Latine

Schola aestiva linguarum classicarum AD MMXVII habebitur a d. 21. usque ad d. 28. mensis Augusti in oppido Panichishte apud Germaniam (vulgo: Sapareva Bania) in radicibus montis Rilae (videas delineationem infra). Ut in annis praeteritis est tantum discipulis et studiosis universitariis destinata.

Celebrabuntur scholae de linguis classicis (lingua Latina, lingua Graeca, lingua Palaeobulgarica) legendo, scribendo, (col)loquendo, audiendo necnon tempus ad artes praebebitur. Ipsum programma post compositionem gregis divulgabitur. Omnes in fine accipient testimonium.

Schola habebitur in deversorio, c.n. Viola (vulgo: Temenuga). Iter suscipietur raeda longa d. 21. hora matutina et d. 28. hora vespertina (ipsae horae posterius addentur).

Pretium scholae est 230 leones (sive 115 nummi Europaei). In hoc praetio insunt pernoctationes, cibus (ientaculum, prandium, cena), cautio, iter (Serdicā et rursus), subsidia et alia ad scholas necessaria.

Nomen dare licet ad Id. Mai. AD MMXVII primum litteris ad Demetrium Dragnev missis (dimitar.dragnev@gmail.com), secundum 70 leonibus (sive 35 nummis Europaeis) ad rationem Scholae aestivae missis (BG06FINV91501016741020).

In litteris inesse oportet nomina, classem (in Lyceo)/ordinem (in Universitate), respondum ad hanc quaestionem: "Cur Scholae aestivae interesse velim?"

Qui ad rationem pecuniam mittat, inscribat quaeso nomen suum.

Libet pecuniam totam ad Kal. Iul. AD MMXVII mittere.

Quae in annis praeteritis in schola peracta sunt, videas hic et illic.

NB! Schola aestiva est nata, ut primum discipulis Bulgaris facultatem linguarum classicarum exercendarum daret. Ideo, quaeso, qui peregre nomen dare voluerit, Demetrium (dimitar.dragnev@gmail.com) in primis adeat.