٢ نوفمبر ٢٠٢٠

الواحد وصل لمرحله إنه بيتكلم مع ٧ أشخاص جواه لدرجه خايف اكون ملبوس ولا حاجه

-اقولك السبب استني ده ناتج عن حاجتين اول حاجه الضغط تاني حاجه قلت المشاركة وانطوائيتك الاوفر

ما هو انت من ال ٧ دول ارحمني يعني انت اللي هتحللي المشكله ما انت منها بردو

-ماهو أن قلتلك السبب لو شاطر قول العلاج ومتقوليش إنك تتسحل في الشغل والجو الضيق ده

*ع فكره هو عنده حق مفيش علاج ..... متيجي ناكل انا جعان.

ي جدعان حرام بجد

+ اي ياض مالك انت بقيت طري كده ليه متنشف ف اي قالك مفيش علاج = اي ي طاطا مالك بس تعاله اقولك مش انت بتحب تقعد لوحدك

= وبتحب تعمل كل حاجه لوحدك

=خلاص احنا بنونسك ي صاحبي

بس انا كده ممكن اتجنن بجد

-+= ممكن 

١٨ سبتمبر ٢٠٢٠

اكتشفت مع مرور الوقت إن المجتمع بيرفض التغيير او الخروج عن العاده بس ده رفض سببه الخوف.. الخوف من الكلام الخوف من عاده موروثه اصبحت اسلوب اساسي ف حياته زيها زي الاكل والشرب والنوم خايف يكسر قاعده الناس تعيره بيها....والغريب لما يجي شخص يخرج من بره الدايره الحقيره دي ويبقي حر الحركه الفكريه تلاقي اقرب الناس ليه بيكسره هو شخصياً بدافع انهم خايفين عليه فينتج خوف جواك من انك تتغير ورغم أن القاعده المكسورة اصلا غلط بس يقولك اصل المجتمع كده كله ماشي عليها...هو لازم كلنا نبقي في نفس الطريق!!

عشان كده شجاعه الخطوه او شجاعه الفكر هي اللي لازم تسيطر ع العرش المادي للنجاح...هي شجاعه مواجهه خوفك ف طريق ظلمه مش شايف تحت رجليك حتي.. لان الشجاعه دي هتولد الثقه ف انك هتحقق اللي ماشي تجاهه.

٢٣ أغسطس ٢٠٢٠

كانت حلوه بالفستان الأبيض وخلاص بقت هائم عارفين ياولاد زمان دلعها كان مساحه السلالم

١٥ أغسطس ٢٠٢٠

في عالم آخر صنعت ألف شخصية حقيقة الفكر وهميه الوجود. هنا في ذاك المكان لا وجود للحدود فقط عليك أن تتحدث فيما تريد ستري الكثير من الآراء طموحه الهدف.

هنا العقل الذي يعمل....هنا الخيال...هنا أنا ممزق الافكار فنا جنون العاقل... هنا جواب السائل... هنا اجد اصدقائي أجد ضحكتي اجد احزاني هنا أجدني عندنا أنسى

١٢ أغسطس ٢٠٢٠

راي متزن الفكر

ملحوظه صغيره بالنسبه لجروب together بغض النظر عن ان ف حاجات تضحك بس كله امراض نفسيه وحقيقي الجهل بين الناس زاد بدون شرح ردود افعاله النفسيه علي فئه كبيره لاني لو شرحت محدش هيقتنع بس مع مرور الوقت هتلاقي حاجتين زادو عندك بدون ما تحس بيهم هما رغبه ف الاكتئاب وزياده ف الوحده وده طبعاً بعيدا عن غل الاسكرينات عشان نضحك كلنا بس ده اسمه نقص تريبه متربناش عليه انك ضح شخص مهما قال حتي لو مش كاتب اسمه او شكله وزياده البجاحه وترخيص

الأشخاص

محتمع وصل لمرحله صعبه جدا الخقيقه وللاسف هيفضل مكمل فيها

١١ أغسطس ٢٠٢٠

كلامك اوقر اوي وانت شخص مش سوى E

اخر كلام عنها بدون قافيه وادي الحروف كمان حافيه سبتيني في عز توهاني فمتشكر جدا علي خذلاني كنتي الوحيد اللي فاهمني قصاد عالم ظالمني وكنت سعيد ويالكي كنت طاير في سماكي دلوقتي ياعيني بقول كنت مخلص بزياده ده ملعون الشخص لو الاخلاص عنده عاده سامحيني ده غلب جوايا والله محدش حاسه سويا لمليت علي الاخر فبقيت ساخر

لش فاهمين هما كلامي من هنا انا ببعتلك سلامي انت الفهم والفاهم وانا الوهم والواهم

١٩ يوليو ٢٠٢٠

لو مصدع بلاش 

هو اي الطبع؟ إطب هل الطبع شي موروث ام مكتسب؟!

