العمل من المنزل
بسم الله والصلاة والسلام على رسول الله
العمل من المنزل عبر الحاسوب او الموبايل الذكي
العمل في المنزل بواسطة الحاسوب او الموبايل الذكي وتحقيق عائد حقيقي ليس بالشيء الجديد في عالم التقنية الحديث، ولكن نسبة للحصار الإقتصادي على السودان فان هذا الموضوع صعب جداً
حيث أن غالبية المواقع التي توفر هذه الوظائف وبطبيعة الحال البنوك الالكترونية مثل البايبال PayPal , وبنوك تخزين العملة الالكترونية بيتكوين مثل Coinbase محجوبة عن السودان.
استخدام الوسائط الاجتماعية مثل الفيسبوك وانشر المقالات والفيديوهات في اليوتيوب أيضاً يمكن ان نستفيد منه بعائد لولا الحصار الاقتصادي، ولكن يجب الاحتفاظ بكل الحسابات والصفحات والفيديوهات المنشورة التي انشأناها لاستخدامها فيما بعد اذا تم فك الحصار. فغالباً إحصاءات الاستخدام والمشاهدة وغيرها تكون محفوظة في الحساب ولكن يجب الالتزام بقوانين النشر وحفظ الملكية الفكرية للمادة المنشورة اذا كان فيديو او صوت او مقالة يجب ان تكون اعددتها بنفسك، ولم يسجلها شخص غيرك في الملكية والصوت والتاثيرات المستخدمة كذلك، هناك مكتبة مجانية في اليوتيوب للاستخدام كمثال. الاخلال بالشروط 3 مرات يعرض المشترك لاغلاق حسابه في اليوتيوب عند تفعيل برنامج العائد المادي للفيديو.
إن شاء الله مع بعض نشوف الحلول والبدائل للاستفادة من هذه الميزات وندخل لينا شوية دولارات لينا وللبلد اذا في شهر كامل كل شخص دخل دولار واحد حـ تصبح 40 مليون دولار حسب عدد السكان، دي حاجة ما هينة عشان نشوف آثار الحصار المفروض علينا. وأصلا نحنا مستهلكين الموارد المحتاجين ليها في العمل على النت من استهلاك أجهزة حاسوب وموبايلات وتفعيل نت وكهرباء وزمنا الغالي. دي حاجات محتاج ليها برنامجنا الأول الحا نبدأ بيه عشان نكسب الزمن ونبدأ نورد وأنا شخصياً جربته ودخلت لي حبة سنتات خلال أسبوع، نوريكم بالتفصيل باذن الله.
في البداية لازم نعمل حساب بنكي الكتروني، بعد صعوبة اتحصلتة على عنوان بنك الكتروني لا يحجب السودان هو بنك الايبي في الرابط:
https://www.epay.com/epayweb/register?ref=00571582
هو موقع مشهور ومعتمد في البيع والشراء والتحويل عبر النت، ويمكن تحويل الاموال الالكترونية او بالعملات الاجنبية الى صرافات او بنوك اخرى وتحويلها للعملة التي نريدها بسهولة.
نحتاج بعد تسجيل حساب بواسطة عنوان البريد الالكتروني الى استخراج عنوان الحساب الذي نرسل فيه العملة الالكترونية بيتكوين او الانواع الاخرى من المحفظة باختيار توريد Deposit ثم اختيار العملة التى نريد توريدها، يجب نسخ هذا الرابط والاحتفاظ به لتوريد الارباح فيما بعد فيه.
المتصفح وبرنامج تعدين العملة الالكترونية نت بوكس
يمكن التحميل من صفحتهم المباشرة من رابطي المباشر https://netbox.global/r/r070B
هو مستعرض نت مثل الكروم بالضبط، تثبته في الجهاز، وأنا جربته على جهاز ثابت ديسكتوب ولابتوب
وممكن تحول رصيد من جهاز لي جهاز كل فترة قبل ما تحولها لمواقع الصرافة الالكترونية مضمونة نشرحها بعد قليل.
بتفتح ليك نافذة فيها خيار فتح المحفظة خش عليه ويطالبك بكلمة المرور اكتبها وكدة يكون اتفعل
بعد اكتمال التفعيل ستجد انو المستعرض بقى هو الافتراض، وبعمل مع تشغيل الجهاز في الخلفية وده خيار بطالبك بيه عند التثبيت ماعليك الا انو تستخدم المتصفح الجديد بدل السابقات وخلال 24 ساعة بتلقى نزلوا ليك رصيد في حسابك عندهم عبارة عن 20 عملة كمكافأة تفعيل بالاضافة لعائد الاستخدام وهو صغير ومكافاة للاعلان في برنامج الاعلان عندهم.
