهدي بكتير جدا من العادي انا حزني قايم ع ابتسامه كل ما حزني إد كل ما ابتسامتي زادت كل ما عطاء الحب ليا بيزيد....فاقد الشي يعطيه بغباء..انا معادلة صعبه اعظم الناس متفهماش.

انت كده مجنون مغرور فاكر نفسه فوق البشر

*انا ابسط من فلسفتك الرخيصه

١٢ إبريل ٢٠٢١

عُمق لاوعي جحيم بخاف انزله يطلعلي يقولي متخفش أنا بشفق عليك من جحيم وعيك المتشاف جحيمي ارحم انزل متخفش

١٠ ابريل ٢٠٢١

غذائي حب مش اكل....اللي كانت بتديني الحب ماتت طب قولي اعيش ازاي!

٨ ابريل ٢٠٢١

دوائر مُحرمه 

تعرف أنت محترف ومبهر جدا في احتزال نفسك جوه العفريته دي ليه متحاولش ترجع تاني شايف إنك قوي ومقنع جدا

انتوا بايعين السم وانا اللي بعمله فاكر نسيت الجمله دي ولا ا 02 لا منستش طبعاً كان رد قاسي ونرجسي منه ساعتها حب يمجد فيك نفاك.

-بالظبط بعدها مشيت ومش راجع تاني ولو رحعت هيكون في مطبخي الخاص خساره تسيب نفسك كده فاكر كانوا بيقولوا عليك اي نسيت الصراح 

٢٦ مارس ٢٠٢١

موقفتش لحظه تشوف إنعكاس حياتي في قالب معاملتي معاها...كان عادي جدا تكسرني لاجل رضا شيطانها ومكنش عادي إني احارب حياتي لاجل تشوف قالب معاملتي .

دفعت مجهود جبار مضاعف مره لاحتوائي ليها ومرات لاحتوائي ليا...

تقريباً العيب فيا

٢٥ مارس ٢٠٢١

شخصك مليان غرايز هيتحكم فيك أوقات لاوعيك. شرارته كفيله تنور مجره هتتحكم فيه هتكون انت المجره.

٢١ مارس ٢٠٢١

إنه الخامس والخمسين سيدتي...

أُفتقد كل ما كنتِ تفعلين لأجلي وأبكي من فرط اشتياقي وحنيني إليكِ...ستظل أمي بي سيده العالم.

٥ مارس ٢٠٢١

وإذ فجأة ادخل البيت أنادي وأقول أمي عامله اي .... وإذ أجد أبي يبكي جراء كلماتي ف تذكر إنها قد مات. فاقف مكاني كأنني ميت ويبدأ وجهي يبتسم وعيناي تبكيان.

٤ مارس ٢٠٢١

فترات ولا فراشات 

هل في ناس بتعوض ناس!

طب هل احنا فترات فعلا؟

يعني اي فترات دي!

مصلحه مثلا؟.... طب السؤال المهم

هل إحنا بننسي فعلا!!!

بلاش كل ده

بنقول الكلام دون طعم لا عارفين معناها ولا حتي بنتعب نفسنا عشان نفهمه..... ترند اركبه سلبيه باحته بدون وعي وفي الآخر نقول معدش في ثقه ليه معدش حتي يستاهل

طب انسي كل الكلام ده.

لو كلنا قولنا كده هيبقي مفيش

فترات اصلا.

الاش تقول من غير ما تفكر. ومتنساش تفكر قبل ما تتطلع.

٤ مارس ٢٠٢١

عارف محدش عارفك غيري دلوقتي عرفت ليه كنت دايما بتقول انا اللي اسمح للشخص إنه يعرفني لو يستحق،

*مش حكايه اسمحله بحب حياتي تبقي حره اكتر هاديه أكتر محيطي الشخصي ليا كامل الحريه في اختار الناس اللي تبقي جواه.

طب انا جواه

ـ أنتي جوايا

٤ مارس ٢٠٢٢

مثير للضحك

٣ مارس ٢٠٢١

سؤال جوهري

هل الانطباع اللي انت واخد عن شي معين فعلا!

طب هل حكمك علي فصيله معينه فعلا صح زي ما بتقول ولا نتيجه تجربه معينه حكمت حكمك!

اصلا ده نوع من انواع الظّلم ليك والشخص.... قيس القاعدة دي ع كل عادات وانطباعتك وسلوكياتك احتمال تفرق معاك جداء

٣ مارس ٢٠٢١

ما بين الانتباه و اللاوعي جوهر العقل شرارة الأفكار نور الطريق وربما الطريق نفسه

٢٧ فبراير ٢٠٢١

الشهر عدى من غيرها تقيل وبايخ وماسخ....لا في ضحكه من القلب ولا حتي سلام تاسس إن قلبي في حرب ما بين فراقك واشتياقه ليكي وحشاني جدا معاليكي (

٢٧ فبراير ٢٠٢١

الموسيقى هي جنون الإيقاع إنسياب الأفكار إختذال العالم من العدم... هي مُحرك الغرائز العفويه هي هدوء العقل وضجيج الانفعالات

الموسيقي هي أخطر المؤثرات علي وجه الأرض

٣ فبراير ٢٠٢١

وسع المكان طيفها داير يحوم قصادي... حرام عليك كفايه ورايا ف كل حته قاصد توجعني

٢٩ يناير ٢٠٢١

هي ماتت وأنا من دفن

أمي كانت كمرسي السفن

١٧ يناير ٢٠٢١

أمي بتموت قدام عيني ومبقتش عرفاني مالي بضحك ليه تقريبًا السكينه سرقاني

٧ يناير ٢٠٢١

أجلس في محيط بعيد أسود وابدا بالصراخ كمن حُكم عليه بالإعدام ظُلم او كمن ضاعت أراضيه فلم يجد احداً معه فتاه

٥ يناير ٢٠٢١

حتي هذه اللحظة هي لم تعلم أنني كنت اراقبها كما يراقب الأب إبنته... هي تستحق كل ما بُذل في سبيل سعادة الآخرين كنت اخشي عليها مني انا سئ في كل أحوالي وهي اجمل في اسوء حالاتها

٣ يناير ٢٠٢١

*اري أنك لا تري سوي السعي إلي ما تريد

-إذ لم يرق لك ذلك تستطيع أن ترحل أنت لا ولن تعلم ما يدور في عقلي وأيامي وحتي لو علمت لن تفهم أنت تحب المرح وأنا من يصنع المرح

*لكنك ياصديقي دائماً حزين انا أخاف عليك فقد تموت يوماً

-ألم أقل لك لن تفهم انت تري ما تريد أن تري

*لم أفهم ما ترمي إليه

• انت تنظر إلي خارج الجسد وذلك خطأ عليك أن تنظر جيداً لمن تقول هذا الكلام لكن أنت كثير الصمت شارد الذهن تائه الاتجاه

• ربما صحيح ما تقول لكن سأظل أحاول جاهداً في سبيل قدري الذي لا أعلمه ولكني واثق في ربي وهذا كافٍ جدا

٣ يناير ٢٠٢١

*هدوس علي اي حاجه تعطلني

-قلبك ضعيف مش هتعرف

*انا اتغيرت وهتشوف

-كداب كان المفروض تقول انا بقيت ادوس ع اي حاجه بتعطلني

*وهيفرق اي

-الاولي احتمال والتانيه فعل وبدون قصد غير واعي قولت الاحتمال

*انت بتحرق دمي ليه

-بساعدك تخليه فعل مش احتمال