٢ سبتمبر ٢٠١٩

متيجي نتكلم بصراحه

-نتكلم في ايه بالظبط و

تخيل معايا كده إن اللي أنت كنت عاوزه راح هتعمل ايه!؟

-عادي.... مايروح ما كله رايح احنا قلنا بصراحه مش بكابه يابائس

امش قصدي..بس مش فاهم قصدك E

قصدي لو كنت حابب تقول حاجه لحد او في حلم وراح منك هتعمل ايه.. ايه رد فعلك علي الكلام ده

-لا بص انا بتعامل بالمنطق يعني لو حلم مثلا مش بيروح مني هو ممكن يتاخر ممكن يتطور لكن مش بيروح... أما بالنسبه للأشخاص فبصراحه وبدون لف ودوران مبحبش العشم بالناس انا من النوع اللي ميتعشرش ©©® لا بجد بخاف اكون تقيل عليه او ن اكلمه وهو مش عاوز يتكلم حتي لو كنت عاوز اتكلم معاه فاهمني

٥ فاهم قصدك....

١٢ سبتمبر ٢٠١٩ 

اعتراف صريح طويل شويه......

من مده كبيره شفتك واتشدتلك بس عمري ما فكرت اقولك.... ماهو طبيعي لما تعجبك حاجه تلخبطك...ومشفتكيش بعدها بس قلت لازم اعرفك اكتر مبحيش اكون شايف حاجه عجباني ومعرفهاش... فعلا عرفتك وكلمتك واتصدمت لما حسيت اني بتشدلك اكتر..

وكنت ومازلت خايف اقولك وشلت الفكره من دماغي لما عرفت انك مرتبطه بشخص...

قلت بلاش تتعشم عشان مترجعش تندم... فقل الكلام وابتديت اختفي من الصوره...

بس فجاه رجعت تاني لما عرفت انك سابته.. متستليش ليه بس فعلا حابب كلامك هو اه ساعات كتير بيخضني رد فعلك بس قشطه..اصلك شبهي بردو مبتحبيش المجاملات... طبعاً وانت بتقرا عارفه انا الكلام عليك... اسف ممكن الكلام يضايقك وممكن احد بلوك

بس قشطه مش هزعل هو هضايق شويه وخلاص يعني €® اصل مبحبش اكون عاوز اقول حاجه ومقولش وانا بقالي فتره ساكت ...

ملحوظه: لو هتعملي بلوك عرفيني عشان عاوز ابعتلك حاجه بقالها كتير عندي

١٣ سبتمبر ٢٠١٩

ممكن اسئلك سؤال

- ايه

هو أنت ليه لما شخص بياخد رآيك في حاجه لازم يكون رايك صح

- لا مش لازم طبعاً وساعات بيبقي غلط

مش قصدي بس دايما بشوف ده قدام عيني... عملت ايه عشان توصل لكده عاوز اعرف

- بسيطه بس صعبه E... تعرف تقيس كل حاجه بتحصل قدام عينك مش فاهم

- يعني اي موقف اي مشكله اي كلمه بتحصل قدامك لازم تقيسها علي نفسك وتفكر فيها مهما كانت صغيره..

يانهار اسمر ده صعب ياعم ده معناه اني علطول مركز في كل حاجه

- بالظبط كده... هي صعبه بس التعود حلو بردو ٥ ٥ج... واعرف ان شوال حكمه

ولاشوال هتيه ق٥

يعني ايه مش فاهم 

- مش لازم تفهم.. خدها كده

١٤ سبتمبر ٢٠١٩

تعرف الواحد نفسه فيه

-ايه؟!

نفسي اخرج ياسطي خروجه نضيفه كده..... خروجه هاديه بس مرووشه.. غاليه بس رخيصه.. مكان حلو بس عشوائي... فاهم قصدي

- ده لغز كده مش خروجه.....

ن قوم ياض غور في داهيه امشي... جتك ستين داهيه

١٤ سبتمبر ٢٠١٩ 

مقدرش اوصف كميه الراحه لما اسمع كلمه ياعالم بكره مخبي ايه... بحس بثقه غريبه إن بكره احلي ومليان خير.