طب هل الطبع هو الشخصيه؟ بلاش دي...اي هي الشخصية؟ هل الشخصيه شويه طباع؟إطب هل الطباع دي ليها أنواع؟ طب الطبع ده انفعال واحد؟!!! طب بلاش كل ده

الشخصية بالبلدي كده التكوين المميز لكل شخص عندك مثلا الطبع الصفراوي وده بيقي طبع مليان انفعالات اهمها الحيويه طب هل الحيويه انفعال؟! طب اي هو الانفعال اصلا؟

الانفعال ي سيدي هو شويه طاقه عصبيه طب هل كل الانفعالات ليها نفس كميه الطاقه؟ الانفعال ليه أشكال كتير وساعتها بينتج عنه الطبع ف صوره رد فعل متبرمج عشان كده الطبع شي فطري او لا ارداي عكس تكوين الشخصيه نهائي. لكن الطبع هو

كل ال شحاتضحة أحيانا في سلوكيات البشر

١٧ يونيو ٢٠٢٠

ملحوظه :الكلام ده كتبته عشان تعيش فيه تعيش جواه فقراه مرتين عشان تفهم اكثر...

ي ابني الظروف جايز جدا تكسرك و.....

-انا مفيش حاجه تكسرني

كداب ف كل حرف قلته... عارف إنك قاسي الطبع قدام كل الناس بس انت قاسي ع نفسك حتي لو صح كلامك ف الناس مالها ومالي انا كده ف حالي احسن اصل ي عم سيد الناس كلها اتوسخت ينفع تحط حاجه نضيفه مع حاجه وسخه مع بعض اكيد النضيف هيتوسخ.

يعني اي اتوسخت قصدك اي

_قصدي إن كل واحد لو جيت تمشي معاه سكه ودغري بيفتكرك بتتلون ودي وساخه لانه اتعود ع كده كل واحد مش بيقف لحظه يفكر هي الوساخه بقت عادة عند معظم الناس...عشان كده مش كل من هب ودب يكون ف محيطي الشخصي.

-بس دي حاجه من زمان ي درش الناس اتعودت خلاص وبعدين محيط شخصي اي اللي بتتكلم عليه.

ما انا قولتلك إنها اتعود وانا كمان اتعلمت من الشارع إن افهم الناس ومش كل الناس تنفع تكون حوليا مبجبش المثل اللي بيقولك اللي متحتجش اقفاه النهارده بكره تحتاج وشه.

_لا مش كده المثل بيقول اللي متحتجش وشه النهارده بكره تحتاج اقفاه.

عارف بس عكسي ليه معني اكتر وهو ان معرفه عشان فايده بالنسبه للشخص اللي بيفيد اهانه... بس اهانه اي ده تلقيهم هما الاتنين كده.

_طب انت عاوز توصل لاي عشان تعبت منك.

عاوز اقولك إن مش معني ان كله بيعمل نفس الحاجه او كله ماشي ف نفس الطريق نمشي من غير ما نفكر ولا اكتني سكرانيين دي إهانه لكل واحد وإهانه لنعمه العقل اللي ربنا عز وجل وهبها لينا... وعاوز اقولك إن الظروف عمرها ما هتكسر اللي حصل حصل لانه كان لازم يحصل وأنا مش بسمح لاي شخص يحوم حوليا ع الفاضي عرفت ليه انا جايز اكون قاسي المعامله مع الشخصيات دي.

-والله ي ابني بحاول افهم اهوه.

طب عشان متفوتش مني.. بص مش اي حاجه ي عم سيد نغرف منها وناكل وحتي لو حد غصب عليك اللي هي الظروف لازن تكون اقسي من الظروف وف نفس الوقت لو ف طبق عاوز تاكل منه اختار كويس اوي الناس اللي هتاكل معاك.

