A saúde mental en mulleres  STEAM

Na web de 11F, na temática desta edición describen os problemas que moitas mulleres STEAM tiveron/teñen que superar:

As mulleres nos campos da Ciencia e a Tecnoloxía teñen que enfrontar desafíos únicos que afectan a súa saúde mental, vencellados a desigualdade de xénero, á discriminación e a  conciliación familiar.

Varios estudos sinalan que as investigadoras teñen máis probabilidades de experimentar ansiedade, depresión e outros trastornos mentais en comparación cos seus colegas masculinos. Isto está relacionado coas maiores demandas sociais e laborais, así como coa sub-representación en campos científicos, debido ao coñecido teito de cristal.

Algúns estudos conclúen que as mulleres presentan maiores taxas de ansiedade e depresión, o que pode influír no seu benestar a longo prazo no ámbito académico e de investigación. Ademais, a presión por equilibrar a vida profesional coas responsabilidades familiares incrementa o estrés nas investigadoras, afectando a súa saúde mental de maneira significativa.