- انت اهبل يالا ولا شكلك ايه... -انت متخلف صح

ليه الغلط ده طيب

- اصل انا عمري ماشفت حد في حياتي بيرتاح لما يسمع الكلمه دي الكل قلقه بيزيد وبيخاف

بص يابوعمو أنا بمشي بمبدأ حسن الظن بالله ٤.. عرفت لييه برتاح وبالعكس مش بخاف من بكره لاني واثق في الخالق وببقي مشتاق جدا لبكره

-آنت بحب الحياه يامصطفي

- معناه ايه الضحك ده .... ١

٢١ سبتمبر ٢٠١٩

لا بس قولي انت ليه منعزل او وحيد

-مش فاهم قصدك... اصل في فرق بين العزله والوحده.

ازاي يعني

-العزله بالنسبالي شراء دماغ او الوحده هي اعلي من كده بشويات هو حلو تشتري دماغك بس مش حلو انك تبقي وحيد.

-لا اصل انا بحب الوحده

٢٢ سبتمبر ٢٠١٩ 

تعرف ياض

-اعرف ايه بالظبط و

من اكتر الحاجات اللي بكرهها إن شخص يكون فاكر انه عامل معايا جميله... بيجبي عليا

-قصدك أيهاS

يعني محبش حد يفشخر علي حسابي ياروح امك..ويقول دانا اللي مربيه وانا اللي معلمه... انا محدش رباني يابي واخلع بقي بدل ما امسح بوشك الاسفلت ٤

٢ اكتوبر ٢٠١٩ 

ها قولي بقي وصلت لحد فين بقالنا فتره مش بنتكلم

- مفيش...الحال زي ماهو

لا شكلك متغير تفكيرك بقي غير الاول

-طبيعي التفكير يتغير.. من ضمنه اني بقيت متحير..

اقولك حلك أيه...

-قول

٤ اكتوبر ٢٠١٩ 

انت مش مفهوم ليه هاه

-ازاي...وبعدين وانت تفهمني ليه معلش 8 لا بجد عاوز اعرفك اكتر

-شايف العالم ده كله

اه شايفه ماله

-شايف الناس بقي اللي في عالم ده كلها شايفها مالها يعني مش فاهم

-انا من كل دول... انا كل دول..

٤ اكتوبر٢٠١٩ 

تعرف في حقيقه مكنتش مقتنع بيها طول حياتي ومكنتش معترف انها حقيقه اصلا

-ياعم الروش لخص في حوارك مش نقصاك

ان في ناس بيبقي وشها حلو اوووي عليك مكنتش بركز الاول في الموضوع ده بس يمكن عرفت لما بقت الحياه اصعب من الاول ومعقده..

-ايوه ياعني اعمل ايه دلوقتي بردو 

لا قصدي ان كانت الدنيا سودا بس دلوقتي في نور وامل مش ملاحظ

-لا ملاحظ انك هتتخزوق قريب 

تصدق احتمال جايز بردو 

٧ اكتوبر ٢٠١٩ 

مالك ياخويا فرحان بنفسك اوي كده ليه

-ليه السؤال ٥

لان انتصاراتك وهميه وكمان عينك معميه.. مش قادر تفهم انك بائس حتي الحزن نفسه حاسس انك كداب

-معقول E.............سواد...كلك سواد يالا علي العموم انا مغلوب ومش هتناقش لاني فرحان دلوقتي بس ليك عندي كرباج كلام هيسلحك.

٣١ ديسمبر ٢٠١٩

زي ما الفشل بدايه النجاح زي ما نهايه سنه بدايه سنه

اكيد مر عليك ايام صعبه واكيد فشلت ف تحقيق حلم ما لكن ع راي الكلام ستشرق الشمس ونحاول مره اخري بص ع الجانب المشرق ومتبصش ع اللي اتعودت تبص عليه دايما اه الموقف صعب وانت اكيد اتشلوحت كتير بس زي ما تقول معجنه خرجت منها المصطفي الشحاته تحاول من تاني وبدايه الفرصه انك لسه بتنفس لحد اللحظه دي

٢٨ نوفمبر ٢٠١٩ 

*نتكلم بصراحه

-أتنيل عاوز تقول اي

*ردك زباله ماشي.... كنت عاوز اقولك إني بقيت اخاف مني

-ايوه يعني انا اعمل اي 

- ٥خلاص خلاص... مش عارف اقولك اي والله بس ليه تخاف اي سببه الخوف منك ده

*مش عارف بس تقريبا كتر التفكير ف حاجات كتير كتر الضغط اللي مش عارف جي من اي كت...