تخش في Referral program بيولدوا ليك رابط تشاركه في الوسائط ، واي احد يستخدم البرنامج عن طريقك زي الرابط العملته https://netbox.global/r/r070B بيعطوك مكافأة بس انسخ واحد من الروابط الثلاث والصقها في اي مقالة او مشاركة من برنامج الريفير
أعمل حساب عندهم في الموقع وأهمة حاجة الباسوورد لازم تكتبها برة في نوتة، وكمان بيولد ليك جملة طويلة ما مفهومة تحفظها في ملف نوت باد في درايف تانية غير السي.
وبعد التسجيل وتثبيت البرنامج والاحتفاظ بكلمة المرور، خش على Session زي الفي الصورة ، ومنها للخيار الاخير Show wallet
دي المكافأت خلال اسبوع، وحولتة من جهاز تاني لحسابي طبعا باستخدام ايميل تاني، وفي الاعلى اثبات السحب من الحساب لموقع صرافة الكترونية عاوز ليه مقالة براه.
لا تتعامل كل الصرافات Bitcoin Exchange بالعملة NBX وهي العملة الناتجة من الشركة دي، أنا جربتة كم صرافة وهي لتغيير العملات الالكترونية عشان البنوك الالكترونية زي Coinbase , Blockcoin ما بتتعامل مع كل العملات عشان كده في الاول تحولها ل بيتكوين او دولار وبعدين تحولها لبنك الكتروني. مثل اتيكس او بيست جاينج Bestchange الرابط في الناحية اليسرى
انا حولتها للصرافة https://app.stex.com?ref=79415083 استيكس هي صرافة في استونيا ، يمكن تحول ليها وبعدين تشوف البورصة لايف مباشرة الاسعار بتتغير لحظة بلحظة ده موضوع تاني، لكن اهم شي عشان تحول قروشك لي بنك رسمي وتستلمها كاش بيطالبك موقع استيكس باثبات شخصيتك عن طريق واحد من الشركات المتخصصة، الموضوع ما صعب.... لقيت شركة المانية، سجلتة فيها ببيانات الجواز وصورة منه اختها بالتلفون، واثبات الشخصية و صورة او اسكرين شوت من اي فاتورة للكهرباء او الضرائب، انا عملتة اسكرين شوت لصفحة تطبيق بنك امدرمان بعد ما حولتة لي كهرباء بـ 200 جنيه، ونجح الموضوع .. بس في جاجة عاوزين لقطة صورة حية وتكون شايل الجواز في يدك، ووحدة تانية مباشرة عشان كدة الموضوع عاوز لابتوب او بالتلفون عشان تاخد الصور. الموضوع هين يمكن الاستفادة من الموضوع ده مستقبلا، لو عاوزين نعمل لينا حساب في بنك في الاتحاد الاوربي باعتبارهم بيضمنوك عشان كدة شيلوا الصبر.
الحمد لله الموضوع نجح معاي وتم التفعيل في صرافة استونيا من بيتنا في أمبدة وحولتة العملة لي بيتكوين لمن اسعار البيتكوين نزلت وبعدين حولتها لي دولار تقريباً 2 دولار و31 سنت أي ما يعادل بسعر اليوم 242 جنيه في اسبوع، طبعا دي شاملة مكافة التسجيل. الخطوة الجاية تتحول لي محفظة عملة الكترونية ومنها تشتري بيها مباشرة او تصرف كاش ولا تتحول لي حساب بنكي في اي مكان تقريبا.
تم تفعيل واجازة الحسابين والتحقق من صحة البيانات
لازم تكون البيانات صحيحة ومطابقة لاثبات الشخصية حرف حرف، ويكون بالجواز افضل ما عارف اذا كان بالبطاقة القومية بينجح الموضوع ولا لا؟؟
وأكيد أهم حاجة الايميل لانه عنوانك البنكي والرابط لكلمات السر وغيره مهم جدا لازم يكون ثابت وتحافظ عليه
بحاول انشر شرح بالفيديو في اليوتيوب عشان بيكون اسهل
الصورة على اليمين حالة الحساب بعد التحويل من عملة NBX إلى BTC. والصورة الثانية هي لقطة لـ بورصة اسعار الدولار مقابل واحد بتكوين BTC في اللحظة الساعة 7:10 بتوقيت السودان يوم 25/02/2020
نتمنى نكون افدناكم وشكرا
محمد عبد الحميد