Этнаграфічны музей "Скарбонка"
Гасцінна прадстае куточак даўніны,
Нібы палац, старанна збудаваны
Нашчадкамі ў школе нумар тры,
Хоць і не значыцца ў “Генеральным плане”.
Дзе даўніна, насуперак гадам
да нас данесла вечнае, святое!
2 снежня 2017 г. у дзяржаўнай установе адукацыі “Сярэдняя школа №3 імя В.М.Усава г.Гродна” адбылося адкрыццё этнаграфічнага музея “Скарбонка”. У свяце прынялі ўдзел вучні, іх бацькі, настаўнікі. Сярод гасцей - ганаровы член грамацкага аб'яднання “Саюз пісьменнікаў Беларусі” Ермашкевіч Б.І., народны вакальны ансамбль “Зарачанскія крынічкі”.
Удзельнікі свята змаглі пачаставацца нацыянальнымі беларускімі стравамі, якія падрыхтавалі удзельнікі праекта "Госці ў хату" – калектывы 1-7 класаў разам з бацькамі.
Мэта нашага музея - знаёміць дзяцей з культурай беларускага народа, прабуджаць цікавасць да свайго радаводу, да сям’і, да гісторыі роднага краю, выхоўваць пачуццё гонару за працоўныя, творчыя справы старэйшых пакаленняў, фарміраваць пацуццё павагі і любові да роднай хаты, да свайго роду, да сваёй Радзімы.
Галоўнай умовай адраджэння нацыянальнай самасвядомасці беларусаў з’яўляецца зварот да роднай мовы, народных традыцый, культуры, вуснай паэтычнай творчасці: песні, абрады, гульні, рамёствы, звычаі. Калі ўсё добрае, назапашанае нашымі продкамі залажыць у малодшым узросце, гэта і застанецца, гэта будзе з кожным усё жыццё.
Бо і сэрца, і розум дзяцей чыстыя!
Бо ад дарослых залежыць, якім выхаваем новае пакаленне грамадзян незалежнай Беларусі!