MGA GURONG HINDI SUMUSUKO

Ilang buwang hindi makalabas
Para bagang mga paa’y nakakadena.
Malapreso ang pakiramdam
Na nais nang makawala. 

Maging ang ikalawang tahanan,
Hindi mapuntahan dahil sa pangamba.
Subalit ang karunungang yaman,
Patuloy pa ring pinasisigla.
Ito’y sa tulong ng  mga guro,
Mga gurong hindi sumusuko. 

Ngayong may  pandemya,
Pagkatuto’y walang hanggan.
Dahil sa iyong mga iniaalay,
Sa iyong paggagabay,
Bayaning patuloy na lumalaban. 

Mga hamon ng bagong normal.
Hinarap mo,
Nilalabanan mo,
Upang kaming mga natututo,
Pagkabilanggo sa tahanan,
Mas maging makabuluhan. 

Pasasalamat sa mga paghihirap,
Sa dugo’t pawis para sa aming mga pangarap.
Hindi man agad na nasusuklian,
Asahan niyo po,
Dadalhin ang mga ito sa pang-araw-araw,
Lalo na sa aming tagumpay.