-اسكت طيب اقولك ع حل حلو

*اي

-اضحك.. اضحك بصوت عالي لغوش ع التفكير شوش امه 

٤ ديسمبر ٢٠١٩

كفيله صدفه تفكرك بالذي قد فات كفيله تفكرك إنك كنت دافن الملفات كفيله الصدفه تفتح الجرح اللي اتلم كفيله تفكرك إنك عندك دم..

٧ سبتمبر ٢٠١٩ 

ميغركيش جعودي وجبروتي... دانا والله يادوب سامع صوتي وإن جيت احكي وياكي...هتلاقيني مشدود لهواكي بس أنتي ياعيني مجروحه....ومن الحزن مفضوحه.

٩ سبتمبر ٢٠١٩

بتدفع للي حوليك محبه...وتاخد بدلهم القسوه حبه حبه..اوعي تصدق في يوم..انهم فيفتكروك قبل النوم

ده كله كلام...اشبه كتير للاحلام...

٤ نوفمبر ٢٠١٩ 

الف قصيده كبت كتبت 

لا الوجع خف ولا الدمع جف 

لا والعقل كمان اتهف 

وبات العقل نحات والقلب مات

٥ نوفمبر ٢٠١٩ 

سلم علي السجان وانفخ نفسين الدخان 

واستني القهوه الفنجان

٧ نوفمبر ٢٠١٩ 

تفرح ازاي قلب مبقاش قابل طعم الفرح 

ده كل اللي قابله دوقه طعم الجرح

١١ نوفمبر ٢٠١٩

شبعت اشيل جبال احزان علي كتافي 

شبعت من السواد اللي لون غلافي

١٢ نوفمبر ٢٠١٩

منين تجيب كلام يوصف المشهد 

كل كلمه تتقال من قسوه المشهد بتستشهد

١٦ نوفمبر ٢٠١٩ 

كداب كل من قال الوحده راحه 

الوحده دي العن عمليه جراحه 

اسمع كلام واحد كان حابب يدوق ويجرب 

وفي الاخر بقي شخص محروق ومتخرب 

٢٠ نوفمبر ٢٠١٩

طول عمر الاشتياق حراق 

وطول عمرك مليك الكبرياء

٢٢ نوفمبر ٢٠١٩ 

ملخص كل العلاقات اللي مرت عليا 

ملخص كل العقد اللي فيا 

انا غير 

انا عكس السير 

٢٢ نوفمبر ٢٠١٩

ليه كل ليله بتقول هتكلمك 

ليه كل ليله قلبك بيعشمك 

خيال مليان إسراف

٢٣ نوفمبر ٢٠١٩ 

-بيصعب عليا اوي اللي بيكون مقتنع بفكره او حكمه وتكون غلط من الاساس بحسه بيعاني لحد ما يعرف انها غلط

+ وانت ايش دخلك اصلا عيل حشري صحيح

١٦ اغسطس ٢٠١٩ 

- ليه مكمل في علاقه وانت واثق من جواك إنها هتنتهي !؟ 

+ لاني غبي 

- لا بجد ليه 

+ بص بصراحه انت عندك حق في دي وعشان كده مش مكمل..سلام بقي 

- اي ده انت رايح فين 

+ همشي مش قلتلي متكملش في علاقه انا عارف انها هتنتهي 

-………..

٢١ اغسطس ٢٠١٩ 

- مالك ياض شكلك متضايق ؟ 

+ مفيش والله 

- انجز في اي 

+ بصراحه مضايق منك انت 

-متولع …. ليه طيب 

+ اصل بصراحه سمعت عنك كلام كده مش حلو….واكتشفت انك بصراحه شخصيه مقرفه وزباله. 

- طب دي حاجه حلوه…..بس هقولك حاجه حلوه اكتر من اللي انت قلته بص بغض النظر عن اللي قال الكلام بس الشخص المحترم فعلا اللي يجي قدامي ويقول الكلام ده مش هزعل زي ما انت قلت كده. 

+ اه انا ملاحظ انك عادي يعني 

- ياعم الناس عادي والله بس اللي قال كده بيشخبط عليا بالرصاص وانا بالحبر مهما يوحش فيا ولا يفرق معايا

٢٢ اغسطس ٢٠١٩ 

دايما عندي رغبه في الكلام والكتابه الي ما لا نهايه بس لاحد بيسمع ولا حد تثق فيه عشان تتكلم فتسكت.