_عفاهم عليك ي واد انا جعان تاكل معايا بقي شوف اقوله اي يقولي اي

_ي عم بهزر فهمت قصدك اي

اه حاجه كمان بقي انا مش قاسي مع نفسي ولا حاجه انا بحترمها وعاوزها تكون مع اللي يقدرها ي عم سيد ف دي عندك حق بردو

طب ياله قوم هات الاكل ياله عشان جعان انا كمان

٢٢ مايو ٢٠٢٠

كلام حويط ياض ياعبيط...

= هل إنسحاب شخص ما من حياتك ممكن يأثرع حياتك؟!

-علي حسب الشخص ما ده اي ظروفوا معايا.. بمعني ان كل ما كان غالي عندي كل ما التأثير هيزيد... بس السؤال هنا هل التاثير ده هيفضل معاك ع طول ولا هيقل مع الوقت؟!

=انا شايف انه هيقل مع الوقت.

- تبقي حمار وده اجابه منيله ع دماغك...

ليه بس 

-لان الرد علي السؤال ده بيختلف من شخص للتاني لان كل شخص احساسه بيختلف عن التاني... يعني مثلا مينفعش تشوف شخص زعلان وتقوله انا حاسس بيك ده اسمه

=مفهمتش بردو انا ردي غلط ليه.. 

-لا هو مش غلط هو بيدل علي شخصيتك المنيله بنيله  شخصيه عمليه زياده عن اللزوم

=وانت عرفت منين ياعم المنجم انت ا

-ماهو انا اللي كاتب الحوار واخليك زي ما انا عاوز 

٢٥ مارس ٢٠٢٠

• فلوس زي الارز قوله طز

المكان : في أحد القصور دار ذلك الحوار بين صاحبه وخادمه المقرب فبدا الخادم يقول:

*بقولك اي ياباشا

-عاوز اي ي زفت

*دايما كده مكسر طموحاتي

-اخلص عاوز تقول اي

• عاوز أقولك أن ف شخص سئل عليك النهارده كذا مره يطلع مين ده بقي إن شاء اللّه

• ..... عزرائيل ي باشا

-مين.!

*حبيت أقولك انه بيسئل عليك كل يوم وشكله كده بيقولك بالبلدي يعني احترم اللي جابوك واحترم نفسك وبطل اللي انت

لتعمله ده

-وانا بعمل اي يعني ما كل الناس بتاكل حرام هي جت عليا انا يعني

*ماهو مش كل الناس هتتحاسب مكانك يابئف افهم الاكل الحرام عمره مابيشبع مهما كلت وشو اهو معاك فلوس زي الارز بس ي خساره ملهاش اي لازمه قصاد مرضك اللي ملوش علاج واظن انك مش جاهل للدرجه دي عشان متفهمش ان كل اللي انت فيه ده بسبب ماشيك البطال جرب تبطل اللي انت فيه ده وانا واثق انك هترجع بصحه زي الحديد وهتشوف قلت أي مال وشك كرمشه كده ليه يا باشا

-انت عندك حقك ياواد يا حمام والله.. وانا ضمير من جوايا نار بتغلي ومش عارف انا ليه مكمل ف الطريق ده انا من جوايا مش عاوز اكمل بس بلاقي نفسي بتجر ليه وارجع اجري فيه اكتر من الاول نفس افهم ليه مش عارف ابطل هي العيال بعدوا عني انت عارف يا حمام

*اي معاليك

-انت واد مجدع فعلا اي لسانك طويل بس انت الوحيد اللي مبعتش عني

*انت يتقول اي ياباشا انت غلوتك زي ابويا اللّٰه يرحمه انا ٥١ مبقتش عنك ومقدرش اقولك اني هفضل جنبك ع طول بس انت بعت عن اهم حاجه ف حياتك وكل اللي انت فيه ده بسبب بعدك عنه طبعاً انت عرفت هو مين؟

-قصدك الواد حنكش بتاع البار

*انت هتسهبل يا باشا ولا اي

-اومال مين لغبطتني

*ربنا ياباشا الخالق اللي اهداك كل النعم اللي انت فيها دي ومفكرتش لمره تشكره

٩ يناير ٢٠٢٠

لما شخص تعرفه بيموت بتفتكر كل ذكرياتك معاه حتي لو كانت ذكريات قليله....آه ستي كانت ذكرياتي معاها قليله بس لطيفه تضحك يعني... بيبقي شعور وحش لما تفتكر الذكريات دي وتمرع وشك ابتسامه بهتانه... ربنا يرحم الجميع