_ფოტო მემატიანე | დიდი შაბათის ცისკრის ლოცვა,ლიტანიობა პატარძეულის წმ. შიო მღვიმელის სახელობის ტაძარი-ში 18.04.25

           მაცხოვრის გარდამოხსნა

შუენიერმან იოსებ ძელისაგან გარდამოხსნა უხრწნელი გვამი შენი ქრისტე, და არმენაკითა წმინდითა წარგრაგნა, სუნელებითა შემურვილი, ახალსა საფლავსა დაგდვა.

_ფოტო მემატიანე | ბზობის დღესასწაული, საგარეჯოს წმ.დოდო გარეჯელის სახელობის ტაძარში  

'' დაფლულნი შენ თანა ნათლისღებითა, ქრისტე ღმერთო ჩუენო, უკვდავსა ცხოვრებასა ღირს ვიქმნენით აღდგომითა შენითა და სიხარულით ესრეთ ვღაღადებთ: ოსანა მაღალთა შინა, კურთხეულ არს მომავალი სახელითა უფლისათა''.  

• აღნიშნულ დღესასწაულთან დაკავშირებით, სადღესასწაულო მსახურება საგარეჯოს წმ. დოდო გარეჯელის სახელობის ტაძარი-ში მღვდელმა გიორგი (კვანტალიანი) აღავლინა. წირვის ბოლოს, ტაძარის წინამძღვარმა მღვდელმა გიორგიმ მრევლს ქადაგებით მიმართა და დღესასწაული მიულოცა.

ფოტო მემატიანე | ნათლისღების - ღვთის განცხადების დღესასწაულზე-

საგარეჯოს წმ. დოდო გარეჯელის სახელობის ტაძარი (დოდოს უბანი), დღესასწაულისადმი მიძღვნილი მსახურება ჩატარდა - 19.01.25

'' რაჟამს იორდანეს ნათელ იღე შენ, უფალო, მაშინ სამებისა თაყვანისცემა გამოსჩნდა''

• აღნიშნულ დღესასწაულთან დაკავშირებით, დღეს, 19 იანვარს, სადღესასწაულო მსახურება მღვდელმა გიორგი (კვანტალიანი) აღავლინა. წირვის ბოლოს, ტაძარის წინამძღვარმა მღვდელმა გიორგიმ მრევლს ქადაგებით მიმართა და დღესასწაული მიულოცა.

მოხარულნი ვართ, წმიდა დოდო გარეჯელის სახელობის ტაძარში - ნათლობის წესი აღესრულა, მონათლულებს ელენიკოს და თემუკას ეპარქიის სახელით, ვულოცავთ, ქრისტეს გზაზე შედგომას.

ლიტურგიის შემდეგ შესრულდა, დიდი აიაზმა (წყლის კურთხევის წესი)

ფოტოქრონიკა წარმოადგენს - წმ. დოდო გარეჯელის სახელობის ტაძარის სოც.ქსელის ანონსს, რომელიც გამოყენებულია ეპარქიის სიახლე-უწყებანისთვის.

დღეს არის ჩვენი ეპარქიის მოძღვრის - მამა გიორგის დაბადების დღე!

ა/წ 16 იანვარს, საგარეჯოსა და ნინოწმინდის ეპარქიის, სოფ. გიორგიწმინდის ღვთისმშობლის შობის სახელობის ტაძრის წინამძღვარის მღვდელ მამა გიორგი (პავლოვი) ხორციელი შობა - დაბადების დღეა.

ვულოცავთ, მამა გიორგის დაბადების დღეს, საგარეჯოსა და ნინოწმინდის ეპარქიის სახელით ვუსურვებთ დღეგრძელობას, ჯანმრთელობას, ოჯახისა და სულიერი სამწყსოს კეთილდღეობას. 🌺

• " ღმერთმა ბედნიერი და დღეგრძელი გამყოფოთ, ოჯახთან და მრევლთან ერთად!

წმიდა საკვირველთმოქმედი გიორგის მეოხება გეწეოდეთ-ქრისტე მაცხოვრის ტკბილი და სუბუქი უღლის, მოძღვრის საპასუხისმგებლო და საპატიო ჯვრის ღირსეულად ზიდვაში, თქვენი წმინდა ლოცვით ღმერთმა ყველანი გვაცხოვნოს, მამაო! "

ეპარქიის შესახებ

საგარეჯოსა და ნინოწმინდის ეპარქია 

საგარეჯოსა და ნინოწმინდის ეპარქია აღმოსავლეთ საქართველოში, გარე კახეთში მდინარე ივრის აუზში _ გომბორის ქედის სამხრეთ-დასავლეთ კალთის მთისწინეთის ტერიტორიაზე მდებარეობს. იგი მოიცავს ქალაქ – საგარეჯოსა და მის შემოგარენს. საღვდელმთავროს აღმოსავლეთიდან ესაზღვრება ბოდბის და გურჯაან-ველისციხის, დასავლეთიდან მცხეთა-თბილისის, რუსთავის და გარდაბან-მარტყოფის, ჩრდილოეთიდან ალავერდის და თიანეთ-ფშავ-ხევსურეთის ეპარქიები, სამხრეთის მიჯნა საქართველო-აზერბაიჯანის სახელმწიფო საზღვარს ემთხვევა. 

