Ang Sangguniang Kabataan ng Barangay Concordia ay nagtaguyod ng pakikilahok sa komunidad at paghubog ng kabataan tungo sa pag-unlad mula pa nang ito'y itatag. Ang organisasyong ito ay itinatag upang bigyan ng plataporma ang tinig ng kabataan, at mula noon ay patuloy na lumalago at nagbabago, habang layuning makabuo ng mahahalagang proyekto at programa na makakatulong sa ating komunidad. 

Ang organisasyon ay nananatiling tapat sa layunin na lumikha ng mas magandang kinabukasan para sa kabataan ng Concordia sa paglipas ng mga taon. Narito ang buod ng lahat ng mga nagawa namin mula nang kami ay umupo noong Nobyembre 2023 at umabot sa aming ika-100 na araw.

Para sa lahat ng Kabataan ng Concordia!

Sa patuloy na pagyabong ng teknolohiya ay minamabuti ng Sangguniang Kabataan ng Concordia na linangin at paghusayin ang paggamit sa mga ito. Gaya ng facebook ay naglathala din kami ng website upang mas malawak ang masakop ng pagbibigay namin ng impormasyon tungkol sa kasalukuyang ginagawa ng Sangguniang Kabataan para sa kanilang nasasakupan. Nabuo ang website na ito hindi upang ipagmayabang ang nagagawa ng SK Concordia kung hindi ipakita na may ginagawa ang SK Concordia upang mapabuti ang lahat ng kabataan sa ating barangay at makapa-bigay ng angkop na serbisyo sa totoong problemang kinakaharap ng lahat ng kabataan ng dulong timog ng Bayan ng Alitagtag. 

Naniniwala ang SK Concordia na sa patuloy na paghahangad na may malaking ambag ang kabataan sa ating lipunan, patuloy kaming magsusulong ng programang kabataan ang magpapasiklab.