Eg heiter Symre Taugbøl Bang, er 24 år, og har drive med musikk gjennom heile oppveksten. Hovudinstrumentet mitt er gitar, men song og hardingfele har alltid vore med på vegen. På musikklina i Skien starta for alvor interessa for tekstskriving, og eg avslutta VGS med å spele inn albumet «YMSE»(2021). Hausten 2024 kom albumet «Elles ganske frisk», – ein fargerik bukett av tekst og musikk skrive i alderen 18 til 22. Tredjeplata «Ikkje noko for meg» kom 27. februar 2026 og inneheld 10 varierte spor om nære relasjonar og store tankar. Etter fullført utøvande bachelor delt mellom Griegakademiet i Bergen og NMH i Oslo har eg flytt heim til småbruket i Morgedal.

foto: Lokalmønstringa til UKM 2012

Eg likar tekstar med humor trass i alvorlege tema, som ein kan høyre i singelen «Det mange som hatar jol» frå 2023. Eg knyt mykje av identiteten til heimstaden min, og har komponert og spelt inn jubileumslåta til Vest-Telemark Blad «Allting som har skjedd», og bygdelåta «Kom heim att», - som er bruka i dokumentarfilm om fråflytting frå Fyresdal, og seinare sesong 2 av «Jon blir bonde».

Størrelsen på SYMRE vairerer frå meg solo, til duo, trio, kvartett og gjerne kvintett. Eg har også samarbeida med andre artistar og ensemble. Telemarkingane Jon Espelid på trommer og Torjus Gravir Klykken på bass er å rekne som faste medlem.

ANDRE PROSJEKT

Bankvelv er eit duoprosjekt saman med Heidi Kvelvane!

LES MEIR PÅ: https://www.bankvelv.com/

Ecokrim er eit jazzprogband saman med Heidi Kvelvane!

LES MEIR PÅ: https://ecokrim.com/