ವಿಶೇಷ ಸಂಚಿಕೆ

ಸಂಪುಟ ೧೭, ಸಂಚಿಕೆ ೧೧, ೨೦೨೬

(ನವೆಂಬರ್) 

ಬಡ ಬ್ರಾಹ್ಮಣ

ಜ್ಞಾನವೇ ಸಂಪತ್ತು, ಸರಳತೆಯೇ ತಪಸ್ಸು

ಬಡ ಬ್ರಾಹ್ಮಣ ಪರಂಪರೆಯ ಸತ್ಯ ದರ್ಶನ.

ಜ್ಞಾನ, ಸಂಸ್ಕೃತಿ ಮತ್ತು ನೈತಿಕ ಮೌಲ್ಯಗಳೇ ಭಾರತೀಯ ಸನಾತನ ಪರಂಪರೆಯ ನಿಜವಾದ ಬೆನ್ನೆಲುಬು. ಕಾಲ ಬದಲಾದಂತೆ ಭೌತಿಕ ಆಢ್ಯತೆ ಮತ್ತು ಲೌಕಿಕ ಸಂಪತ್ತಿಗೆ ದೊರೆಯುತ್ತಿರುವ ಪ್ರಾಮುಖ್ಯತೆಯು ಹೆಚ್ಚಾಗುತ್ತಿದ್ದರೂ, ಅಂತಹ ಯಾವುದೇ ಲೌಕಿಕ ಅಡಂಬರಗಳಿಲ್ಲದೆ ಕೇವಲ ವಿದ್ವತ್ತು, ಸರಳತೆ ಮತ್ತು ಸತ್ಯಾಸತ್ಯತೆಯ ಹುಡುಕಾಟವನ್ನೇ ತಮ್ಮ ಜೀವನದ ಉಸಿರಾಗಿಸಿಕೊಂಡು ಬಂದ ಒಂದು ವಿಶಿಷ್ಟ ಪರಂಪರೆ ನಮ್ಮಲ್ಲಿದೆ. ಅದೇ "ಬಡ ಬ್ರಾಹ್ಮಣ" ಎಂಬ ಪವಿತ್ರ ಸಾಂಸ್ಕೃತಿಕ ನೆಲೆಗಟ್ಟು.

ನನ್ನ ವೈಯಕ್ತಿಕ ಹಾಗೂ ವೃತ್ತಿಜೀವನದ ಪಯಣದಲ್ಲಿ ನಾನು ಕಲಿತ ಅತ್ಯಂತ ಅಮೂಲ್ಯವಾದ ಪಾಠವೆಂದರೆ ಜ್ಞಾನ ಮತ್ತು ಸರಳತೆಯೇ ಮನುಷ್ಯನ ನಿಜವಾದ ಆಸ್ತಿ. ನಮ್ಮ ಬೇರುಗಳು ಎಷ್ಟೇ ಆಳವಾಗಿದ್ದರೆ, ನಮ್ಮ ಚಿಗುರು ಅಷ್ಟು ಎತ್ತರಕ್ಕೆ ಬೆಳೆಯಲು ಸಾಧ್ಯ. ಅಂತಹ ಆಳವಾದ ಸಾಂಸ್ಕೃತಿಕ ಬೇರುಗಳ ಪರಿಚಯವನ್ನು ಮಾಡಿಕೊಡುವ ಈ ಕೃತಿಯು ಇಂದಿನ ಸಮಾಜಕ್ಕೆ ಅತ್ಯಂತ ಪ್ರಸ್ತುತವಾದ ಮತ್ತು ಅವಶ್ಯಕವಾದ ಕೊಡುಗೆಯಾಗಿದೆ.

ಈ ಕಿರು ಕೃತಿಯು ಕೇವಲ ಇತಿಹಾಸದ ಪುನರವಲೋಕನವಲ್ಲ; ಬದಲಿಗೆ ಕಷ್ಟದ ಪರಿಸ್ಥಿತಿಯಲ್ಲೂ ಧರ್ಮ, ಸಂಸ್ಕಾರ ಮತ್ತು ಗ್ರಂಥಗಳ ಸಂರಕ್ಷಣೆಯನ್ನು ಕೈಬಿಡದ ಆ ಮಹಾನ್ ಚೇತನಗಳ ಜೀವನದರ್ಶನಕ್ಕೆ ಸಲ್ಲಿಸಿದ ಗೌರವವಾಗಿದೆ. ಸಮಕಾಲೀನ ಸಮಾಜದಲ್ಲಿ ಸರ್ಕಾರದ ನಿರ್ಲಕ್ಷ್ಯ, ಆರ್ಥಿಕ ಅಸಮಾನತೆ ಹಾಗೂ ಇಂದಿನ ಯುವಕರು ಎದುರಿಸುತ್ತಿರುವ ಸಾಮಾಜಿಕ ಮತ್ತು ವಿವಾಹದ ಬಿಕ್ಕಟ್ಟುಗಳಂತಹ ಸೂಕ್ಷ್ಮ ವಿಷಯಗಳನ್ನು ಈ ಕೃತಿಯು ನಿರ್ಭೀತಿಯಿಂದ ಹಾಗೂ ವಾಸ್ತವಿಕ ನೆಲೆಗಟ್ಟಿನಲ್ಲಿ ಚರ್ಚಿಸಿರುವುದು ಅತ್ಯಂತ ಶ್ಲಾಘನೀಯ.

ಜ್ಞಾನದ ಹಸಿವು ಮತ್ತು ಸರಳತೆಯ ತಪಸ್ಸನ್ನು ಬಿಂಬಿಸುವ ಈ ಕೃತಿಯು ಕೇವಲ ಓದುಗರಿಗೆ ಒಂದು ಇತಿಹಾಸದ ಕೈಪಿಡಿಯಾಗದೆ, ಮುಂದಿನ ಪೀಳಿಗೆಗೆ ದಾರಿದೀಪವಾಗಲಿದೆ ಎಂಬ ಸಂಪೂರ್ಣ ವಿಶ್ವಾಸ ನನಗಿದೆ. ಈ ಸುಂದರ ಗ್ರಂಥವು ಕನ್ನಡ ನಾಡಿನ ಪ್ರತಿಯೊಬ್ಬ ಸಾಹಿತ್ಯಾಸಕ್ತರ ಕೈ ಸೇರಲಿ ಮತ್ತು ನಮ್ಮ ಸಾಂಸ್ಕೃತಿಕ ಅಸ್ತಿತ್ವವನ್ನು ಎತ್ತಿಹಿಡಿಯಲಿ ಎಂದು ಹಾರೈಸುತ್ತೇನೆ.

ಡಾ.ವಸುಧೇಂದ್ರ ಹಳೆಕೋಟೆ ಕುಲಕರ್ಣಿ

ಸ್ಥಾಪಕರು ಮತ್ತು ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಸ್ಕಾಲಾಸ್ಟಿಕ್ ಗ್ಲೋಬಲ್ ಸಿನ್ರ್ಜಿ ಕಾರ್ಪೊರೇಷನ್, ಬೆಂಗಳೂರು.

(Founder and CEO),

Scholastic Global Synergy Corporation, Bengaluru.