   ამ რეგიონში საქართველოს გაქრისტიანების ახლო ხანებიდან რამდენიმე მსხვილი სამღვდელმთავრო კათედრა არსებობდა, რომელთაც დასაბამი წმიდა მეფე ვახტანგ გორგასლის საეკლესიო რეფორმამ დაუდო. ვახტანგის მიერ დაფუძნებულ ქართლის საკათოლიკოსოში თორმეტი ახალი საეპისკოპოსო კათედრიდან ორი – ნინოწმინდა და ჭერემი თანამედროვე საგარეჯო-ნინოწმინდის ეპარქიის ტერიტორიაზე მდებარეობდა. მოგვიანებით ამ მხარეში სამებელის, კაწარელისა და მარტყოფელის კათედრებიც მოიხსენიებოდა. ამდენად, ისტორიული კახეთის სამეფოში არსებულ ეპარქიათა უმრავლესობა თანამედროვე საგარეჯოს და ნინოწმინდის სამღვდელმთავრო ტერიტორიაზე მდებარეობდა. აღნიშნული სამღვდელმთავრო კათედრები სხვადასხვა ისტორიულ ეპოქაში არსებობდნენ. მათგან ყველაზე ადრეულად ვახტანგის მიერ დაარსებული ეპარქიები ითვლება. 

   ნინოწმინდის საეპისკოპოსოს კათედრა – „უჯარმის კარი“ – მეფის სასახლის კარის ეკლესია იყო, რომლის მწყემსმთავარი მეექვსე საუკუნის დასაწყისში დვინის საეკლესიო კრებაზეც მოიხსენიებოდა. ნინოწმიდელის სამწყსო დროდად-რო იზრდებოდა ან მცირდებოდა. მტერთა გამუდმებული შემოსევებისაგან აოხრებული მეზობელი ეპარქიების ტერიტორიები დროგამოშვებით ნინოწმინდელის იურისდიქციას ექვემდებარებოდა. ნინოწმინდელს პერიოდულად გარეჯის მრავალმთის ზოგიერთი სავანეც მიეკუთვნებოდა.

ვახტანგ გორგასლის მიერ დაფუძნებული ნინოწმინდის საკათედრო ტაძარი რამდენჯერმე განუახლებიათ, პირველად IX-X სს; შემდეგ კი XVI ს-ის მეორე ნახევარში ლევან კახთა მეფემ მეორედ ააშენა, შეამკო, დაუდგინა ეპისკოპოსი და შესწირა სოფლები. მეფე ლევანს ნინოწმინდელი ეპისკოპოსისათვის სამწყსოდ გარეჯიც გადაუცია.

უმძიმესი ისტორიული წარსულის მიუხედავად, საგარეჯოსა და ნინოწმინდის ეპარქიის სამწყსო ტერიტორიაზე ადრიდანვე ერთიანი ქრისტიანული საქართველოს უმნიშვნელოვანესი ეკლესია-მონასტრები და საგანმანათლებლო კერები არსებობდა: გარეჯის მრავალმთის სამონასტრო კომპლექსის ზოგიერთი სავანე (ქალაქისთვისაც სახელი საგარეჯოც მისთვის აქაური მიწების შეწირვის გამო უწოდებიათ), ბოჭორმა (X-XI სს. ტაძარი), ნინოწმინდა (VI ს. საკათედრო ტაძარი), კაწარეთი (VI-VII სს. ტაძარი), ხაშმი, უჯარმა (V ს.) ჭერემი და სხვ. ოდითგანვე აღნიშნულ ეკლესია-მონასტრებში და მთელ მხარეში დიდ საგანმანათლებლო, კულტურულ-აღმშენებლობით საქმიანობას ეწეოდნენ აქ მოღვაწე სასულიერო და საერო პირები: ღირსი ანტონ მარტყოფელი, დავით გარეჯელი, დოდო გარეჯელი, მამა ლუკიანე, წმიდა სალომე უჯარმელი და პეროჟავრა სივნიელი, არსენ ნინოწმინდელი – ათონის ლიტერატურული სკოლის თვალსაჩინო მოღვაწე, ექვთიმე ათონელის თანამედროვე და თანამოღვაწე, ბოლო პერიოდის მოღვაწეთაგან მიტროფანე ნინოწმინდელი, იოანე ნინოწმინდელი, საბა ტუსიშვილი და სხვ. 

   საქართველოს ეკლესიის ავტოკეფალიის აღდგენის შემდეგ, 1917 წ. კახეთის ტერიტორიას ორი – ალავერდისა და ბოდბის ეპარქია მოიცავდა. მალე მათ ნინოწმინდის ეპარქიაც დაემატა.

1995 წლის 5 აპრილის საეკლესიო კრებაზე ახლადდაარსებულ ეპარქიათა შორის იხსენიება საგარეჯოსა და გურჯაანის ეპარქიაც.

2003 წლის 18 აგვისტოს, ურბნისის საკათედრო ტაძარში ჩატარებულ საქართველოს მართლმადიდებელი ეკლესიის წმიდა სინოდის კრების განჩინებით, საგარეჯოსა და გურჯაანის ეპარქიის სამწყსო ტერიტორიის გადანაწილების შემდეგ, ჩამოყალიბდა გურჯაან-ველისციხის და საგარეჯო-ნინოწმინდის ეპარქიები.

საგარეჯოსა და ნინოწმიდის ეპარქიის მღვდელმთავრად საქართველოს ეკლესიის წმიდა სინოდმა გამოირჩია დავით გარეჯის მამათა მონასტრის წინამძღვარი არქიმანდრიტი ლუკა (ლომიძე).