Аб музеі
Музей "Спадчына" дзяржаўнай установы адукацыі "Сярэдняя школа №28 г.Гродна"
Мэты:
адраджэнне роднай мовы, культуры, абрадаў, нацыянальных традыцый;
абуджэнне цікавасці, павагі да матэрыяльных і духоўных каштоўнасцей продкаў;
выхаванне патрыятызму, нацыянальнай годнасці.
Асноўныя накірункі дзейнасці:
даследча-пошукавая;
культурна-асветніцкая.
Асноўны фонд – 190 экспанатаў.
Адкрыццё музея адбылося 4 лістапада 2016 года.
Кіраўнік музея - Тумель Леакадзія Мечыславаўна
Музей прыняў 1140 наведвальнікаў, сярод якіх навучэнцы розных школ горада Гродна, іх бацькі, студэнты ВНУ, госці з Літвы, Германіі, Польшчы.
Экспазіцыя “Ад парога бацькоўскай хаты…” прадстаўлена наступнымі раздзеламі:
Чырвоны кут.
Бабін кут.
Рамёствы:
бондарства;
пляценне;
ганчарства.
4. Свет продкаў.
5. Ткацтва.
6. Паясы. Карункі.
7. Беларускі нацыянальны касцюм.
8. Вышыўка.
Настаўнікі школы, навучэнцы і іх бацькі былі актыўнымі ўдзельнікамі этнаграфічнай экспедыцыі “Мой край”, якая распачалася ў 2005 годзе.
У выніку музей валодае шматлікімі экспанатамі, якія ўяўляюць гістарычную каштоўнасць, адлюстроўваюць асаблівасці культуры Гродзеншчыны. Сярод іхкросны,калаўроты ,матавілы, церніца, ручнікі, вышыўкі, паясы, збанкі, кашы, хлебная лапата і іншыя прадметы хатняга ўжытку XIX –XX стагоддзяў.
Адна з галоўных задач музея - выхаванне гістарычнай свядомасці школьнікаў. Ажыццяўляецца гэта з дапамогай рарытэтных музейных прадметаў. Гісторыя паўстае перад навучэнцамі ў апрадмечаным выглядзе.
Шчыра запрашаем усіх жадаючых у наш музей!